Fyrirtækið Vélfang í samstarfi við Kverneland-verksmiðjurnar býður til námskeiðs í plægingum, sem haldið verður á þremur stöðum á landinu í næstu viku. Námskeiðið er öllum opið og án endurgjalds og stendur frá kl. 10.30 til 16. Fyrst er farið yfir tengingar, búnað og stillingar plóga en síðan er farið út á akurinn þar sem áframhaldandi verkleg kennsla á sér stað. Leiðbeinandi er Stein Kverneland, sem alinn er upp við plóga og plægingar og hefur áratuga reynslu í starfi. Kennsla fer fram á ensku og íslensku.

Fundurinn verður í Reykhólaskóla.

Aðalfundur Kvenfélagsins Kötlu verður haldinn í Reykhólaskóla á mánudag, 27. apríl, og hefst hann kl. 20. Á dagskránni eru venjuleg aðalfundarstörf (skýrsla stjórnar, ársreikningur lagður fram og inntaka nýrra félaga) og önnur mál. Allar konur sem vilja gerast félagar eru boðnar velkomnar í félagið. Þær geta hvort heldur væri haft samband við einhverja neðangreindra stjórnarkvenna fyrir fundinn eða mætt á hann.

Viðtalið í Fréttatímanum.

„Mitt aðalstarf er nú bara að vera gamall,“ segir Guðjón Dalkvist Gunnarsson á Reykhólum (Dalli) meðal annars í spjalli í Fréttatímanum í dag. Tilefnið er lífræni gróðuráburðurinn Glæðir, sem hann hefur framleitt í mörg ár. Dalli er í fullu fjöri, enda aðeins 71 árs, og þó að hann hafi þurft að hætta störfum í Þörungaverksmiðjunni á Reykhólum vegna rykofnæmis fann hann leið til að vinna með þangið á annan hátt. „Ég sæki þangið sjálfur í fjöruna og það verður aldrei þurrt hjá mér þannig að það er engu þörungaryki fyrir að fara,“ segir hann.

Ekki er snjórinn í Reykjanesfjallinu mikill miðað við það sem víða er.

Sumardagurinn fyrsti var sólríkur á Reykhólum að þessu sinni, hiti nálægt frostmarkinu mestan hluta dags og nokkur blástur af norðaustri. Vetur og sumar frusu saman og þykir ýmsum vita á gott. Myndin var tekin um klukkan hálfsjö þegar skin sólarinnar var orðið nokkuð hallfleytt á móti vindinum.

Fjallið í sjónvarpsviðtali.

Á liðnu sumri var keppt í Reykhólahreppi í tveimur greinum Vestfjarðavíkingsins, annars vegar við Bjarkalund í bóndagöngu og hins vegar við Reykhólaskóla í jafnhöttun steina. Að venju fylgdust sjónvarpsmenn með og verður þáttur um Vestfjarðavíkinginn 2014 í Sjónvarpinu kl. 19.35 í kvöld. Þetta var í 22. skiptið sem þessi keppni er haldin.

Erla Björk Jónsdóttir, Ingibjörg Kristjánsdóttir og Signý Magnfríður Jónsdóttir skipa nýja stjórn Handverksfélagsins Össu, sem kosin var á aðalfundi félagsins fyrir skömmu. Eins og undanfarin ár verður Assa með handverksmarkað í Kaupfélagshúsinu í Króksfjarðarnesi núna í sumar í samstarfi við Össusetur Íslands.

Vegna árshátíðar starfsfólks Reykhólahrepps verður Grettislaug á Reykhólum opin kl. 16-18.30 á morgun, miðvikudag, en ekki kl. 16-20 eins og venjulega. Á fimmtudag, sumardaginn fyrsta, verður laugin opin kl. 16-21. Minnt er á, að þeir sem taka þátt í Fjölskyldudeginum fá frítt í sund milli kl. 17 og 19.

Sú hugmynd kom fram á foreldrafundi í Reykhólaskóla í fyrradag, að fólkið í Reykhólahreppi myndi í sameiningu stefna á að ganga samtals 500 Reykhólahringi á einum mánuði, eða frá 20. apríl til 20. maí, að báðum dögum meðtöldum (samtals 31 dagur). „Ef til dæmis fimm manna fjölskylda fer tvo hringi einn daginn eru það að sjálfsögðu samtals tíu hringir. En til að fólkið í sveitinni þurfi nú ekki að keyra út á Reykhóla til að ganga í hringi þar, þá má að sjálfsögðu taka sambærilegan hring í sveitasælunni,“ segir Jóhanna Ösp Einarsdóttir, tómstundafulltrúi Reykhólahrepps, sem kom þessu á framfæri við Reykhólavefinn og heldur utan um verkefnið.

Reykhólahreppur auglýsir laust til umsóknar starf umsjónarmanns með fasteignum sveitarfélagsins. Um er að ræða fullt starf. Umsóknarfrestur er til næstu mánaðamóta. Verksvið og hæfniskröfur:

Úr einu af myndskeiðum Eyþórs.

Áhugafólk um minjar í hættu og Minjastofun Íslands boða til ráðstefnu um alvarlega stöðu minja sem eru í hættu vegna ágangs sjávar. Hún verður í salnum Kötlu á Hótel Sögu kl. 13-16.30 núna á laugardag, 18. apríl, og öllum opin. Ráðstefnan ber heitið Strandminjar í hættu - lífróður og munu innlendir og erlendir fyrirlesarar fjalla um minjar við strendur landsins, stöðu mála og hvað hægt er að gera til að takast á við þróunina. Mikill fjöldi minja um allt land er í stórhættu vegna sjávarrofs, ekki síst minjar um sjávarútveg og sjósókn Íslendinga frá landnámi og allt fram á 20. öld. Hérna er um að ræða ómetanleg menningarverðmæti sem eru nær órannsökuð og munu að óbreyttu hverfa í sjóinn.