Reykhólar hses. er húsnæðissjálfseignarstofnun sem var stofnuð vorið 2020. Hlutverk stofnunarinnar er að byggja eða kaupa og eiga og hafa umsjón með rekstri og viðhaldi almennra félagsíbúða í Reykhólahreppi og veita þjónustu í almannaþágu samkvæmt lögum 52/2016 um almennar íbúðir. 

Í stjórn Reykhóla hses. sitja:

Árný Huld Haraldsóttir formaður

Embla Dögg B. Jóhannsdóttir varaformaður

Ágústa Ýr Sveinsdóttir

varamaður er

Karl Kristjánsson.

Reykhólar hses. hefur yfir að ráða þremur íbúðum að Hólatröð 5, 7 og 9 á Reykhólum. Íbúðirnar eru auglýstar til úthlutunar eftir því sem þær losna.  Skrifstofa Reykhólahrepps tekur á móti umsóknum og skulu þær berast á netfangið skrifstofa@reykholar.is.

Nánari upplýsingar um stofnunina, umsóknir og úthlutunarreglur eru undir flipanum Reykhólar hses. hér til vinstri.

Aðalfundi Krabbameinsfélags Breiðfirðinga sem halda átti í Króksfjarðarnesi n.k. miðvikudag, er frestað af óviðráðanlegum ástæðum um óákveðinn tíma.

Ólafsdalur, mynd af vef Ólafsdals

Ólafsdalshátíð 2016

« 1 af 2 »

Rögnvaldur Guðmundsson formaður Ólafsdalsfélagsins sendi eftirfarandi tilkynningu:

„Mér þykir afar leitt að tilkynna að vegna COVID fjöldatakmarkana hefur verið tekin sú ákvörðun að aflýsa þrettándu Ólafsdalshátíðinni sem halda átti 15. ágúst næstkomandi.“

Sjá nánar á vefsíðunni Ólafsdalur.
Aðsókn að Ólafsdal hefur verið afar góð í sumar, enda uppbygging staðarins í fullum gangi.

Sonja Dröfn Helgadóttir

Nýr leikskólastjóri Hólabæjar er Sonja Dröfn Helgadóttir.

Hún kemur hingað frá Þingeyri, þar sem hún var skólastjóri í afleysingu í 1 ár við grunnskólann og Heilsuleikskólann Laufás. Þar áður var hún kennari á Skagaströnd í 7 ár og við Oddeyrarskóla á Akureyri, frá því hún lauk kennaranámi vorið 2001 frá Háskólanum á Akureyri.

Einnig hefur Sonja Dröfn nýlega lokið mastersprófi í leikskólakennarafræðum frá HA, með áherslu á lestrarfræði og sérkennslu.

Sonja Dröfn og maður hennar eiga 4 uppkomin börn.

Hún er boðin velkomin til starfa.

Leikskólinn Hólabær verður opnaður aftur eftir sumarfrí, mánudaginn 10. ágúst, kl. 13:00.

Börnin verða þann dag eins og vistunartíminn segir til um.

Reglulegum fundi sveitarstjórnar sem halda á 11. ágúst er frestað um viku. Fundurinn verður því haldinn 18. ágúst.

Dvalar- og hjúkrunarheimilið Barmahlíð

Vegna nýrrar COVID smitbylgju í samfélaginu er búið að loka í Barmahlíð fyrir aðgang allra nema starfsmanna dvalarheimilisins.

Alltaf er hægt að hringja í Hendrikku hjúkrunarfræðing Barmahlíðar í síma 776 0885.

Á morgun, 31. júlí verða hertar reglur vegna kórónaveirunnar á ný.

Sundlaugargestum er bent á eftirfarandi; allt að 100 manns mega vera í sundlauginni í einu, og 4 í hvorum heitum potti.                                  Fólk er áminnt um að virða 2 m. regluna.

Líkamsræktin í kjallara Sundlaugarhússins verður lokuð.

Þetta gildir meðan almennar fjöldatakmarkanir eru í gildi.

Umsjónarmaður íþróttamannvirkja

Gufudalskirkja

Aðalsafnaðarfundur Gufudals- og Reykhólasóknar 2020 verður haldinn föstudaginn 7. ágúst, kl. 17.00 í Reykhólakirkju.

Dagskrá samkvæmt venju.

  1. Skýrsla stjórnar og umræður um hana.
  2. Lagðir fram ársreikningar til samþykktar og umræður um þá.
  3. Kosning aðalmanns og varamanns í kjörnefnd.
  4. Kosning annarra stjórnarmanna.
  5. Kosning endurskoðanda og varamanns hans.
  6. Önnur mál.

Reykhólum 30. júlí,
Guðmundur Ólafsson, formaður sóknarnefndar.

Steinunn Ólafía Rasmus

Íbúi ársins var útnefndur á Reykhóladögum, eins og undanfarin ár. Að þessu sinni var Steinunn Ólafía Rasmus kosin. Steinunn, eða Steina eins og flestir kalla hana, hefur verið kennari við Reykhólaskóla undanfarin 35 ár og átt afar farsælan starfsferil, en hún hefur nú látið af störfum.

Steina á uppruna á Reykhólum, dóttir Hrefnu Þórarinsdóttur og Hendriks Rasmus, en Hrefna var dóttir Steinunnar Hjálmarsdóttur sem bjó um áratuga skeið á Reykhólum ásamt manni sínum Tómasi Sigurgeirssyni.

Steina hefur sagt frá því að þegar hún fluttist að Reykhólum, nýráðin kennari, kom yfir hana sú tilfinning að nú væri hún komin heim.

Það er óhætt að segja að hún er ákaflega vel komin að þessari útnefningu, -eins og raunar öll sem hana hafa hlotið- og eru henni færðar innilegustu hamingjuóskir og þakkir fyrir frábær störf.