Mynd: Slysavarnafélagið Landsbjörg.

Annað árið í röð ganga hörð vetrarveður yfir Vestfirði um jól og áramót, sem einangra stóra hluta Vestfjarða og eru áminning um að staðið verði við forgangsröðun verkefna í samgönguáætlunum frá Alþingi. Taka verði einnig til umfjöllunar ný samgönguverkefni í langtíma samgönguáætlun. Framkvæmdastjóra falið að útfæra kynningarátak í þessum efnum og leita samstarfs við atvinnulíf. Óskað verði eftir fundi með vegamálastjóra í samstarfi við samgöngunefnd FV. (Úr bókun á stjórnarfundi Fjórðungssambands Vestfirðinga fyrr í þessum mánuði).

Símenntunarmiðstöðin á Vesturlandi minnir á „stutt og hnitmiðað námskeið“ þar sem kennd eru ýmis atriði varðandi uppsetningu á iPad, helstu forritin, stillingar og viðmót. Einnig skráning í App Store ásamt því að kennt er hvernig á að sækja viðbætur í App Store. Námskeiðið verður í Auðarskóla í Búðardal á miðvikudag, 5. febrúar, og stendur frá kl. 18 til 20.

Unnur Halldórsdóttir.

Unnur Halldórsdóttir frá Kambi í Reykhólasveit, sem andaðist á 98. aldursári hinn 17. janúar, verður jarðsungin á Reykhólum kl. 14 á morgun, laugardaginn 1. febrúar.

Komnar heim.

Féð sem fyrir var á húsum virðir fyrir sér aðra þeirra nýkomnu.

« 1 af 2 »

Fyrir hálfum mánuði var greint hér frá eftirlegukindum sem fundust í Hvannadal í Ísafjarðardjúpi annars vegar og í Vattarfirði og Skálmardal í Múlasveit hins vegar. En lengi er von á einum (eða tveimur) og núna nýlega fundust tvær kindur frá Fremri-Gufudal í Langadal í Djúpi. „Það voru þeir Tumi bóndi og áhugasmalinn Mummi Sigvalda sem náðu þeim,“ segir Jóhann Freyr Guðmundsson í Fremri-Gufudal.

Báta- og hlunnindasýningin á Reykhólum auglýsir eftir starfsmanni í hlutastarf sumarið 2014. Um er að ræða 75% stöðu. Mikilvægt er að umsækjendur séu jákvæðir, duglegir og samviskusamir og hafi gaman af samskiptum við fólk. Jafnframt að þeir hafi góða þekkingu á Reykhólahreppi og því sem hann hefur að bjóða. Mikilvægt er að umsækjendur búi yfir kunnáttu í erlendum tungumálum, þá sérstaklega ensku, og reynsla af þjónustustörfum er kostur, segir í tilkynningu frá Hörpu Eiríksdóttur framkvæmdastjóra sýningarinnar. Þar segir ennfremur:

Tveir vinir.

Myndbandið Tveir vinir sem var frumsýnt á þorrablótinu á Reykhólum um helgina gerði mikla lukku. Það er tvær og hálf mínúta á lengd og má sjá það hér á YouTube. Þorramaturinn hjá Lionsfólki virðist hafa hlotið einróma lof nema kannski harðfiskurinn sem einhverjum þótti víst mislukkaður. Fjórar konur í þorrablótsnefndinni fengu draum sinn uppfylltan og voru flugfreyjur eitt kvöld.Tvennt fengu þorrablótsgestir í hendur við komuna: Brennivínsstaup frá Þörungaverksmiðjunni og blaðið Þorra frá blótsnefndinni, og má lesa það hér.

Það var vinsælt að taka myndir með hafmeyjuna Öldu í bakgrunni.

Garðar og Søren ásamt Gunnari Snorra Gunnarssyni, sendiherra Íslands í Þýskalandi.

Søren við smíðar á sýningarbásnum.

Fyrsti viðskiptavinurinn með saltpakka.

« 1 af 4 »

Eins og hér kom fram á sínum tíma fóru „saltararnir“ á Reykhólum, þeir Garðar Stefánsson og Søren Rosenkilde, á Grænu vikuna (Grüne Woche) í Berlín, en henni lauk núna um helgina. „Þetta var rosalega gaman og virkilega ánægjulegur tími. Fjölmargir Þjóðverjar og aðrir gæddu sér á saltinu og nánast allt selt. Margir vilja kaupa saltið og dreifa því, ekki aðeins í Þýskalandi heldur líka í Eistlandi, Noregi, Bandaríkjunum og fleiri löndum,“ segir Garðar.

Verslunin Hólakaup á Reykhólum.

Eyvindur Magnússon og Ólafía Sigurvinsdóttir í Hólakaupum.

« 1 af 2 »

„Þó svo að reksturinn gangi mjög vel var þetta aldrei hugsað til langtíma fyrir mig eða okkur. Þetta var tækifæri til að sleppa úr bænum. Við erum ekkert á förum héðan, við finnum okkur bara önnur og fjölskylduvænni verkefni á svæðinu,“ segir Eyvindur Magnússon, kaupmaður á Reykhólum. Þau Eyvindur og Ólafía Sigurvinsdóttir hafa rekið Hólakaup í tæp fjögur ár eða frá maíbyrjun 2010.

Afgreiðsla Landsbankans á Reykhólum verður lokuð núna á miðvikudaginn, 29. janúar. Opið verður næst miðvikudaginn 5. febrúar, segir í tilkynningu.

Athygli skal vakin á því, að sorphirðudagatal 2014 fyrir Reykhólahrepp er komið hér inn á vefinn. Sjá borða í tengladálkinum til hægri.