« 1 af 2 »

Vinna við aðgerðaáætlun í loftslagsmálum er hafin og hefur verið opnað sérstakt vefsvæði tileinkað vinnunni á slóðinni www.co2.is.

Almenningur er hvattur til að senda hugmyndir og tillögur að aðgerðum til verkefnisstjórnar á netfangið loftslag@uar.is  

Ætlunin er að birta jafnóðum á vefsvæðinu þær tillögur sem berast en þar er einnig að finna ýmsar upplýsingar er tengjast vinnunni við aðgerðaáætlun.  

Allar nánari upplýsingar er að finna á www.co2.is

Óskað er eftir starfsmanni í leikskóladeild, og einnig stuðningsfulltrúa.

Hlynur Þór Magnússon

Ingibjörg Kristjánsdóttir

« 1 af 3 »

Íbúi ársins í Reykhólahreppi 2017 verður heiðraður núna á Reykhóladögum. Allir eru hvattir til að tilnefna þau sem þeim þykir hafa staðið upp úr á árinu og hafa sett svip á samfélagið. Nú er um að gera að horfa jákvæðum augum á tilveruna og taka eftir öllum þeim frábæru hlutum sem íbúar Reykhólahrepps hafa tekið sér fyrir hendur. Í tilnefningunni verður að koma fram hver er tilnefndur, fyrir hvað og hver tilnefnir. Tilnefningar sendist á tomstundafulltrui@reykholar.is. Tekið er við tilnefningum til 25.júlí kl. 22:00.

Í fyrra hlutu útnefningu Hlynur Þór Magnússon og Ingibjörg Kristjánsdóttir. Þau hafa sem kunnugt er sinnt ólíkum störfum, Hlynur með umsjón þessarar vefsíðu og ritstörfum af ýmsu tagi og Ingibjörg héraðshjúkrunarfræöingur.

 Bæði hafa þau lagt meira í sín störf en starfslýsing beinlínis kveður á um, og  samfélagið notið góðs af í ríkum mæli.

« 1 af 2 »

Drög að svæðisskipulagstillögu fyrir Dalabyggð, Reykhólahrepp og Strandabyggð liggja nú fyrir. Svæðisskipulagsnefnd ákvað á fundi sínum um miðjan júní sl. að kynna drögin óformlega á Netinu í sumar og óska eftir ábendingum.

Aðalfundur Þörungaverksmiðjunnar hf. verður haldinn miðvikudaginn 12. júlí kl. 14.00 á skrifstofu félagsins í Karlsey. 

Fundarboðið er á myndinni.

« 1 af 2 »

Drög að tillögu að matsáætlun

Vegagerðin auglýsir hér drög að tillögu að matsáætlun vegna fyrirhugaðra framkvæmda á Vestfjarðavegi (60) um Dynjandisheiði og á Bíldudalsvegi (63) frá Bíldudalsflugvelli að Vestfjarðavegi á Dynjandisheiði. Framkvæmdin er í sveitarfélögunum Vesturbyggð og Ísafjarðarbæ.  

herak.is

Starf ritara á skrifstofu Reykhólahrepps er laust til umsóknar. Ritari hefur umsjón með almennri þjónustu við íbúa, á skrifstofu sveitarfélagsins. Um er að ræða 80% starfshlutfall. Umsækjandi þarf að geta hafið störf 15. ágúst.

 Helstu verkefni:

·     Afgreiðsla.

·     Móttaka á skrifstofu.

·     Símavarsla.

·     Skjalavarsla.

·     Ýmsar umsóknir.

·     Aðstoð við stjórnir og nefndir.

·     Aðstoð við ýmis bókhaldsleg störf í samráði við skifstofustjóra s.s. reikningagerð og fl.

Kröfur um menntun og hæfni:

·     Þekking á skjalavörslu og OneSystems skjalastjórnunarkerfi er góður kostur.

·     Reynsla við bókhaldsstörf.

·     Nákvæmni í starfi og mjög góð tölvukunnátta eru skilyrði.

·     Skipulagshæfni og sjálfstæði í starfi.

·     Góð framkoma og hæfni í mannlegum samskiptum.

Nánari upplýsingar um starfið gefur sveitarstjóri í síma 430 3200 og netfanginu sveitarstjori@reykholar.is.

 Launakjör fara eftir kjarasamningum Sambands íslenskra sveitarfélaga og FosVest eða VerkVest. Nánari upplýsingar um launakjör gefur launafulltrúi í síma 430 3200 og netfanginu gudrun@reykholar.is. 

Umsóknum með upplýsingum um menntun og fyrri störf, skal skila á netfangið sveitarstjori@reykholar.is eða senda í pósti á Reykhólahrepp, Maríutröð 5a, 380 Reykhólahreppur.  Umsóknarfrestur er til 20. júlí 2017.

Fyrsta hreppsnefnd Reykhólahrepps eftir sameiningu 1987

« 1 af 2 »

Það var eitt af úrlausnarefnum sveitarstjórnar hvort halda ætti samkomuna í Hvanngarðabrekkunni eða inni í íþróttahúsinu, og eins og jafnan áður tóku þau rétta ákvörðun, að vera úti í góða veðrinu.

Reykhólahreppur í núverandi mynd á 30 ára afmæli 4.júlí. Af því tilefni ætlum við að gera okkur glaðan dag og fagna tímamótunum í Hvanngarðabrekkunni; grill, brekkusöngur, tónlistaratriði, gamanmál og grín, og nammitrúðarnir o.fl.

Norska veðurspáin segir skýjað, hægviðri og úrkomulaust!  

Á sveitarstjórnarfundinum í gær var ársreikningur Reykhólahrepps 2016 lagður fram til fyrri umræðu. Sýnir hann góða afkomu sveitarsjóðs í fyrra, og nokkru betri en gert var ráð fyrir í fjárhagsáætlun.