Aðalfundur u.m.f. Aftureldingar verður haldinn fimmtudaginn 11. júní nk. kl.20:00 í matsal Reykhólaskóla.
Venjuleg aðalfundarstörf.
Hvetjum sem flesta til þess að mæta!
Stjórn Aftureldingar
Núna á laugardag, 6. júní, gerir Þjóðskrá Íslands kjörskrárstofn vegna komandi forsetakosninga. Af því tilefni er minnt á, að tilkynningar um lögheimilisbreytingar þurfa að berast Þjóðskrá Íslands í síðasta lagi föstudaginn 5. júní, eigi þær breytingar að verða skráðar í þjóðskrá fyrir viðmiðunardag.
Stefnt er að því að prentútgáfa kjörskrárskrárstofnsins verði tilbúin til afhendingar 9. júní. Á sama tíma verður opnað fyrir uppflettingu á vefnum Hvar á ég að kjósa? þar sem hægt er að kanna hvort og hvar fólk er á kjörskrá.
Netsjúkraþjálfun (sjá netsjukrathjalfun.is)
Sjúkraþjálfarar frá Netsjúkraþjálfun verða með viðtöl og skoðanir
á heilsugæslustöðinni í Búðardal mánudaginn 8. júní nk.
Vegna tímabókana og/eða fyrirspurna er best að senda póst á netfangið;
netsjukrathjalfun@netsjukrathjalfun.is en einnig má hafa samband við heilsugæsluna í síma 432 1450
Háls-, nef og eyrnalæknir
Þórir Bergmundsson, háls-, nef og eyrnalæknir verður með móttöku
á Heilsugæslustöðinni í Búðardal fimmtudaginn 11. júní nk.
Tímapantanir eru í síma 432 1450
Tímabókanir í Heilsuveru
Búið er að opna aftur fyrir tímabókanir í Heilsuveru en vinsamlegast hringið og látið vita áður en mætt er í bókaðan tíma ef öndunarfæraeinkenni eru til staðar eða grunur er um Covid, - þetta á einnig við um þá sem panta tíma símleiðis.
Aðalfundur Handverksfélagsins ÖSSU verður haldinn sunnudaginn 7. júní kl. 14:00, í Nesheimum Króksfjarðarnesi.
Dagskrá:
Venjuleg aðalfundarstörf.
Nýir félagar ávallt velkomnir.
Stjórnin.
Gróðursetningu við Grundará sem fyrirhuguð var á föstudag, verður frestað fram í næstu viku vegna þess að ljóst er að ekki verður búið að opna grasrótina þar sem plantað verður.
Nánari tímasetning verður auglýst þegar hún liggur fyrir.
Hlífðarfatnaður, fötur til að vökva með og skóflur eru æskilegir fylgihlutir.
Börnin eru velkomin með. - Með sumarkveðju, Mæja
Reykhólahreppur auglýsir laust til umsóknar starf ritara á skrifstofu sveitarfélagsins.
Um er að ræða 80% starf tímabundið vegna forfalla í eitt ár. Æskilegt er að viðkomandi geti hafið störf sem fyrst.
Umsóknarfrestur til og með 13. júní n.k.
Helstu verkefni:
Símsvörun og þjónusta við íbúa
Skráning reikninga í bókhaldskerfi og létt aðstoð við bókhald
Skráning erinda í skjalakerfi.
Tilfallandi verkefni á skrifstofu.
Hæfniskröfur:
Traust og trúnaður, færni í mannlegum samskiptum
Frumkvæði, námkvæmni og sjálfstæði í starfi.
Skipulagshæfileikar
Góð tölvufærni.
Laun greiðast skv. kjarasamningi Reykhólarhepps og Verkalýðsfélags Vestfjarða.
Upplýsingar gefur sveitarstjóri í síma 430 3200. Umsókn ásamt bréfi um hæfni sendist á netfangið sveitarstjori@reykholar.is.
Þeir hjá Heitum gólfum vilja koma eftirfarandi á framfæri:
Við komum til Hrólfs Inga Skagfjörð á Reykjabraut 11. Ef fleirri vildu nýta þjónustuna okkar vikuna 29. júní til 3. júlí.
Heit gólf eru sérhæfðir verktakar sem fræsa hita í gólf og flota. Það kemur 20 tonna flottrukkur sem dælir flotinu. Þeir flota líka gólf án hitalagna.
Ef fólk vill hoppa á vagninn þá sparar það sér akstur og flutningskostnaðinn.
Mbkv. Þór Þorsteinsson
Heit gólf ehf. s. 830 8300
thor@heitgolf.is
Aðalfundur Kvenfélagsins Kötlu verður haldinn í Reykhólaskóla miðvikudaginn 10. júní kl.20.
Dagskrá: venjuleg aðalfundarstörf
Nýir félagar velkomnir
Stjórnin
Þann 4. júní kl. 17:30 á Veitingastaðnum 380, mun Vestfjarðastofa halda fund um ferðaþjónustu á Reykhólum.
Fjallað verður um tvö stór verkefni sem eru framundan í vestfirskri ferðaþjónustu. Þróun nýrrar ferðamannaleiðar Vestfjarðaleiðin annars vegar og hins vegar uppfærslu á Áfangastaðaáætlun Vestfjarða.
Við hvetjum ferðaþjóna á svæðinu, sem og aðra áhugasama um uppbyggingu ferðaþjónustu, að mæta á fundinn og taka þátt í vinnunni með okkur.
Birgir Hallgrímsson sem ævinlega var kenndur við Brekku, eða Litlu-Brekku, lést á Dvalar- og hjúkrunarheimilinu í Stykkishólmi laugardaginn 30. maí s.l.
Birgir var fæddur á Kletti í Geiradal, 25. des. 1935. Hann var bóndi á Litlu-Brekku í 30 ár, frá 1958 til ´88. Kona hans var Ingibjörg Benediktsdóttir, en hún lést árið 2015. Börn þeirra eru 5, Hreinn, Hallgrímur, Unnsteinn, Fanney og Birta Dögg.
Útför Birgis verður auglýst síðar.
