Elfar Logi í hlutverki Fjalla-Eyvindar.

Kómedíuleikhúsið sýnir Fjalla-Eyvind í Tjarnarlundi í Saurbæ kl. 20.30 á fimmtudagskvöld, sumardaginn fyrsta. Fjalla-Eyvindur er frægasti útilegumaður allra tíma hér á landi og var í útlegð í fjóra áratugi. Hann var í raun einfaldur sveitapiltur en þótti strax í föðurgarði öðruvísi en jafnaldrarnir. Eyvindur var mikill hæfileikamaður, smiður góður, fimur mjög og meira að segja læs. Einnig þótti hann eigi ómyndarlegur. Samt varð hann að halda á fjöll eftir að hafa verið grunaður um þjófnað. Já, aðeins grunaður en aldrei varð neitt sannað. Svo kynntist hann Höllu sinni. Í leikritinu er sagan túlkuð á nýjan, óvæntan og svolítið kómískan máta.

Landnemafjölskylda í Vesturheimi eftir miðja 19. öld. Ljósm. Wikipedia.

Kynningarfundur undir heitinu Vinir handan hafs - Létt spjall um Vestur-Íslendinga verður haldinn á Reykhólum laugardaginn 3. maí. Atli Ásmundsson, fyrrum ræðismaður og áður m.a. kennari á Reykhólum segir sögur af starfinu vestra. Guðrún Ágústsdóttir blaðar í Vesturfaraskrá, athugar þar brottflutta úr Dalasýslu og Austur-Barðastrandarsýslu og spyr spurninganna  Hverjir, hvert og hvernig? Síðan eru ábendingar og fyrirspurnir á dagskránni áður en Svavar Gestsson fyrrverandi sendiherra og aðalræðismaður Íslands í Winnipeg segir frá Þjóðræknisfélagi Íslendinga í Vesturheimi og starfsemi þess.

Ljósm. Wikipedia.

Aðalfundur Sauðfjárræktarfélags Reykhólahrepps verður haldinn í matsal Reykhólaskóla þriðjudaginn 22. apríl og hefst kl. 14. Dagskrá:

Grettislaug / Guðni Þorbjörnsson.

Grettislaug á Reykhólum er opin á páskadag kl. 13-16 og annan dag páska kl. 17.30-20.30.

Ólöf Helga Jónsdóttir næringarfræðingur verður með stofu á Heilsugæslunni í Búðardal föstudaginn 25. apríl. Tímapantanir í síma 432 1450. Þetta kemur fram í tilkynningu frá Heilbrigðisstofnun Vesturlands (HVE) í Búðardal.

Bergsveinn Birgisson rithöfundur og fræðimaður flytur erindi um landnámsmanninn Geirmund heljarskinn og bók sína Den svarte vikingen í Tjarnarlundi í Saurbæ kl. 20 á miðvikudagskvöld, 16. apríl. Geirmundur var konungssonur frá Rogalandi í Noregi, fór í víking til Írlands og Bjarmalands (Norður-Rússlands) og endaði ævina hér á Skarðsströndinni. Áralangar rannsóknir liggja að baki bókinni og gengur sagnfræði hennar að hluta þvert á viðurkenndar hugmyndir um landnám Íslands. Bókin Den svarte vikingen var tilnefnd í flokki fræðirita til Brage-verðlaunanna í bókmenntum, hinna virtustu sem veitt eru í Noregi.

Af óviðráðanlegum orsökum er ekki læknir á Reykhólum í dag, 14. apríl, eins og venjulega á mánudögum. Læknir verður næst á Reykhólum þriðjudaginn 22. apríl eða daginn eftir annan páskadag. Þetta kemur fram í tilkynningu frá starfsfólki Heilbrigðisstofnunar Vesturlands (HVE) í Búðardal og á Reykhólum.

Jón Sverrir og Guðni (fyrir miðju) ásamt fleirum í heitum potti við Grettislaug.

Guðni og Jón Sverrir við TF-ULV.

Frændur og vinir og nágrannar fyrir meira en hálfri öld.

Misjafnlega mikið klæddir menn við verslunina Hólakaup á Reykhólum.

Lentur og hringir í frænda sinn á Reykhólum.

Flugsundsfélagarnir í Grettislaug.

« 1 af 15 »

Algengt er að einkaflugvélar komi á Reykhóla í „sunnudagsbíltúrum“ á sumrin og renni jafnvel stundum upp að bensíntankinum við Hólakaup, rétt við flugbrautarendann. Ein slík kom í blíðunni í gær og voru þar á ferð menn úr Kjósarsýslu hinni gömlu, Jón Sverrir Jónsson í Varmadal og Guðni Þorbjörnsson í Mosfellsbæ. Þeir heilsuðu upp á kunningja, brugðu sér í sund í Grettislaug og fengu sér í gogginn í búðinni. Guðni tók meðfylgjandi myndir (nema þær myndir þar sem hann er sjálfur). Myndirnar úr Grettislaug voru teknar og eru birtar með góðfúslegu samþykki laugarvarðar og laugargesta.

Karlakórinn Söngbræður ásamt stjórnandanum Viðari Guðmundssyni.

Karlakórinn Söngbræður í Borgarfjarðarhéraði undir stjórn Viðars Guðmundssonar, organista í Reykhólaprestakalli, heldur tónleika í íþróttahúsinu á Reykhólum að kvöldi fyrsta sumardags, 24. apríl, og hefjast þeir kl. 20. Tónleikarnir eru á vegum Lionsdeildarinnar í Reykhólahreppi. Í hléi verður kjötsúpa á borðum.

Guðmundur Ólafsson.

Minnt skal á móttökuna og fagnaðinn í tilefni af sextugsafmæli Guðmundar Ólafssonar á Litlu-Grund, sem verður í borðsal Reykhólaskóla á milli kl. 19 og 21 í kvöld, laugardagskvöld. Sjálft afmælið var á miðvikudag, 9. apríl.