Göngum við í kringum...

Nýtt gólf í Reykhólakirkju, en það var endurnýjað í sumar ásamt hitakerfi o.fl.

« 1 af 2 »

Jólaball í Tjarnarlundi

Jólaball sunnudagaskólans í Tjarnarlundi, sunnudaginn 1. des, kl. 11:00.

- Jólasveinar mæta með góða skapið og dansa með okkur í kringum jólatréð.-

Öll börn velkomin.

Aðventukvöld í Reykhólakirkju

Aðventukvöld í Reykhólakirkju fyrsta sunnudag í aðventu, 1. des. kl. 20:00

- Kveikt verður á fyrsta kertinu á aðventukransinum, fermingarbörn lesa ritningarlestra, flutt verður hugvekja, sungnir jólasálmar og marg fleira. Í lokin bera börnin ljósið um kirkjuna um leið og við syngjum Heims um ból. -

Eigum saman notalega stund á aðventunni. 

Anna prestur

Orðsending frá lögreglunni á Vestfjörðum.

Við hjá lögreglunni á Vestfjörðum viljum hvetja sem flesta, gangandi vegfarendur, börn sem fullorðna, til að vera vel sýnileg svona í svartasta skammdeginu.  Þetta skiptir gríðarlegu máli hvað umferðaröryggi varðar, hvort heldur í dreifbýli eða í þéttbýlinu.

Við höfum vakið athygli á þessu á facebooksíðu lögreglunnar á Vestfjörðum og eins hafa lögreglumenn í umferðareftirliti vakið athygli fólks sem er dökkklætt án endurskinsmerkja á þessum mikilvæga þætti.

Okkur langar til að biðja sveitarfélögin öll í umdæminu að taka þátt í því að vekja athygli íbúanna á þessu og hvetja til aukins sýnileika. 

Á fimmtudaginn, 28.nóv. verður Fullveldiskaffi Reykhólaskóla haldið í íþróttahúsi skólans.

Húsið opnað klukkan 18:45 og hefst dagskráin stundvíslega klukkan 19.

Sýningarstjóri verður Lóa (Svanborg Guðbjörnsdóttir). Hlökkum til að sjá ykkur.

« 1 af 3 »

 Halldór Jóhannesson, einn eigenda Hyrningsstaða, sendi eftirfarandi lýsingu og myndir af óskemmtilegri aðkomu að einum bústaðnum þar:

Í dag kom ég að bústað á Hyrningsstöðum og sá að þar hafði verið grýtt stórum steini í gegnum tvöfalt gler í forstofuhurðinni og farið inn og rótað í dóti.

Enn fremur var dauð rjúpa í vegkantinum, líklega skotin úr bíl af veginum, en það er algjört skotveiðibann í landi Hyrningsstaða. 

Ef einhver hefur upplýsingar um þetta, vinsamlegast látið okkur eða lögregluna vita.

Halldór Jóhannesson.

Sími 661 8133.

Það var fjölmenni sem kom saman Þriðjudaginn 19.11.19 í Hnyðju á Hólmavík til að stofna samtök atvinnurekenda á Ströndum og Reykhólum.

Meginmarkmið félagsins er að stuðla að vexti og viðgangi samfélaganna á svæðinu með það fyrir augum að gera byggðirnar enn ákjósanlegri til atvinnurekstrar og búsetu, ekki síst fyrir fjölskyldufólk.

Tæplega þrjátíu manns skráðu sig í samtökin en þeir sem vilja gerast stofnfélagar geta skráð sig fram til 31. desember 2019 hjá Skúla Gautasyni, skuli@vestfirdir.is og s. 896 8412,  starfsmanni Vestfjarðastofu á svæðinu. 

mynd af fb. síðu Bjarka Þ. Magnússonar

Brunavarnir Dala, Reykhóla og Stranda bs. (BDRS) auglýsa stöðu varðstjóra Slökkviliðs Reykhólahrepps lausa til umsóknar.

Um er að ræða stöðu í hlutastarfi.

Launakjör samkvæmt kjarasamningum Landssambands slökkviliðs- og sjúkraflutningamanna og samkomulagi við Reykhólahrepp.

Nauðsynlegt er að viðkomandi hafi reynslu af starfi í slökkviliði.

Viðkomandi þarf að geta hafið störf frá næstkomandi áramótum.

Búsetuskilyrði: Viðkomandi þarf að búa innan við 10 mínútna fjarlægð frá slökkvistöð.

Umsóknarfrestur er til 1. desember 2019. Umsóknum ásamt upplýsingum um reynslu og menntun skal skilað rafrænt á póstfangið slokkvilid@dalir.is "Varðstjóri Reykhólar".

Allir áhugasamir hvattir til að sækja um.

Nánari upplýsingar veitir Ívar Örn Þórðarson, Slökkviliðsstjóri, sími 430 4700 eða 430 3200 eða sveitarstjóri Reykhólahrepps í síma 430-3200.

Stofnfundur nýrra samtaka atvinnurekenda á Ströndum og Reykhólum verður í Hnyðju, Þróunarsetrinu á Hólmavík, 19. nóv. kl. 18:00.

Vonast er til þess að allir sem eru með einhverskonar atvinnustarfsemi, hvort sem hún er í stórum eða smáum stíl, sjái sér fært að mæta.

Samtökunum er ætlað að vera samstarfsvettvangur fyrirtækjanna og málsvari gagnvart sveitarfélögum og stjórnvöldum.

Næsta þriðjudag (19. nóvember) kl. 17:00 kemur Elfar Logi og verður með leiksýningu í húsnæði félagsmiðstöðvarinnar (Báta- og hlunnindasýningarinnar). Sýningin heitir Leppalúði.

Kvenfélagið Katla, Ungmennafélagið Afturelding og foreldrafélag Reykhólaskóla hafa veitt rausnarlega styrki til sýningarinnar og því er frítt inn.

ALLIR VELKOMNIR!

Ný Sóknaráætlun Vestfjarða fyrir árin 2020-2024 var samþykkt á fundi stjórnar Fjórðungssambands Vestfirðinga/Vestfjarðastofu þann 21. október og kynnt á 4. Haustþingi Fjórðungssambands Vestfirðinga á Hólmavík 25.-26. október sl.

Í Sóknaráætlun Vestfjarða, sem lesa má hér, er unnið úr frá fjórum lykilmálaflokkum: Atvinnuþróun og nýsköpun, samfélagi, umhverfi og menningu. Í hverjum málaflokki eru sett markmið og áhersluatriði.

Í dag, fimmtudag verður Vestfjarðastofa ásamt Vesturlandsstofu með kynningu á verkefni um matarsmiðju.

Fundurinn verður í húsnæði Báta og hlunningasýningar kl 14:00

Dagskrá

Kynning á nýrri matvælavinnslu í Saurbæ, opinni fyrir bændur - stefna okkar, byggt á reynslu annarra - Skúli Guðbjörnsson, Miðskógi

Hvernig nýtist svona aðstaða okkur? Til heimabrúks og sölu Fjóla Mikaelsdóttir, Kringlu

Umræður