Reykskynjarinn er mikilvægasta öryggistæki heimilisins, í dag er dagur reykskynjarans 1. desember og þá er tilvalið að kanna stöðuna á rafhlöðunni.
Ekki bíða, skiptu núna! vertu eldklár!!!
Brunavarnir Dala, Reykhóla og Stranda
Síðasti skipulagði bólusetningadagur fyrir áramót verður fimmtudaginn 8. desember n.k.
Mælt er með örvunarbólusetningu á eftirfarandi hátt:
Fyrsta örvunarskammti (skammtur III)
Öðrum örrvunarskammti (skammtur IV)
Aðrir 18 ára og eldri mega fá annan örvunarskammt 4 mánuðum eftir þann fyrsta ef þess er óskað eða læknir mælir með því.
ATH. að panta þarf bólusetningu vegna örvunarskammta í síma 432 1450
Í dag var tekin 1. skóflustungan að fjögurra íbúða raðhúsi við Hellisbraut á Reykhólum. Það voru fulltrúar frá Leigufélaginu Bríeti ehf., sem verður eigandi hússins, Landsbyggðarhús ehf., sem byggir húsið og Reykhólahreppi, sem tóku skóflustunguna.
Frá Bríeti ehf. var Guðmundur H. Jóhannsson verkefnastjóri eignaumsýslu, frá Landsbyggðarhúsum ehf. voru Indriði Þröstur Gunnlaugsson og Birgitta Sigursteinsdóttir eigendur, og frá Reykhólahreppi Ingibjörg Birna Erlingsdóttir sveitarstjóri og Jóhanna Ösp Einarsdóttir formaður skipulags- húsnæðis- og bygginganefndar. Það voru í raun 4 skóflustungur, ein fyrir hverja íbúð.
Þetta hús kemur til með að bæta að nokkru úr brýnni þörf fyrir húsnæði á Reykhólum en samt má segja að nú þegar sé eftirspurn eftir 2 íbúðum í viðbót.
Veðrið var tiltölulega gott og ekki var frost í jörðu til trafala. Að lokinn athöfn á lóðinni við Hellisbraut 58 – 64, þáðu viðstaddir veitingar í boði Landsbyggðarhúsa ehf. á Reykhólar Café. Þar var slegið á létta strengi og Guðmundur sagði að það væri engin áhætta að byggja á stað með þessu útsýni, en Breiðafjarðarbotninn, Innsveitin og Skarðsströndin blasa við frá byggingarstaðnum.
Hér er myndband af samskonar húsi, nema það er 5 íbúða.
Kl. 11:30 á morgun þriðjudag verður tekin fyrsta skóflustungan að byggingu fjögurra íbúða raðhúss hér á Reykhólum.
Raðhúsið verður staðsett að Hellisbraut 58 – 64, þar sem núverandi byggð við Hellisbraut endar.
Það er byggingafyrirtækið Landsbyggðarhús ehf. sem mun byggja húsið.
Kaupandi hússins er Leigufélagið Bríet ehf. Reykhólahreppur er hluthafi í Bríeti síðan 1. júlí s.l.
Landbyggðarhús bjóða uppá veitingar á Reykhólar Café á eftir. Allir velkomnir sem hafa tök á því að koma og fylgjast með og fagna.
Hér má sjá samskonar raðhús og verður byggt á Reykhólum, nema 5 íbúða.
Fullveldishátíð Reykhólaskóla verður haldin fimmtudaginn 1. des.
Húsið opnað kl. 16:30, dagskrá hefst kl. 17:00 og stendur til 19:00. Nemendur mæta kl. 16:30.
Aðgangseyrir kr. 1.500.-
Sjá auglýsingu.
Jólamarkaður Handverksfélagsins Össu verður opnaður á morgun, 26. nóv. og verður opinn laugard. og sunnud. kl. 13 - 18.
Opið verður síðan 2 næstu helgar, 3. - 4. des. og 10. - 11. des. á sama tíma.
Auk handverksfélagsins verða ýmis félög með varning á boðstólum, Lions, nemendafélag Reykhólaskóla, krabbameinsfélagið, skíðafélagið og etv. fleiri.
Vöffluhlaðborð verður núna um helgina og upplestur og tónlist.
Starfsmaður óskast í félagslega heimaþjónustu á Reykhólum
Þjónustan felst aðallega í aðstoð við heimilishald og félagslegum stuðningi.
Laun eru samkvæmt taxta Verk-Vest.
Umsóknir sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.
Upplýsingar eru veittar í síma 451-3510 og fyrirspurnir og umsóknir má einnig senda á felagsmalastjori@strandabyggd.is
Pítsadagur Reykhólaskóla er þriðjudaginn 22. nóvember.
Opið á milli kl.18:00 og 20:30
12 tommu pítsa með tveimur áleggstegundum............1.900 kr.
Aukaálegg..........................................................200 kr.
Margarita/hvítlauksbrauð.....................................1.700 kr.
Brauðstangir 6 stykki með sósu.................................600 kr.
Hvítlauksolía.......................................................300 kr.
1.5 líter kók........................................................450 kr.
dósagos 33 cl.......................................................200 kr.
Áleggstegundir í boði:
Hakk, pepperone, skinka, beikon, rjómaostur, laukur, sveppir, paprika, ananas og döðlur.
Tilboð!!:
2 x 12 tommu pítsur með tveimur áleggstegundum, brauðstangir og 2 l. gos 4.500 kr.
Tekið er við pöntunum frá kl.11 á mánudeginum 21. nóv. og til kl.17 á þriðjudeginum 22. nóv. í síma 894-9123 (Rebekka) eða 8613761 (Kolfinna).
Einnig er mjög gott að fá pantanirnar á eftirfarandi netfang rebekka@reykholaskoli.is
Ef pantað er í netpósti þarf að taka fram hver pantar og hvenær pítsan verður sótt. Þá verður send til baka staðfesting á móttöku.
Viljum líka minna á dósasöfnunina, en við þiggjum allar dósir og flöskur og hægt er að setja dósapokana í rauða moltuhúsið á sorpsvæðinu.
Nemendur unglingadeildar Reykhólaskóla
Afgreiðsla Landsbankans á Reykhólum verður lokuð mánudaginn 21. nóv.
