Hólabær – til foreldra

Í ljósi aðstæðna sem uppi eru í samfélaginu vegna Covid-19 biðjum við þig að fara vel yfir innihald þessa bréfs.  

Sveitarstjórn, ásamt starfsmönnum sveitarfélagsins, hafa unnið hörðum höndum að útfærslum á starfsemi stofnanna sveitarfélagsins. Nú þurfum við öll að taka höndum saman og sýna samfélagslega ábyrgð við að halda samfélaginu gangandi. Eins og við vitum öll er samfélagið okkar lítið og hver einstaklingur í samfélaginu skiptir lykil máli í svona stóru verkefni.

Nánar á „Upplýsingar vegna Covid-19“

Ásmundur Einar Daðason

Að tillögu Ásmundar Einars Daðasonar, félags- og barnamálaráðherra, hafa Vinnumálastofnun og stjórn Tryggingasjóðs sjálfstætt starfandi einstaklinga gert samkomulag við Bændasamtök Íslands um fjárstuðning vegna afleysingaþjónustu fyrir bændur sem veikjast af kórónuveirunni sem veldur COVID-19 sjúkdómnum og geta af þeim sökum ekki sinnt bústörfum. Samkomulagið er afturvirkt frá 15. mars og gildir til og með 31. maí.

Félagsþjónusta Stranda og Reykhólahrepps óskar eftir að ráða starfsmann til afleysinga við að sinna félagslegri heimaþjónustu í Reykhólahreppi, um hlutastarf er að ræða. Æskilegt væri að viðkomandi gæti hafið störf 1. maí.

Um er að ræða starf sem felur í sér aðstoð við heimilshald, s.s. þrif og þvotta, ásamt félagslegum stuðningi. Vinnutími getur verið sveigjanlegur og greitt er fyrir akstur.

Aðstoðin sem veitt er fer eftir þörfum hvers og eins, því markmið félagslegrar heimaþjónustu er að einstaklingar séu efldir til sjálfshjálpar og þeim sé gert kleift að búa sem lengst í heimahúsum við sem eðlilegastar aðstæður.

Umsóknarfrestur er til 19. apríl og skulu umsóknir berast rafrænt til felagsmalastjori@strandabyggd.is

Frekari upplýsingar veitir Guðrún Elín Benónýsdóttir í síma 845 2511 eða felagsmalastjori@strandabyggd.is

Hafliði Aðalsteinsson vinnur að smíði báts í Noregi 2017, mynd af vef Bátasafns.

Súðbyrðingar

« 1 af 3 »

Norðurlöndin öll, ásamt sjálfstjórnarríkjunum, Færeyjum og Álandseyjum, standa saman að tilnefningu norrænnar trébátasmíði á skrá Menningarmálastofnunar Sameinuðu þjóðanna, UNESCO, um óefnislega menningararfleifð mannkynsins. Þar er mælst til að skráð verði verklag, siðir, venjur og hættir sem tengjast norrænum súðbyrtum trébátum. Umsóknin var afhent í vikunni í París, undirrituð af ráðherrum allra norrænu ríkjanna.

Þetta er fyrsta íslenska tilnefningin og jafnframt fyrsta samnorræna tilnefningin.

Mánudaginn 30. mars verður bankinn opin eins og venjulega, en eftir það mun afgreiðslan vera lokuð á meðan samkomubannið stendur.

Það er þó hægt að hafa samband við  Ástu Sjöfn ef það er eitthvað áríðandi.

Nánari upplýsingar eru inni á https://www.landsbankinn.is/

« 1 af 4 »

Hér til vinstri á síðunni undir ljósmyndir, myndasyrpur eru nokkrar myndir sem geta gefið hugmynd um snjóalög í mars. Ekki er hægt að tala um snjóþyngsli til jafnaðar, en sumssaðar er býsna mikill snjór. 

Nú í samkomubanni ætlar Sauðfjársetur á Ströndum að standa fyrir Heimabingó. Spjöld verða einungis seld á netinu og send rafrænt í einkaskilaboðum á feis, tölvupósti eða í sms. Spjaldið kostar 500.- kr. og verður hægt að leggja inn á reikning Sauðfjársetursins.

Til að kaupa bingóspjald sendið einkaskilaboð á facebook-síðu Sauðfjarsetursins á netfangið saudfjarsetur@strandir.is eða í síma 693-3474.

Sala á spjöldum er í fullum gangi. Fyrstu tölur í Heimabingóinu verða birtar á morgun, laugardaginn 28. mars.

Tilkynning frá sveitarstjórn og tónlistarskóla Reykhólahrepps. 

Vegna aðstæðna sem uppi eru vegna covid-19 faraldursins hefur sveitarstjórn í samráði við skólastjóra og kennara tónlistarskóla Reykhólahrepps ákveðið að opna tónlistarskólann fyrir öllum íbúum sveitarfélagsins endurgjaldslaust.

Þeir sem þegar eru í tónlistarnámi halda áfram í fjarnámi en ekki verður greitt fyrir þessa önn (inneign flyst á næstu önn).

Kennt verður einu sinni í viku á dagvinnutíma í fjarnámi. Með þessu vonast sveitarstjórn til þess að lista og menningarlíf Reykhólahrepps gjaldi ekki fyrir þessar fordæmalausu aðstæður sem uppi eru í þjóðfélaginu. Við hvetjum fólk til að nýta sér þetta einstaka tækifæri og láta drauminn rætast um að læra á hljóðfæri.

Frekari upplýsingar og skráning er hjá Ingimari í síma 693 3929 eða á netfanginu: ingimar@reykholaskoli.is

Annað kvöld, 27. mars kl. 20:00 ætlar Jóhanna Ösp tómstundafulltrúi að vera með beina útsendingu af heilsu KAHOOT sem er fjölskyldu spurningakeppni.

Það sem þátttakendur þurfa:

-Eitt snjalltæki eða tölvu til að horfa á spurningakeppnina.
-Snjallsíma eða ipad til að svara spurningunum.

Nefnið liðið ykkar með heimilisfanginu og hjálpist að við að svara 30 spurningum, sem eru allar heilsutengdar.

Þetta verður sent beint út í tómstundahópnum Tómstunda- og íþróttastarf í Reykhólahreppi.
https://www.facebook.com/groups/328633857338790/?epa=SEARCH_BOX

Glittir í skútuna utan við Æðarklettana

Byrjað að fella seglin

Glaðbeitt feðgin

Þetta teygir sig 18 m. upp í loftið

Gulla í peysunni góðu

Heimleiðin í mjög grófum dráttum, þetta kort er aðeins til að gefa hugmynd um leiðina.

« 1 af 8 »

Um kvöldmatarleytið  núna 25. mars í logn- eða hægviðrisdrífu sigldi (bókstaflega) í höfn á Reykhólum seglskúta, sem var að koma til heimahafnar í fyrsta skipti. Það er auðvitað ekki nýtt að það komi fley í Reykhólahöfn, þar hafa átt heimahöfn á þessum 45 árum síðan hún var gerð, alls konar fleytur, þangskip, dráttarbátar, þangsláttuprammar, fragtskip, og trillur og skemmtibátar úr tré, plasti, járni, áli og gúmmíi. Meira að segja innrásarprammi var um tíma þarna.