Hjálagt eru niðurstöður sýnatöku 17. okt.
Matís rannsóknarstofa staðfesti eftirfarandi niðurstöður í dag.
Barmahlíð 1 coli og 1. E.coli
Hólabúð 3 coli og 3 E.coli
Áframhaldandi vatnssuða á Reykhólum.
Unnið er að uppsetningu búnaðar til að geisla neysluvatnið.
Umhverfislestin er farandsýning sem fjallar um umhverfismál heimilanna á fjölbreyttan, fræðandi og skemmtilegan hátt. Þar gefst fólki tækifæri til að fræðast um stöðu loftslagsmála og annarra umhverfismála og hvaða aðgerða er þörf til að bregðast við. Markmiðið er að vekja athygli á þeim alvarleika sem blasir við í umhverfismálum en einnig að kynna fyrir fólki ýmsar lausnir og aðgerðir sem flestir geta auðveldlega tileinkað sér í daglegu lífi til að leggja sitt af mörkum.
Aðalskipulag Reykhólahrepps 2006-2018
Sveitarstjórn Reykhólahrepps samþykkti á fundi sínum þann 15. október sl. að auglýsa skipulags- og matslýsingu vegna breytingu á Aðalskipulagi Reykhólahrepps 2006 – 2018, samkvæmt 1. mgr. 30. gr. skipulagslaga nr. 123/2010. Breytingin er eftirfarandi:
I5 Vindbú í Garpsdal.
Svæðið sem um ræðir er skilgreint sem óbyggt svæði ofan 200 m.y.s. í gildandi aðalskipulagi. Það svæði sem áætluð skilgreining tekur til er um 3,3 km2 að stærð og er í um 500 m.y.s.
Áætlað er að innan svæðisins verði heimilt að reisa allt að 35 vindmyllur, hver um 150 m á hæð, til framleiðslu á rafmagni með afkastagetu að 130 MW.
Með skipulags- og matslýsingu þessari er íbúum og öðrum hagsmunaaðilum gefinn kostur á að koma með ábendingar og athugasemdir sem snúa að málefnum aðalskipulagsins.
Lýsingin liggur frammi, til og með 8. nóvember, á skrifstofu Reykhólahrepps, Stjórnsýsluhúsinu við Maríutröð, Reykhólum, 380 Reykhólahreppi, og á heimasíðu sveitarfélagsins reykholar.is.
Athugasemdum eða ábendingum skal skila til skrifstofu skipulagsfulltrúa, að Miðbraut 11, Búðardal, eða á netfangið skipulag@dalir.is fyrir 9. nóvember 2019.
Þórður Már Sigfússon,
skipulagsfulltrúi Reykhólahrepps.
Skipulags- og matslýsingingin er undir Tilkynningar hér neðst á síðunni.
Fræðslu- og umræðuþing á vegum Breiðafjarðarnefndar og Umhverfis- auðlindaráðuneytis um framtíð Breiðafjarðar verður í Tjarnarlundi miðvikudaginn 23. október kl. 11-16.
Aðgangur er ókeypis og allir eru velkomnir, en skráning þó nauðsynleg á netfangið breidafjordur @nsv.is.
...
Gámaþjónustan hf. hefur gefið út leiðbeiningar um söfnun á landbúnaðarplasti til endurvinnslu.
Þar eru kynþáttafordómar gagnvart svörtu rúlluplasti, en það má ekki fara með öðru rúlluplasti og ekki heldur garn, net eða stórsekkir.
Bæklingurinn er hér.
Guðlaug Halldóra Guðmundsdóttir lést á sjúkrahúsinu á Akranesi aðfaranótt föstudagsins 4. október.
Guðlaug, eða Gulla á Tindum eins og hún var oftast kölluð, fæddist á Brandsstöðum 27. ágúst 1933. Foreldrar hennar voru Guðmundur Guðmundsson og Júlíana Sveinsdóttir.
Þegar Gulla var á fyrsta ári fluttu þau að Höllustöðum og bjuggu þar 11 ár. Þá fluttu þau í Skáleyjar og bjuggu þar í Norðurbænum í 17 ár.
Guðlaug bjó á Tindum frá 1962 ásamt manni sínum Grími Arnórssyni, að undanskildum nokkrum árum sem þau bjuggu í Króksfjarðarnesi þar sem hún var póst- og símstöðvarstjóri uns hún lét af störfum. Þá fluttu þau heim að Tindum aftur þar sem þau höfðu komið sér upp húsi.
Guðlaug og Grímur eignuðust tvo syni, þeir eru Hörður Már bóndi á Tindum og Börkur sem býr í Kópavoginum.
Grímur lést árið 2001 en Gulla átti áfram heima á Tindum. Allra síðustu árin var hún á Dvalar- og hjúkrunarheimilinu Barmahlíð.
Útför Guðlaugar fer fram frá Reykhólakirkju laugardaginn 19. október kl. 14:00, en hún verður jarðsett í Garpsdal.
Hérna er slóð á könnun vegna ærslabelgs, könnunin verður opin í viku og þá verða teknar saman niðurstöður.
Könnunin er fyrir íbúa Reykhólahrepps og er nafnlaus.
Hægt er að rekja svör miðað við lögheimili þátttakanda en það er gert til að fylgjast með að íbúar Reykhólahrepps séu að svara könnuninni. Svörum sem ekki eru með löglegt heimilisfang verður eytt.
https://www.surveymonkey.com/r/2CBFR85
Grettislaug verður opin frá 16:00 til 20:00 á laugardaginn 12.október.
Grettir Örn Ásmundsson byggingarfulltrúi verður til viðtals á skrifstofu Reykhólahrepps eftir hádegi á morgun, 9. okt.
Í dag verður haldinn íbúafundur um fyrirhugaða rannsóknar-, vinnslu- og afurðamiðstöð þangs í Stykkishólmi. Stykkishólmsbær á nú í viðræðum við kanadíska fyrirtækið Acadian Seaplants varðandi frekari framvindu í þeim málum, líkt og ráðgjafarnefnd vegna málsins lagði til í skýrslu sinni.
Fundurinn verður haldinn í Amtsbókasafni Stykkishólms þriðjudaginn, 8. október, og hefst kl. 18:00.
