Á morgun, uppstigningardag verður Hólabúð og 380 RESTAURANT opið frá 13 til 16.

Fjarfundur var haldinn í gær þar sem kynnt var breyting á aðalskipulagi Reykhólahrepps vegna fyrirhugaðra framkvæmda við byggingu vindmyllugarðs á Garpsdalsfjalli.

Gögn af fundinum,

uppdrátt, greinargerð og kynninguna má nálgast hér.

Upptöku af fundinum má sjá á þessari slóð: 

https://www.youtube.com/watch?v=y5HEMM-4m0Y   

Landsbankinn á Reykhólum verður lokaður mánudaginn 25. maí.

Næst verður bankinn opin mánudaginn 1. júní.

Hér að neðan er slóð inn á ZOOM kynningarfund fyrir skipulagsbreytingu fyrir Vindorkugarð í Garpsdal.

https://us04web.zoom.us/j/7620298642?pwd=K2dVR2lpeksvMFFKZnJVWGFMMjhUdz09

Fundurinn hefst kl 12 og vil ég biðja gesti um að setja mute (taka hljóð af) á meðan á kynningu stendur.

Boðið verður upp á spurningar í lok fundar.

Fundurinn og efni hans verður einnig aðgengilegt á netinu eftir að fundi lýkur.

Ríkarður Ragnarsson

Verkefnastjóri.

Frágangsvinna í sturtuklefa Grettislaugar, mynd GIA

« 1 af 2 »

Heimilt er að opna sundstaði í dag, 18. maí.  Grettislaug á Reykhólum verður þó lokuð um sinn vegna framkvæmda sem ráðist var í á vordögum. Útlit er samt fyrir að hægt verði að opna laugina til bráðabirgða innan skamms og verður opnunin auglýst sérstaklega hér á vefnum.  

Enn er eftir að ganga frá sturtum og nýjum innréttingum  í búningsklefum. Innréttingarnar hafa tafist í framleiðslu vegna ástandsins af völdum Covid-19.

Um langþráðar endurbætur er að ræða og verður gaman að geta boðið uppá betri aðstæður þegar framkvæmdum lýkur.  

Reglulegum fundi sveitarstjórnar Reykhólahrepps, sem verður haldinn þriðjudaginn 19. maí, verður seinkað um 1 klukkustund. Hann hefst kl. 16:00 en ekki kl. 15:00. 

Berufjörður

« 1 af 2 »

Ferðamálastofa er að fara af stað með herferð til að hvetja Íslendinga til að ferðast innanlands í sumar.

Á meðfylgjandi slóð má sjá kynningarmyndband og kynningarbréf til ferðaþjóna þar sem herferðin er útskýrð.

Við hvetjum ferðaþjóna og sveitarfélög til að yfirfara skráningar sínar á ferdalag.is eða vestur.is til þess að allar upplýsingar séu sem réttastar.

Þegar undirbúningur herferðarinnar er kominn lengra mun Vestfjarðastofa halda fjarfund þar sem hægt verður að ræða herferðina og hugsanlegar hugmyndir og útfærslur.

Ekki hika við að hafa samband við okkur hjá Vestfjarðastofu ef eitthvað er.

Slóðin: https://www.ferdamalastofa.is/is/troun-og-samstarf/island-hvatningaratak

Vart hefur orðið við mikla aukningu á óflokkuðum heimilisúrgangi, sem sem skilað hefur verið í  almenna sorpgáma við flokkunarsvæðið á Reykhólum.  Gámarnir hafa verið yfirfullir og úrgangi komið fyrir við hlið gámanna, sem er skiljanlegt því fólk vill losna við sinn úrgang.

Ekki er um að kenna að sorphirðudögum hafi fækkað, en vitað er að þetta vandamál er ekki einungis bundið við Reykhóla, heldur er ástandið svona víðar þessa dagana og gæti sú staðreynd að fólki haldi sig meira heima vegna Covid sett strik í reikninginn.

 Á tímabili var flokkun sorps hætt, einmitt vegna Covid, en hún er hafin á ný.  Töluvert af endurvinnanlegu efni er að fara í almenna heimilissorpið.  Frekari flokkun á sorpi gæti hjálpað til við að minnka óflokkað heimilissorp og þannig gert það að verkum að gámar fyllast síður.

 Því er biðlað til allra íbúa að kanna hvort hægt sé að flokka meira af endurvinnalegu efni úr heimilissorpinu.

Íslensku menntaverðlaunin er viðurkenning fyrir framúrskarandi skólastarf, menntaumbætur og þróunarverkefni. Markmið verðlaunanna er að auka veg menntaumbótastarfs og vekja athygli samfélagsins á metnaðarfullu og vönduðu skóla- og frístundastarfi með börnum og unglingum.

Verðlaunin eru veitt í þremur aðalflokkum:

1. Framúrskarandi skólastarf eða menntaumbætur

2. Framúrskarandi kennari

3. Framúrskarandi þróunarverkefni

Að auki er veitt hvatning til einstaklings, hóps eða samtaka sem stuðlað hafa að menntaumbótum er þykja skara fram úr.

Minnt er á að frestur til að senda inn tilnefningar til íslensku menntaverðlaunanna er 1. júní nk.

Mánudaginn 18. maí verður 380 RESTAURANT opnaður á ný.

Hlaðborð verður milli kl. 12 og 14.

Hægt er að panta af matseðli milli kl. 16 og 19 virka daga.

Á laugardögum er hægt að panta af matseðli milli kl. 11 og 16.

Þessi opnun er í fullu samráði við Heilbrigðisstofnun Vesturlands og þurfa allir að fylgja ákveðnum reglum, á meðfylgjandi tilkynningu kemur það allt fram.