Allir sem náð hafa 60 ára aldri eru gjaldgengir í Félagi eldri borgara í Dalabyggð og Reykhólahreppi. Aðalfundur félagsins verður haldinn í Vogalandi í Króksfjarðarnesi á morgun, fimmtudag, og hefst kl. 13.30. Auk hinna „venjulegu aðalfundarstarfa“ verða þar kaffiveitingar, spjall og gamanmál. Stjórn félagsins hvetur nýja félaga til að koma á fundinn.
...
„Kjaranefnd Landssambands eldri borgara undrast alvarlegan seinagang við að leggja fram frumvarp um lífeyrisréttindi almannatrygginga og félagslega aðstoð, eftir langa meðgöngu. Miðað við hvað frumvarpið hefur verið lengi í undirbúningi þá er búið að glata miklum tíma til leiðréttinga fyrir fólk sem treystir á almannatryggingakerfið og lífeyrissjóðina. Stefnt hafði verið að því að leggja það fram á Alþingi haustið 2012.“
...
Minnt er á Breiðafjarðar-markaðsátaks-fund kl. 12-14 á morgun, fimmtudag, sem haldinn verður í Stykkishólmi, en líka er boðið upp á fjarfund í Reykhólaskóla. Óskað er eftir því að þátttaka verði staðfest fyrir kl. 16 í dag í netfangið rosa@vesturland.is.
...
Námskynning forstöðumanns Háskólaseturs Vestfjarða sem áformuð var á Reykhólum í dag (sjá næstu frétt hér á undan) frestast um óákveðinn tíma vegna veðurs og færðar. Þegar af henni getur orðið verður greint frá því hér á vef Reykhólahrepps. Auk þess eru allir áhugasamir eindregið hvattir til að hringja í Peter Weiss í síma 450 3040 (háskólasetrið) eða skrifstofu Reykhólahrepps (434 7880) og fá upplýsingar um þessi mál.
...
Dr. Peter Weiss, forstöðumaður Háskólaseturs Vestfjarða, verður til viðtals í Stjórnsýsluhúsinu á Reykhólum (skrifstofum hreppsins) milli kl. 13.30 og 14.30 á morgun, miðvikudag, og kynnir nýja námsleið. Þar er um að ræða Sjávartengda nýsköpun sem fer af stað núna í haust, en snemmsumars á næsta ári er fyrirhugað að halda á Reykhólum svokallað lotunámskeið sem ber vinnuheitið Nýsköpun í þörunganotkun.
...
Skrifstofu Reykhólahrepps barst póstur frá Krabbameinsfélagi Íslands þar sem segir m.a.: Gaman að koma á síðuna ykkar og sjá Mottumars blasa þar við. Vissir þú að Björn er að taka þátt? Áheitasöfnuninni lýkur á föstudaginn (22. mars á hádegi). Spurning hvort þið getið á vefsíðu ykkar hvatt hann áfram og þá sem heita á hann.
...
Stjórn Þörungaverksmiðjunnar hf. boðar hér með til aðalfundar félagsins er haldinn verður í fundarsal Þörungaverksmiðjunnar á Reykhólum miðvikudaginn 10. apríl 2013 kl. 09.30. Dagskrá fundarins verður eftirfarandi:
...
Flutningabíllinn frá Gámaþjónustu Vesturlands sem kom með moltugerðarhúsið vestur á Reykhóla (sjá næstu frétt hér á undan) fór ekki „tómhentur“ til baka. Hann tók í staðinn sneisafullan gám af frágengnu og pökkuðu sorpi til endurvinnslu, samtals 4,7 tonn, sem til hefur fallið á gámasvæðinu á Reykhólum síðasta hálfa árið. Þarna fóru alls 75 pressaðir baggar og fjórir stórsekkir af pappír.
...
Lítið rautt hús blasir nú við þeim sem koma að hliðinu á sorpsvæðinu neðan við Reykhólaþorp. Hús þetta kom í síðustu viku og hefur að geyma búnað til moltugerðar. Þar inni er rafknúin tölvustýrð tromla þar sem hvers konar matarleifar og annar lífrænn úrgangur verða á fáum vikum að úrvals moltu í garða. Það sem þarna verður unnið setur fólk í poka sem búnir eru til úr maís og leysast upp, enda úr lífrænu efni eins og innihaldið á að vera. Fyrsta verk tromlunnar í hverri lotu er síðan að tæta pokana í sundur. Þessa maíspoka á fólk að geta fengið á Reykhólum.
...
Staða deildarstjóra við leikskóladeild Reykhólaskóla er laus til umsóknar. Um er að ræða 100% stöðu. Viðkomandi þarf að geta hafið störf sem fyrst. Menntunar- og hæfniskröfur:
...
