Leikfélag Hólmavíkur frumsýnir gamanleikinn Makalausa sambúð í Félagsheimilinu á Hólmavík á föstudagskvöld, 15. mars, og hefst sýningin kl. 19. Næstu sýningar verða mánudaginn 18. mars kl. 21, föstudaginn 22. mars kl. 20 og á páskadag, 31. mars, kl. 20. Leikarar eru átta og hópur aðstoðarfólks að auki. Leikfélagið stefnir að sýningarhaldi á fleiri stöðum en það mun koma betur í ljós síðar.
...
Íbúð í eigu Reykhólahrepps að Hellisbraut 38b á Reykhólum er laus til leigu frá næstu mánaðamótum. Íbúðin er tveggja herbergja með sameiginlegum inngangi. Umsóknir berist bréflega til skrifstofu hreppsins eða í netfang sveitarstjóra.
...
„Mætingin fór langt fram úr væntingum,“ segir Viktoría Rán Ólafsdóttir hjá Atvinnuþróunarfélagi Vestfjarða (Atvest) um íbúaþingið á Reykhólum á sunnudag. Yfir fimmtíu manns sátu þennan langa vinnufund að meðtöldu fólki frá Atvest, ráðgjafastofunni Alta, Vatnavinum og Nýsköpunarmiðstöð Íslands. Úr Reykhólahreppi sátu fundinn 43 og verður hlutfall kvenna í þeim hópi að teljast gott.
...
Vorhefti Búnaðarritsins Freyju, sem núna er eingöngu vefrit, er komið út. Af efni í ritinu má nefna grein eftir Helga Elí Hálfdánarson um stöðu og þróun nýliðunar í nautgripa- og sauðfjárrækt, Jóhannes Sveinbjörnsson fjallar um fóðrun áa, Katrín Andrésdóttir um geldstöðu kúa, Ríkharð Brynjólfsson um efnamagn í mykju og Hákon Hansson um lungnasýkingar í sauðfé.
...
Fyrir réttum aldarfjórðungi eða föstudaginn 11. mars 1988 var Dvalarheimilið Barmahlíð á Reykhólum tekið í notkun þegar fyrsta heimilisfólkið fluttist þar inn. Það voru þau Herdís Zakaríasdóttir, húsfreyja í Djúpadal í Gufudalssveit, og Játvarður Jökull Júlíusson, bóndi og fræðimaður á Miðjanesi í Reykhólasveit. Tveimur dögum seinna eða sunnudaginn 13. mars var heimilið vígt með formlegum hætti. Margt var þó enn ófrágengið innanhúss.
...
Almenn þátttaka í íbúaþinginu (vinnufundinum) á Reykhólum í gær fór langt fram úr björtustu vonum þeirra sem að því stóðu. Úrvinnsla þess sem fram kom á þessum tvíþætta fundi tekur nú við. Greint verður frá þinginu með mun ítarlegri hætti hér á vefnum á morgun ásamt fjölda mynda. Frétt um 25 ára afmæli Hjúkrunar- og dvalarheimilisins Barmahlíðar núna í dag, 11. mars, sem kemur inn á vefinn hér strax á eftir, verður látin standa efst þangað til.
...
Á Vestfjörðum getur styrkurinn numið allt að 20% af flutningskostnaði samkvæmt lögum nr. 160/2011 um svæðisbundna flutningsjöfnun. Fulltrúar Byggðastofnunar verða með kynningarfund vegna umsókna um flutningsjöfnunarstyrki fimmtudaginn 14. mars kl 14 í fundarsal Þróunarsetursins á Ísafirði.
...
Eins og hér kom fram féll afgreiðslutími Landsbankans á Reykhólum niður í síðustu viku vegna illviðris og ófærðar. Afgreiðslan verður á sínum stað í húsakynnum Reykhólahrepps við Maríutröð núna á miðvikudaginn, 13. mars, kl. 10-11.30 og kl. 12.30-17 (lengur en venjulega). Afgreiðslan verður í Barmahlíð kl. 11.30-12 að venju.
...
Viktoría Rán Ólafsdóttir, verkefnastjóri hjá Atvinnuþróunarfélagi Vestfjarða, sendi slóð á atvinnulífskönnun til birtingar hér á vefnum, þar sem svarað er gegnum netið. Ekki aðeins er fólk sem núna er búsett í Reykhólahreppi eindregið hvatt til að svara því sem þar er spurt um heldur brottfluttir líka.
...
Nokkuð á sjöunda tug fólks sótti saltkjöts- og bókmenntaveislu Lions á Reykhólum í gærkvöldi. Þórarinn Ólafsson í Stekkjarlundi við Berufjarðarvatn var á staðnum - hafði reyndar til þess mjög gilda ástæðu - og tók svipmyndirnar sem hér fylgja.
...
