Breiðfirðingar urðu í þriðja sæti.

Skaftfellingar hlutu fyrsta sætið.

Húnvetningar urðu í öðru sæti.

Siglfirðingar urðu í fjórða sæti.

Gauti Eiríksson, höfundur spurninga, spyrill og dómari.

Snæbjörn Kristjánsson, formaður Breiðfirðingafélagsins, tók við verðlaununum fyrir hönd liðs félagsins.

Siglfirðingar með bókaverðlaunin sín.

Nokkrir þeirra fjölmörgu sem fylgdust með úrslitarimmunni í Breiðfirðingabúð.

« 1 af 8 »

Liði Breiðfirðingafélagsins auðnaðist ekki að verja meistaratitilinn frá því í fyrra í Spurningakeppni átthagafélaganna. Lokarimman var háð í fyrrakvöld þar sem liðin fjögur sem eftir stóðu kepptu í undanúrslitum og úrslitum. Þar unnu fyrst Skaftfellingar Breiðfirðinga og Húnvetningar Siglfirðinga en í úrslitunum unnu Skaftfellingar Húnvetninga og þurfti bráðabana til að knýja fram úrslit. Breiðfirðingar urðu í þriðja sæti og Siglfirðingar í því fjórða.

Leiðirnar sem hafa verið teiknaðar án þess að niðurstaða hafi fengist.

Skjáskot úr greinargerðinni með samgönguáætluninni.

« 1 af 2 »

Í tillögu til þingsályktunar um fjögurra ára samgönguáætlun 2013-2016, sem lögð var fram á Alþingi í vikunni, er gert ráð fyrir alls 750 milljónum króna til Vestfjarðavegar 60 í Reykhólahreppi á næstu tveimur árum. Árið 2015 er gert ráð fyrir annars vegar 400 milljónum til að ljúka framkvæmdum í Múlasveit (kaflinn Eiði-Kjálkafjörður) og hins vegar 50 milljónum til vegar um Gufudalssveit. Árið eftir eða 2016 er gert ráð fyrir 300 milljónum til vegar um Gufudalssveit.

Ekki er ráð nema í tíma sé tekið. Þó að enn sé hálfur mánuður í páskana verður páskabingó Breiðfirðingafélagsins í Breiðfirðingabúð við Faxafen í dag, laugardag, og hefst kl. 14.30. Allir velkomnir.

Frá Þórshöfn í Færeyjum. Þinganes í forgrunni. Mynd: Wikipedia.

Hópur Lionsfólks í Reykhólahreppi ásamt mökum er í helgarreisu í Færeyjum. Hér er um hreina skemmtiferð að ræða en erindið ekkert sérstaklega að hitta Lionsfólk þar um slóðir. Annað kvöld verður snædd sameiginleg kvöldmáltíð, sem jafnframt verður óformlegur Lionsfundur. Á sunnudag verður farið í skoðunarferð með rútu um eyjarnar og að sjálfsögðu farið hvarvetna um neðansjávargöng milli eyja.

« 1 af 5 »

Félagsheimilið á Hólmavík hefur iðað af tónlist, lífi, leik og fjöri undanfarnar vikur, en þar hafa mætt ýmsar furðupersónur til að taka þátt í Skilaboðaskjóðunni. Þetta skemmtilega barnaleikrit með söngvum og spileríi verður frumsýnt kl. 14 á morgun, laugardag, og næsta sýning verður á sama tíma á sunnudag. Leikritið er eftir Þorvald Þorsteinsson og tónlist eftir Jóhann G. Jóhannsson og var frumflutt í Þjóðleikhúsinu 1993. Þessi uppsetning á Hólmavík er í samstarfi Grunn- og tónskólans á Hólmavík og Leikfélags Hólmavíkur.

Aðalfundur Handverksfélagsins Össu verður haldinn í Vogalandi í Króksfjarðarnesi á sunnudag, 6. apríl, og hefst kl. 14.

Hér á vef Reykhólahrepps hafa nú verið birtar siðareglur fyrir kjörna fulltrúa hjá Reykhólahreppi, staðfestar af innanríkisráðuneytinu. Reglurnar eru í fjórtán greinum og fara sú fyrsta og síðasta hér á eftir. Siðareglurnar í heild má annars vegar sækja hér en hins vegar er þær að finna undir Stjórnsýsla ► Samþykktir og reglugerðir í valmyndinni hér vinstra megin.

Grettislaug / ÁG.

Sundlaugarverði vantar í Grettislaug á Reykhólum frá 1. júní. Bæði er óskað eftir fólki í fast starf á vaktir og tímabundin störf í sumar. Umsækjandi þarf að hafa náð 18 ára aldri. Haldið verður haldið björgunarpróf fyrir umsækjendur fyrir sumaropnun laugarinnar.

Úr heyhlöðu í Colorado / Wikipedia.

Aðalfundur Búnaðarfélags Reykhólahrepps verður haldinn í matsal Reykhólaskóla fimmtudaginn 10. apríl og hefst kl. 20. Eftir fundinn mun Guðmundur Hallgrímsson halda erindi um öryggi og brunavarnir í útihúsum. Dagskráin að öðru leyti:

Jón Þórðarson ásamt nokkrum af túlkendum sögunnar í hópi nemenda.

Fylgst með af athygli og áhuga.

« 1 af 2 »

Góður gestur kom í heimsókn í Reykhólaskóla í dag. Það var Jón Þórðarson sögumaður og ferðafrömuður á Bíldudal við Arnarfjörð, sem núna er stýrimaður á Gretti, skipi Þörungaverksmiðjunnar. Erindið var að rekja sögu Gísla Súrssonar, en viðburðaríkri ævi hans lauk þegar hann var veginn eftir frækilega vörn á Einhamri í Geirþjófsfirði, einum af innfjörðum Arnarfjarðar. Aðsóknarmenn Gísla voru sextán og felldi hann átta þeirra áður en hann féll sjálfur.