Kjördeildin í Reykhólahreppi

Kjördeild í Reykhólahreppi við kjör forseta Íslands laugardaginn 27. júní verður á skrifstofu Reykhólahrepps að Maríutröð 5a á Reykhólum. Kjörfundur stendur milli kl. 9:00 – 18:00.

                                                                Kosning utan kjörfundar

Hægt er að kjósa utan kjörfundar á skrifstofum sýslumanna um land allt á venjulegum afgreiðslutíma.

Kjósanda sem ekki getur sótt kjörfund á kjördegi vegna sjúkdóms,fötlunar eða barnsburðar er heimilt að greiða atkvæði í heimahúsi. Ósk um slíkt skal vera skrifleg og studd vottorði lögráða manns, um hagi kjósandans og skal hafa borist kjörstjórn eigi síðar en þriðjudaginn 23. Júní, kl. 16:00.

                                                                Kjörskrá

Kjörskrá liggur frammi til skoðunar á skrifstofu Reykhólahrepps. Jafnframt getur fólk fundið hér á kosningavef Stjórnarráðsins hvar það er á kjörskrá og hverjir hafa kosningarétt.

Hver sem er getur gert athugasemdir til sveitarstjórnar um að nafn eða nöfn einhverra kjósenda vanti á kjörskrá eða þeim sé þar ofaukið. Heimilt er að gera slíkar athugasemdir til sveitarstjórnar fram á kjördag.

                                                               Lög er varða forsetakjörið

Kosningar til embættis forseta Íslands fara fram í samræmi við lög um framboð og kjör forseta Íslands. Um kosningaathöfnina sjálfa, sem og undirbúning hennar, atkvæðagreiðslu utan kjörstaða og á kjörstað, fer að öðru leyti samkvæmt lögum um kosningar til Alþingis eftir því sem við á.

                                                                Kjörstjórnin í Reykhólahreppi

Kjörstjórn Reykhólahrepps skipa:

• Steinunn Ólafía Rasmus Reykhólum, formaður
• Sveinn Ragnarsson Svarfhóli
• Sandra Rún Björnsdóttir Reykhólum

Kjósendur eru minntir á að hafa með sér persónuskilríki á kjörstað, eins og áskilið er í lögum.

Árný Huld tekur á í læðutoginu, Andrea og Kolfinna sjá um tímavörslu

Stefnt er að því gera sér dagamun á Reykhóladögum eins og undanfarin ár, samt er ljóst að þeir verða að vera með nokkuð öðru sniði en vant er.

Enn þurfum við að taka mið af takmörkunum eins og til dæmis að ekki er leyfilegt að halda viðburði eftir kl. 23:00.

Endilega takið þátt í þessu og setjið ykkar mark á bæjarhátíðina, sem með smá útsjónarsemi getur orðið mjög skemmtileg.

Þeir sem vilja geta komið hugmyndum sínum nafnlaust á framfæri með því að ýta á þennan link.
https://www.surveymonkey.com/r/5DVVFCP

Einnig mega áhugasamir hafa samband við Jóhönnu Ösp ef einhverjir vilja koma að hátíðinni með einum eða öðrum hætti.

« 1 af 2 »

Hátíðarhöld 17. júní í Reykhólahreppi verða í Bjarkalundi að venju.

Dagskráin er í höndum Ungmennafélagsins Aftureldingar og hefst kl. 14.00 með skrúðgöngu og ávarpi fjallkonunnar.

Til reiðu verða hoppukastalar, andlitsmálun fyrir börnin, leikir fyrir börn og fullorðna o.fl.

Inni á hótelinu verður glæsilegt kaffihlaðborð að hætti Bjarkalundar sem kostar 2000 krónur og 1000 krónur fyrir 12 ára og yngri.

Ungmennafélagið Afturelding og Hótel Bjarkalundur bjóða unga sem eldri hjartanlega velkomna á þjóðhátíðina næstkomandi miðvikudag 17. júní.

Útför Birgis á Brekku, sem lést á Dvalar- og hjúkrunarheimilinu í Stykkishólmi laugardaginn 30. maí s.l. fer fram frá Reykhólakirkju laugardaginn 20. júní kl. 15:00.

Börn hins látna og barnabörn

Fermingarmessa verður í Reykhólakirkju sunnudaginn 14. júní, kl.11:00. Fermingarbörn eru Elísa Rún Vilbergsdóttir og Ísak Logi Brynjólfsson.

Athöfnin verður án altarisgöngu, sem verður síðar.

Sóknarprestur.

Aðalsafnaðarfundi sem vera átti 15. júní, verður frestað um óákveðinn tíma vegna óviðráðanlegra orsaka.

Atkvæðagreiðsla utan kjörfundar vegna forsetakosninga laugardaginn 27. júní 2020 fer fram á skrifstofu Reykhólahrepps, Maríutröð 5a, Reykhólum, mánudaginn 15. júní nk. milli kl. 15:00 og 16:00.

Utan kjörfundar atkvæðagreiðsla í Flatey,

fer fram í Bryggjubúð í Flatey, þriðjudaginn 16. júní kl. 16:30.

Kjósendur skulu hafa með sér persónuskilríki.

Patreksfirði, 11. júní 2020

Sýslumaðurinn á Vestfjörðum

Fimmtudaginn 11. júní gefst áhugasömum kostur á að taka þátt í að gróðursetja við Grundará frá kl. 19:30 til 21:30.

Um það bil 300 plöntur bíða þess að  komast í mold og margar hendur vinna létt verk við það.

« 1 af 5 »

Handverksmarkaðurinn í Króksfjarðarnesi er opnaður í dag. Þetta er um mánuði seinna en undanfarin ár, vegna Covid eins og svo víða. Fyrir vikið gafst tóm til viðhalds og endurbóta á húsnæðinu.

Vöruúrval á markaðnum hefur líklega aldrei verið meira; skjólföt úr ull, nytjahlutir, skrautmunir, myndlist, gærur, skartgripir og sitthvað fleira.

Ennfremur er þarna Arnarsetrið til húsa, upplýsingamiðstöð og kaffiveitingar.

Markaðurinn er opinn alla daga milli kl. 10 og 18.

Reykhólakirkja, mynd HÞM

Aðalsafnaðarfundur Gufudals- og Reykhólasóknar 2020 verður haldinn mánudaginn 15. júní kl. 17.00 í Reykhólakirkju.

Dagskrá samkvæmt venju.

  1. Skýrsla stjórnar og umræður um hana.
  2. Lagðir fram ársreikningar til samþykktar og umræður um þá.
  3. Kosning aðalmanns og varamanns í kjörnefnd.
  4. Kosning annarra stjórnarmanna.
  5. Kosning endurskoðanda og varamanns hans.
  6. Önnur mál.

Reykhólum 8. júní,
Guðmundur Ólafsson, formaður sóknarnefndar.