Landnemafjölskylda í Vesturheimi eftir miðja 19. öld. Ljósm. Wikipedia

Minnt skal á kynningarfund undir heitinu Vinir handan hafs - létt spjall um Vestur Íslendinga, sem haldinn verður á Reykhólum á morgun, laugardag. Atli Ásmundsson, fyrrum ræðismaður og áður m.a. kennari á Reykhólum segir sögur af starfinu vestra. Guðrún Ágústsdóttir blaðar í Vesturfaraskrá, athugar þar brottflutta úr Dalasýslu og Austur-Barðastrandarsýslu og spyr spurninganna Hverjir hvert og hvernig? Síðan eru ábendingar og fyrirspurnir á dagskránni áður en Svavar Gestsson, fyrrverandi sendiherra og aðalræðismaður Íslands í Winnipeg, segir frá Þjóðræknisfélagi Íslendinga í Vesturheimi og starfsemi þess.

Andrea ásamt mæðrum og börnunum (í peysunum sem hún hefur prjónað).

Oddvitinn og börnin tíu, en ellefta barnið er flutt norður í land ásamt fjölskyldu sinni.

Hér er Andrea með þá elstu sem allt byrjaði á, hana Málfríði Lilju á Hríshóli, og tvo nýjustu íbúa Reykhólahrepps, dömuna á Gróustöðum og Ebbu Sif á Reykhólum.

Einar Valur í Fremri-Gufudal, Málfríður Lilja á Hríshóli, Ebba Sif á Reykhólum, nýjasti íbúinn okkar á Gróustöðum og Emilía Karen á Reykhólum ásamt oddvitanum sínum.

« 1 af 4 »

Síðasta hálft annað árið hefur Andrea Björnsdóttir á Skálanesi, oddviti Reykhólahrepps, prjónað peysur á alla nýbura í sveitarfélagi sínu. Núna eru peysurnar orðnar ellefu og jafnmörg sokkapör að auki. Það er ekki lítið í sveitarfélagi þar sem íbúarnir eru rétt um 270. Í vikunni komu nær allar mæðurnar og börnin saman til myndatöku ásamt Andreu, fyrir utan að ein fjölskyldan er flutt úr hreppnum. „Öll hin tíu mættu, flest hress en sum pínu veik og önnur nýfædd,“ segir Andrea.

Litla stúlkan og bræður hennar.

Það er ekki leiðinlegt að fara í bað.

Og halla sér svo á eftir.

« 1 af 3 »

Fjórða barnið bættist í hópinn hjá Báru Borg Smáradóttur og Bjarka Stefáni Jónssyni á Gróustöðum við Gilsfjörð þann 14. apríl. Það er stúlka, sem reyndist 54 cm og 4560 grömm. Bræður hennar eru þeir Sumarliði Gilsfjörð, átta ára, Smári Gilsfjörð, fimm ára, og Svanur Gilsfjörð, tveggja og hálfs árs.

Atvinnuþróunarfélag Vestfjarða auglýsir eftir umsóknum um fjóra styrki að upphæð ein milljón hver til fyrirtækja og/eða stofnana sem eru lögaðilar á Vestfjörðum, til þess að ráða nýútskrifaðan háskólanema í nýsköpunarverkefni eða þróunarverkefni á vegum fyrirtækisins eða stofnunarinnar. Gert er ráð fyrir að umsækjandi leggi fram a.m.k. jafnháa upphæð í launum og launatengdum gjöldum fyrir viðkomandi starfsmanni.

Hér með er auglýst vegna sveitarstjórnarkosningar í Reykhólahreppi þann 31. maí 2014, að framboðsfrestur rennur út kl. 12 á hádegi laugardaginn 10. maí 2014 og jafnframt frestur þeirra sem löglega geta skorast undan kjöri ef um óhlutbundnar kosningar er að ræða. Kjörstjórn Reykhólahrepps veitir framboðslistum viðtöku á skrifstofu Reykhólahrepps sem hér segir:

Verslunin Hólakaup á Reykhólum verður aðeins opin til klukkan 16 á fimmtudag, verkalýðsdaginn 1. maí.

Vakin er athygli á því, að samkvæmt 10. gr. laga nr. 138/1994 um húsaleigubætur skal sækja um húsaleigubætur fyrir hvert almanaksár og gildir umsóknin til áramóta. Skrifstofa Reykhólahrepps ákvað að bótaþegar með ótímabundinn leigusamning þyrftu ekki að sækja um húsaleigubæturnar aftur um síðastliðin áramót, þar sem upplýsingar um launatekjur væru þær sömu og á fyrri umsóknum, og kalla þá frekar eftir afritum af nýjum skattframtölum þegar þeim hefur verið skilað.

Þarna er einnig háreist súla úr járnbentri steinsteypu, mjókkar upp og á hana málað mannsnafn. Þarna var áður vindrafstöð og efst á þessari súlu þyrlaðist rellan fyrir vindinum og söng og hvein, nú er hún á bak og burt engu síður en presturinn og læknirinn en eftir stendur súlan eins og nál Kleópötru á torginu mikla í París en það er ekki nafn Cesars sem er málað með spreddi þarna á hrjúfa steypuna, heldur nafn ungs manns, sem aldrei hefur komið út fyrir hreppinn. Og þó eru flestir hreppsbúar á bak og burt.

Sauðfé á Hrafnseyri við Arnarfjörð. Nánar neðst í meginmáli.

Ríkisjarðir á Vestfjörðum, sem ekki eru nýttar í dag, verði auglýstar lausar til ábúðar eða notkunar í ýmsu atvinnuskyni. Stjórnvöld beiti sér einnig ákveðið fyrir því að jarðir í einkaeign, sem ekki eru í notkun, verði nýttar á ýmsan markvissan hátt. Kemur þar margt til greina sé rétt að staðið. Það hefur til dæmis verið sannað, að hægt er með ótrúlegum árangri að rækta bleikju og regnbogasilung í hinum ísköldu vestfirsku ám og vötnum. Meira að segja í bæjarlæknum. Hér gæti orðið um vistvæna vestfirska stóriðju að ræða ef menn vilja. Tækifærin blasa við öllum sem vilja sjá. Það þarf að opna landið fyrir fólkið.

Kynningarfundur um raunfærnimat í skipstjórn verður haldinn í fjarfundi í Þróunarsetrinu að Höfðagötu 7 á Hólmavík kl. 16.30 á morgun, mánudag, og jafnframt á sama tíma á starfsstöðvum Fræðslumiðstöðvar Vestfjarða á Ísafirði og Patreksfirði. Mat þetta er ætlað þeim sem hafa starfað á sjó í 5 ár eða lengur og hafa áhuga á að ná sér í stýrimanns- og skipstjórnarréttindi.