Sauðfjársetur á Ströndum heldur sína árlegu Furðuleika í fjórtánda sinn sunnudaginn 2. júlí og hefjast leikarnir kl. 13. Leikarnir eru hefðbundinn lokapunktur á bæjarhátíðinni Hamingjudögum sem haldnir eru á Hólmavík nú um helgina.
...
Alla sína tíð hefur Kitti haft brennandi áhuga á öllu sem til hagsbóta og framfara má telja. Jafnframt bent á að til að það skili einhverju sem verið er að sýsla með, þarf að fara almennilega með það, hvort sem það er jörðin, bústofn, tæki eða byggingar, og öll verkefni sem hann hefur fengist við hefur hann lagt sig fram um að klára.
Kitti býr í sinni íbúð á Reykhólum og þangað mæta nokkrir nágrannarnir í morgunkaffi, oftast daglega og þá eru heimsmálin krufin og þeir sækja fróðleik til Kitta, sem man lengra og meira en við flest.
...
Komin er á vefinn fundargerð stjórnarfundar Fjórðungssambandsins frá 21. Júní. Þar var fjallað um stofnskrá Vestfjarðastofu, sem verður til eftir formlegan samruna atvinnuþróunarfélagsins -AtVest- og Fjórðungssambandsins.
...
Hamingjudagar verða haldnir hátíðlegir í Strandabyggð komandi helgi, nánar tiltekið 30.júní-2. Júlí. Hamingjudagar eru árlegur viðburður sem byggir á Hamingjusamþykkt Strandabyggðar þar sem stendur m.a.:
„Hamingjan er eitt af leiðarljósum í áframhaldandi uppbyggingu í Strandabyggð. Lífsgæði íbúa á Ströndum skipta miklu máli og þau þarf að efla með fjölbreyttum ráðum“
og : „Munum að bros í amstri hversdagsins getur gert kraftaverk“
og ennfremur: „Gleðjumst saman, höfum hamingjuna í hávegum. Gerum alla daga að hamingjudögum.“
...
Framlengdur frestur til að skila athugasemdum til 2. júlí.
Undanfarið hafa fulltrúar Reykhólahrepps, Framfarafélags Flateyjar, ábúenda í Flatey og Umhverfisstofnunar unnið að endurnýjun auglýsingar um friðlandið, og stjórnunar- og verndaráætlun fyrir svæðið. Tillögurnar hafa verið lagðar fram til kynningar á heimasíðu Umhverfisstofnunar. Frestur til að skila inn ábendingum og athugasemdum er til 2. júlí 2017.
...
Núna um helgina 24. - 25. júní er helgarnámskeið í Náttúrubarnaskólanum fyrir börn, með fugla- og jurtaþema. Þá er ætlunin að gera allskonar skemmtilega hluti, eins og að skoða fuglana og fjöruna, merkja teistuhreiður, mæla klakstig, búa til fuglahræður, skrifa með fjöðrum (fjaðurpennum), búa til dýrindis jurtaseyði og margt fleira.
...
Í gær hófst lagning ljósleiðarastrengs í Reykhólahreppi. Brynjólfur Smárason sér um jarðvinnuna, ásamt sínum mönnum, og hefur verkið farið vel af stað.
...
Grettislaug verður lokuð um óákveðinn tíma vegna bilunar.
Opnun verður ákveðin og auglýst þegar sér fyrir endann á viðgerðum.
Hamingjudagar verða haldnir í Strandabyggð helgina 30. Júní-2. Júlí. Dagskráin er gríðarlega fjölbreytt og spennandi og allir ættu að geta fundið þar eitthvað við sitt hæfi.
Hamingjudagar hafa heimasíðu; www.hamingjudagar.is og Hamingjudagar eru á Facebook.
Mikið magn frétta og tilkynninga er að safnast þar inn og af nógu að taka. Dagskráin mun síðan birtast fljótlega eftir helgina.
Hafa má samband við tómstundafulltrúa Strandabyggðar, Esther Ösp Valdimarsdóttur, varðandi frekari upplýsingar.
s. 849-8620
