Breyting verður á næsta opna húsinu á Báta- og hlunnindasýningunni á Reykhólum sem verður núna á þriðjudag, 14. apríl. Ekki verður bíó eins og til stóð heldur verður spilakvöld í staðinn. Hægt verður að spila alls konar borðspil eða bara taka fram gamla góða spilastokkinn. Húsið verður opið kl. 17-22. Aðgangseyrir verður 500 kr. fyrir 18 ára og eldri og 250 kr. fyrir yngri. Að þessu sinni renna 10% af aðgangseyri til Vinafélags Barmahlíðar.

Úr göngum í Reykhólasveit 2012 / ÁG.

Aðalfundur Búnaðarsambands Vestfjarða verður haldinn í skólanum á Reykhólum í dag, laugardag. Veður og færð voru með alversta móti í gærkvöldi og í nótt en kjörnir fulltrúar voru búnir að skila sér í Reykhólasveitina fyrir miðnætti, að því er best er vitað, og hefst fundurinn kl. 10 eins og áformað hafði verið. Öllum bændum er heimil fundarseta en aðeins kjörnir fulltrúar hafa málfrelsi, tillögurétt og atkvæðisrétt.

Aðalfundur Félags sauðfjárbænda á Vestfjörðum verður haldinn í Reykhólaskóla í kvöld, föstudag, og hefst með súpu kl. 19.30. Auk venjulegra aðalfundarstarfa, kosninga og annarra mála flytur Haraldur Benediktsson bóndi, þingmaður Norðvesturkjördæmis og fyrrverandi formaður Bændasamtaka Íslands, erindi um ljósleiðaravæðingu á Vestfjörðum.

Aðalfundur Handverksfélagsins Össu, sem átti að vera í Vogalandi í Króksfjarðarnesi á morgun, laugardag, hefur verið færður til um einn dag. Hann verður haldinn í Vogalandi á sunnudag, 12. apríl, og hefst kl. 14.

Börn og unglingar í Reykhólahreppi og forsvarsfólk þeirra eru minnt á íþrótta- og tómstundakortin sem sveitarfélagið hefur tekið í gagnið, en þau eru nýmæli. Þrátt fyrir heitið er ekki um að ræða kort sem fólk fær í hendur, heldur er haldið utan um þau á skrifstofu hreppsins. Í reynd er þetta styrkur til þátttöku í íþrótta-, lista- og tómstundastarfi barna og ungmenna í Reykhólahreppi.

Einar V. Hafliðason.

Svandís og Einar í Fremri-Gufudal.

« 1 af 3 »

Einar Valgeir Hafliðason bóndi í Fremri-Gufudal er sextugur á morgun, 9. apríl. Hann verður að heiman á afmælisdaginn. Einar og Svandís Berglind Reynisdóttir eiginkona hans hafa búið í Fremri-Gufudal frá 1982 eða nærfellt þriðjung aldar.

Harmonikumeistarinn gamalkunni Halldór Þ. Þórðarson í Búðardal ætlar að koma í heimsókn á dvalarheimilið Barmahlíð á Reykhólum klukkan 16 á morgun, fimmtudag, og spila létta músík. Jóhanna Ösp Einarsdóttir tómstundafulltrúi beinir því til fólks í héraðinu, kannski helst þeirra sem komnir eru af allra léttasta skeiði, hvort ekki væri gaman að koma og dilla sér við harmonikuleikinn.

Aðalfundur Búnaðarfélags Reykhólahrepps verður haldinn í matsal Reykhólaskóla í kvöld, miðvikudag 8. apríl, og hefst kl. 20. Auk þess sem venjuleg aðalfundarstörf verða á dagskránni verður Finnbogi Magnússon frá Jötunn-vélum gestur fundarins og flytur erindi, meðal annars um endurræktun, kosti hennar og gagnsemi (fræyrki).

Báta- og hlunnindasýningin á Reykhólum auglýsir eftir starfsmanni í hlutastarf sumarið 2015. Um er að ræða 75-100% stöðu. Unnið er í lotum ef þess er óskað. Mikilvægt er að umsækjendur séu jákvæðir, duglegir og samviskusamir og hafi gaman af samskiptum við fólk. Þekking á Reykhólahreppi og því sem hann hefur að bjóða er skilyrði. Jafnframt er mikilvægt að umsækjendur búi yfir kunnáttu í erlendum tungumálum, sérstaklega ensku. Reynsla af þjónustustörfum er kostur.

Grettislaug / Árni Geirsson.

Frá og með deginum í dag breytast tímarnir í Grettislaug á Reykhólum. Til og með 11. maí verður laugin opin eins og hér segir, en þá verður henni lokað um tíma vegna árlegs viðhalds: