Herdís Erna með Þórgunni Rítu og eitt af lömbunum árbornu.

« 1 af 5 »

Það var lambhrútur sem lék á mig helvískur, segir Lóa á Miðjanesi um ástæður nokkuð snemmbúins sauðburðar þar á bæ. Gimbrarlamb leit dagsins ljós í gær og síðan tvílembingar í morgun, hrútur og gimbur. Hrúturinn ungi sem þessu olli stökk yfir milliverk eins og ekkert væri og staðfesti með því hið fornkveðna, að náttúrunni halda nánast engin bönd. Nokkrar fleiri ær eru komnar fast að burði af sömu völdum. Lóa segir að páskabörnunum á Miðjanesi þyki þetta nú ekkert leiðinlegt. Hjördís Dröfn dóttir hennar er þar núna með fjölskyldu sína auk þess sem fleiri krakkar hafa komið í heimsókn.

Hið árlega páskabingó nemendanna í 8.-10. bekk Auðarskóla verður í Félagsheimilinu Tjarnarlundi í Saurbæ í kvöld, laugardag. Húsið verður opnað kl. 19.30 en bingóið byrjar kl. 20. Spjaldið kostar 500 krónur. Góðir vinningar að vanda.

Reykhólakirkja, húsið á Hólnum og hornið á kirkjugarðinum. Myndina tók Árni Geirsson.

Föstudagurinn langi: Helgistund í Garpsdalskirkju kl. 20. Píslarsagan og valdir passíusálmar fléttuð saman. Páskadagur: Helgistund í Barmahlíð kl. 14.30. Annar páskadagur: Messa í Reykhólakirkju kl. 14. Messa í Staðarhólskirkju kl. 16. Molasopi í Tjarnarlundi eftir messu. Prestur er sr. Elína Hrund Kristjánsdóttir. Organisti er Viðar Guðmundsson. Kór Reykhólaprestakalls leiðir sönginn að vanda.

Héraðsbókasafnið á Reykhólum verður opið á laugardagsmorgun kl. 10-12 (fyrsti laugardagur mánaðarins) og lesið verður fyrir krakkana kl. 11 að venju. Safnið verður lokað á mánudag (annan dag páska) en síðan opið á miðvikudag eins og venjulega.

Inga Birna sveitarstjóri, Andrea oddviti og fulltrúar verksmiðjunnar, þeir Einar Sveinn, Játvarður Jökull, Artur og Torfi.

Játvarður Jökull tók við pappírum Björns Kristjánssonar. Einar Sveinn framkvæmdastjóri fylgist með.

Sjálfur gat Björn ekki verið viðstaddur.

« 1 af 3 »

Að mottumars loknum kom dálítill hópur saman í húsakynnum Reykhólahrepps í gærkvöldi í boði Ingibjargar Birnu sveitarstjóra. Tilefnið var að veita viðurkenningar sem hún hafði heitið fyrir mánuði, þegar hreppsnefnd og starfsmenn Reykhólahrepps skoruðu á starfsmenn Þörungaverksmiðjunnar í áheitasöfnun. Lið verksmiðjunnar (Team Thorverk) hafði þar betur og viðurkenningu fyrir fallegustu mottuna hlaut Björn Kristjánsson starfsmaður hennar.

Umf. Stjarnan stendur fyrir félagsvist í Tjarnarlundi í Saurbæ kl. 20 að kvöldi skírdags, fimmtudagsins 5. apríl. Sjoppa á staðnum og fullt af páskaeggjum í vinning. Aðgangseyrir kr. 700. Posi á staðnum.

Fundarboð: Aðalfundur Búnaðarfélags Reykhólahrepps verður haldinn í Reykhólaskóla þriðjudaginn 10. apríl og hefst kl. 13.30. Auk venjulegra aðalfundarstarfa verður á dagskránni tillaga að nýjum samþykktum fyrir félagið. Tillagan fylgir hér fyrir neðan. Athygli skal vakin á því, að tvær útgáfur eru af 8. grein (A og B) og tekur fundurinn afstöðu til þess hvor leiðin verður farin.

Hreppsnefnd Reykhólahrepps samþykkti á fundi sínum 8. mars 2012 að endurauglýsa tillögu að deiliskipulagi fyrir Tröllenda í Flatey. Gerðar voru breytingar á skipulaginu vegna athugasemda sem bárust eftir fyrri auglýsingu, sem birtist 22. september 2011. Samkvæmt 41. gr. skipulagslaga nr. 123/2010 er hér með auglýst eftir athugasemdum við tillögu að deiliskipulagi fyrir Tröllenda í Flatey.

Handverksfélagið Assa kynnir starfsemi sína og framtíðaráform á súpufundi í matsal Reykhólaskóla í kvöld, þriðjudag. Undanfarin ár hefur félagið verið með handverks-, nytja- og bókamarkað í Króksfjarðarnesi og greinir frá gangi mála. Rjómalöguð sveppasúpa með brauði kostar kr. 800. Húsið verður opnað kl. 18.30.

Verslunin Hólakaup á Reykhólum verður lokuð á skírdag og föstudaginn langa en opin á laugardag kl. 10-18. Lokað á páskadag og annan í páskum en síðan opið á þriðjudag kl. 10-18 eins og venjulega.