Saltvinnslan á Reykhólum (Norður & Co.) leitar að „allrahandamanneskju“ til starfa. Þetta hét löngum á góðri dansk-íslensku (málvöndunarmönnum til mikils ama) alltmúlígmann. Meðal þess sem umsækjendur verða að hafa til að bera eru tök á íslensku og ensku. Þó að þess sé alls ekki krafist væri trúlega ekki mjög slæmt ef þeir gætu líka bjargað sér á portúgölsku og dönsku hjá þessu fjölþjóðlega fyrirtæki við Breiðafjörðinn. Auk þess er ekki verra að hafa áhuga á matargerð. Auglýsing Norður & Co. er á þessa leið:

Við hverinn Einireyki neðan við Reykhólaþorp. Úr honum rennur í Langavatn. Ljósm. Árni Geirsson.

„Verkefnið hefur verið mjög skemmtilegt, margir hafa komið að því og veitt því stuðning,“ segir Ingibjörg Birna Erlingsdóttir, sveitarstjóri Reykhólahrepps, um hugmyndabankann sem greint var frá hér á vefnum í gær og hlotið hefur heitið Staðarandi Reykhóla. „Fyrir rúmu ári fékk Reykhólahreppur í samvinnu við Sjávarsmiðjuna á Reykhólum styrk frá Ferðamálastofu til að vinna að skipulagi Reykhóla sem ferðamannastaðar. Viktoría Rán hjá Atvinnuþróunarfélagi Vestfjarða hafði þá fengið á borð til sín verkefni bæði frá Reykhólahreppi og Sjávarsmiðjunni varðandi samliggjandi svæði,“ segir Ingibjörg Birna.

Hann þarf að blása þokkalega vel til að setja svona vagn á hliðina. Myndirnar tók Gústaf Jökull Ólafsson.

Gámarnir í námunni gömlu á Miðjanesi.

« 1 af 2 »

Víða var aftakaveður í gær og má sjá þess stað milli Miðjaness og Hamarlands á Reykjanesi, nokkrar bæjarleiðir fyrir utan Reykhóla. Annars vegar hefur níðþungur sturtuvagn sem stóð þar sem heitir Flatholt fokið á hliðina, allur úr járni, og hins vegar rúlluplastgámur sem tjóðraður var niður með akkeri úr steypufylltu dekki. Gámar þessir eru í námunni gömlu þar sem grjót var tekið í hafnargarð Reykhólahafnar fyrir nokkrum áratugum.

Úr ritinu: Upplifunarsvæði á sviði sögu og menningar.

Fyrsti ávöxtur þess hluta hins fjölsótta íbúaþings á Reykhólum fyrir tæpu ári sem snerist um skipulagningu Reykhóla og nágrennis og framtíðarþróun sem ferðamannastaðar hefur litið dagsins ljós. Það er þrjátíu síðna bæklingur með heitinu Staðarandi Reykhóla - Greining og tillögur, sem ráðgjafarstofan Alta hefur unnið á grundvelli þeirra hugmynda sem þar komu fram ásamt vettvangsskoðunum og annarri heimildavinnu. Sá hluti íbúaþingsins bar yfirskriftina Mótun framtíðarsýnar, skipulag og hönnun sjálfbærs áfangastaðar á Reykhólum og var skipulagður af Alta að beiðni Reykhólahrepps. Markmiðið var að safna saman upplýsingum og hugmyndum um upplifanir á Reykhólum sem nýta mætti í ferðaþjónustu.

Félagsvist verður hjá Barðstrendingafélaginu í kvöld, mánudag, og hefst spilamennskan kl. 20. Þetta er fyrsta kvöldið af fjórum og spilað að venju í félagsheimilinu Konnakoti, Hverfisgötu 105 í Reykjavík, annarri hæð. „Hvað er betra en að taka í spil í góðum félagsskap, sérstaklega þegar von er á góðum glaðning ef heppnin er manni hliðholl ... eða minna góðum ef heppnin var skilin eftir heima,“ segir Unnur Helga Jónsdóttir á Facebooksíðu félagsins.

