Aðalfundur skógræktarfélgasins Bjarkar í Reykólahreppi verður haldinn í Reykhólaskóla, mánduaginn 6. febrúar kl. 20:00.

Venjuleg aðalfundarstörf.

Stjórnin

Sumarstarfsmenn óskast á Reykhólum

Reykhólahreppur óskar eftir að ráða tvo sumarstarfsmenn í starf á Reykhólum við að sinna stuðningsþjónustu hjá 16 ára stúlku, í júní, júlí og ágúst. Vinnutími væri mánudaga til föstudaga frá 9:00-16:00.

Mjög skemmtilegt og krefjandi starf sem gæti hentað vel fyrir vinkonur eða par. Reynsla af sambærilegu starfi æskileg.

Húsnæði á staðnum.

Umsóknarfrestur er til og með 1. mars 2023.

Umsóknir sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

Upplýsingar eru veittar í síma 451-3510 og fyrirspurnir má einnig senda á felagsmalastjori@strandabyggd.is.

Starfsfólk óskast í skammtímavistun á Reykhólum

Starfsfólk óskast í vaktavinnu í skammtímavistun hjá 16 ára stúlku á Reykhólum. Mjög skemmtilegt og krefjandi starf í fallegu og rólegu umhverfi.

Húsnæði á staðnum.

Umsóknarfrestur er til og með 1. mars 2023.

Umsóknir ásamt fylgigögnum sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

Upplýsingar eru veittar í síma 451-3510 og fyrirspurnir og umsóknir má einnig senda á felagsmalastjori@strandabyggd.is

Sandra Rún Björnsdóttir og Ingólfur Birkir Eiríksson, mynd Kolfinna Ýr

 Skíðafélag Strandamanna mun bjóða upp á gönguskíðaæfingu í skógræktinni á Reykhólum (hjá Tómasi) á morgun, laugardaginn 28. janúar 2023 klukkan 14:00.

Nú er tilvalið að rífa fram gönguskíðin, mæta og hafa gaman. Þjálfarar hjá Skíðafélaginu munu verða með tilsögn og leiðbeina þátttakendum. 

Frítt verður í sund í Grettislaug eftir útiveruna. Tilvalin fjölskyldustund!

Æskilegt er að börn yngri en 10 ára séu í fylgd með fullorðnum. 

Skíðaiðkendur sem luma á auka gönguskíðum eru hvattir til að taka þau með til að leyfa áhugasömum „tilvonandi“ skíðaiðkendum að prófa. 

Þverun Þorskafjarðar, af vef Vista

Mælirinn settur niður, af vef Vista

« 1 af 2 »

Verkfræðistofan Vista, í samstarfi við Vegagerðina, hefur lokið við að setja upp aflögunarmæli (e. Shape Acceleration Array) í vegstæði þar sem vegurinn þverar Þorskafjörð.

Um er að ræða fyrsta mælinn af þessu tagi frá Measurand sem settur er upp á Íslandi til að mæla jarðvegsaflögun á láréttan flöt, en aðferðin hefur verið notuð í Noregi til dæmis þar sem verið er að koma fyrir fyllingum í sjó og þvera firði.

Nánar á vefsíðu Verkfræðistofunnar Vista

Tryggvi Harðarson

Í héraðsdómi Vesturlands var í morgun tekið fyrir mál Tryggva Harðarsonar fyrrverandi sveitarstjóra gegn Reykhólahreppi. 
Í fyrirtökunni fór Tryggvi fram á að málið yrði fellt niður og samþykkti sveitarfélagið þá beiðni. 
Rekstri málsins fyrir dómstólnum er því lokið.

Covid-19 örvunarskammtur  -  næst verður bólusett föstudaginn 27. janúar 

 Fólk 60 ára og eldra og fólk með undirliggjandi sjúkdóma er hvatt til að þiggja örvunarskammt af bóluefni við Covid-19 ef fjórir mánuðir eða meira eru liðnir frá síðustu bólusetningu. Upplýsingar um fyrri bólusetningar má sjá á heilsuvera.is 

Bóka þarf tíma í bólusetningu í síma 432 1450 

Skimun fyrir leghálskrabbameini 9. febrúar 

 Konur sem hafa fengið boðsbréf eru hvattar til að panta tíma í skimun fyrir leghálskrabbameini. Skimunarsögu og dagsetningu á boði má finna á heilsuvera.is  

Tímapantanir eru í síma 432 1450 

Miðapantanir hjá Arnari s. 893 9528, Heiðrúnu s. 772 0860 og Inga s. 858 8658.

Einnig má panta með skilaboðum á facebook.

Sjá auglýsingu -----»»

Reykhólahreppur leitar eftir áhugasömum einstaklingum í hóp hagsmunaaðila vegna verkefnis sem ber yfirskriftina Hringrásarsamfélag í Reykhólahreppi (áður Grænir iðngarðar á Reykhólum). 

Verkefnið Hringrásarsamfélag í Reykhólahreppi hefur alla burði til að verða afl til breytinga á samfélagi og atvinnulífi Reykhólahrepps. Mikilvægt er því að hópurinn samanstandi af þverskurði samfélagsins í Reykhólahreppi og að allir sem láta sig þróun samfélagsins varða taki þátt í vinnunni. Hagsmunaaðilar geta verið íbúar eða fulltrúar fyrirtækja á Reykhólum.  

Markmið verkefnisins eru: 

• Að skapa ramma um auðlindamál Reykhólahrepps.
• Koma á samkomulagi á milli sveitarfélagsins, Þörungaverksmiðjunnar, Orkubús Vestfjarða og ríkisins um auðlindanýtingu í sveitarfélaginu. 
• Að skipuleggja hringrásarsamfélag og græna iðngarða í Reykhólahreppi. 

Hlutverk hagsmunahóps:

• Gæta þess að raddir fyrirtækja og íbúa skili sér inn í vinnu við verkefnið.
• Vera til umsagnar um gögn sem lögð eru fyrir hópinn. 
• Tilnefna fulltrúa í stýrihóp* verkefnisins**. 

Áhugasamir hafi samband við Jóhönnu í síma 6982559 eða johanna@reykholar.is 
fyrir 1. febrúar.

* Stýrihóp verkefnisins skipa fulltrúar sveitarstjórnar Reykhólahrepps, Vestfjarðastofu,  Þörungaverksmiðjunnar/Byggðastofnunar, Bláma, Orkubús Vestfjarða og hagsmunaaðila. Stýrihópur vinnur þétt með ráðgjöfum verkefnisins sem í fyrsta áfanga verkefnisins eiga að greina auðlindir og móta sviðsmyndir mögulegrar þróunar. 

** Fulltrúi hagsmunaaðila í stýrihópi verkefnisins verður tengiliður hagsmunaaðila og stýrihóps. Mikilvægt er að sá fulltrúi sinni upplýsingagjöf milli hagsmunahóps og stýrihóps. 

Kalda vatnið er komið á Reykhólum. Ástæða þess að vatnið þraut var að safntankar vatnsveitunnar tæmdust, annars vegar vegna þess að opið var fyrir vatnið við höfnina og hins vegar er rennsli í tankana minna en venjulega.

Fólk er vinsamlega beðið um að nota kalda vatnið sparlega á meðan safnast í tankana.

Grettislaug verður lokuð, eins og áður var auglýst, í dag og á morgun.

Það er kaldavatnslaust á Reykhólum, en það er verið að vinna í málunum.

Vegna þess verður Grettislaug lokuð í dag og á morgun.