Jón Árni og Hlynur við afhendingu verðlaunanna í Safnahúsinu á Ísafirði. Ljósm. Sveinn Ragnarsson.

Verðlaunahafar ásamt Jóni Páli Hreinssyni verkefnastjóra (t.v.) og Neil Shiran Þórissyni framkvæmdastjóra Atvest (t.h.). Ljósm. SR.

Frá athöfninni í Safnahúsinu á Ísafirði. Ljósm. SR.

Hlynur Stefánsson og Jón Páll Hreinsson, verkefnastjóri Atvinnuþróunarfélags Vestfjarða. Ljósm. bb.is.

Jón Árni við uppslátt að Suðurbraut 3.

Grunnur verksmiðjuhússins steyptur.

Verksmiðjuhús Gullsteins við Suðurbraut. Ofar er verkstæðishús Guðlaugs Theódórssonar.

Núna er Gullsteinn þar sem útibú Kaupfélags Króksfjarðar var á sínum tíma, rétt fyrir neðan kirkjuna.

« 1 af 8 »

„Þetta gerbreytir stöðu okkar á allan hátt. Núna getum við farið að klára húsið og jafnframt að fá meiri rannsóknavinnu hjá sérfræðingum varðandi nýja blöndu með fleiri tegundum af þörungum en við höfum verið með,“ segir Jón Árni Sigurðsson hjá sprotafyrirtækinu Gullsteini sf. á Reykhólum. Dómnefnd Nýsköpunarkeppni Vestfjarða valdi fjögur vestfirsk verkefni í verðlaunasæti og var Gullsteinn eitt þeirra.

Guðrún J. Guðmundsdóttir augnlæknir verður með móttöku á heilsugæslustöðinni í Búðardal á fimmtudag, 6. febrúar. Tímapantanir í síma 432 1450.

Karl og Unnur á Kambi. Þakkarkossinn eftir matinn vantaði aldrei.

Unnur Halldórsdóttir.

« 1 af 2 »

Unnur Halldórsdóttir frá Kambi í Reykhólasveit var jarðsungin í Reykhólakirkju í dag. Hún var langelst íbúanna í Reykhólahreppi, fædd 10. ágúst 1916 og var því á 98. aldursári nær hálfnuðu þegar hún andaðist þann 17. janúar. Eiginmaður Unnar var Karl Árnason frá Hlíð í Þorskafirði, fæddur 20. ágúst 1911. Þau gengu í hjónaband 3. janúar 1938 og hafði hjúskapur þeirra því staðið í tæp 66 ár þegar hann lést á 93. aldursári hinn 5. nóvember 2003.

Þorgeir, Finnur, Kristján, Sölvi og Þorsteinn. Nánar í meginmáli.

Morten, Kristján, Garðar, Þorsteinn og Sölvi. Nánar í meginmáli.

« 1 af 2 »

Þrír af forsvarsmönnum Orkubús Vestfjarða, þeir Kristján Haraldsson orkubússtjóri, Sölvi Sólbergsson framkvæmdastjóri orkusviðs og Þorsteinn Sigfússon svæðisstjóri Orkubúsins í Strandasýslu og Austur-Barðastrandarsýslu komu í heimsókn á Reykhóla í gær. Þeir skoðuðu mannvirki Orkubúsins og hittu forsvarsmenn Þörungaverksmiðjunnar og saltvinnslunnar Norður & Co. og ræddu við þá um sameiginleg mál fyrirtækjanna. Kristján orkubússtjóri kveðst mjög ánægður með þessa heimsókn á Reykhóla og segir að mál hafi skýrst og verið sett í farveg.

Bréf sem búfjáreftirlitsmenn fengu frá yfirdýralækni nú fyrir skömmu hefur fallið í misfrjóan jarðveg, að því er virðist. Þar kemur fram að sex nýir starfsmenn muni framvegis sinna því sem um fjörutíu eftirlitsmenn um land allt hafa annast. „Meti nú hver fyrir sig hvort verið er að auka eftirlit með meðferð búfjár,“ segir einn hinna fráfarandi búfjáreftirlitsmanna. Bréf yfirdýralæknis er svohljóðandi: