Til sölu 30 stykki vandaðir stólar úr ljósri eik. Þeir eru hentugir í kirkju og samkomuhús, sem aukasæti þegar margir mæta.
Andvirðið á að leggjast inn á reikning Atla Snorrasonar afastráks, sem glímir við ólæknandi krabbamein.
Árið 2000 kostuðu þeir 1.500 kr í Rúmfatalagernum.
Tilboð berist til Kristins frá Gufudal í síma 434 7879.
Fimmtudaginn 30. maí, (uppstigningardag) verður opið milli kl. 13 og 16.
Verið velkomin.
Starfsmaður óskast í liðveislu með fötluðu barni í sumar. Viðkomandi þarf að vera með barninu á leikjanámskeiði og íþróttaæfingum.
Umsóknir berist til Maríu Játvarðardóttur, félagsmálastjóra á netfangið felagsmalastjori@strandabyggd.is sem einnig veitir nánari upplýsingar í síma 842-2511.
Laun skv. samningum VerkVest.
Athygli er vakin á nýjum tengli í Valmynd, Tómstundastarf, þar er kominn bæklingur um sumarnámskeið.
Sveitarfélagið mun bjóða þeim sem vilja synda í vikunni frítt í sund!
En þar sem laugin verður ekki opnuð fyrr en á morgun (eftir bilanirnar undanfarið) þá verður auka opnun á miðvikudaginn.
Þetta virkar þannig að þið látið vita í afgreiðslu að þið ætlið að synda (það sem ykkur finnst passleg vegalengd) og kvittið á eyðublað í afgreiðslunni. Þegar sundferðinni er lokið skráið þið svo vegalengdina sem þið syntuð og svo verður samantekt á sundi íbúanna í lok vikunnar.
SUND ER SÆLUSTUND!
Bókin Á Eylenduslóðum verður til sölu hjá mér í Barmahíð, fyrir hádegi dagana 28. - 30. maí.
Jóhannes í Skáleyjum.
Þann 27. maí, kl. 17:30 verður Thelma Ásdísardóttir hjá Drekaslóð með fyrirlestur í Bókasafni Reykhólaskóla þar sem hún fjallar um hættumerki í samskiptum.
Samstarf er á milli Félagsþjónustu Stranda og Reykhólahrepps, Drekaslóðar og Hvatastöðvarinnar á Hólmavík.
Thelma mun fjalla um hættumerki í samskiptum á víðum grundvelli, svo sem milli kynja, milli foreldra og unglinga og innan vinnustaða.
Fyrirlesturinn er öllum opinn
Aðalfundur Þörungaverksmiðjunnar hf. verður haldinn á skrifstofu félagsins í Karlsey,
miðvikudaginn 5. júní og hefst kl 13.
Á dagskrá eru venjuleg aðalfundarstörf samkvæmt samykktum félagsins.
Komin er út ný bók eftir Jóhannes Geir Gíslason í Skáleyjum, Á Eylenduslóðum.
Dagbjört Höskuldsdóttir í Stykkishólmi segir á facebooksíðu sinni:
„Til mín kom í dag góður kall með frábæra bók með sér. Jóhannes Gíslason frá Skáleyjum, eða hann Jói í Skáleyjum eins og við þekkjum hann. Hann hefur unnið mikið þrekvirki við vinnu þessarar bókar sem kemur svona í kjölfar Eylendu sem flestir Breiðfirðingar og fleiri þekkja vel. Ég er aðeins búin að glugga í hana og hlakka til að lesa. Falleg líka, í góðu bandi. Hún er komin í Bókaverzlun Breiðafjarðar. Má gjarnan deila þessu vítt og breitt. Bókin er þess virði.. Og ég er ekki alveg ókunnug bókum..“
Smá viðbótarupplýsingar, Bókaverzlun Breiðafjarðar er á Borgarbraut 1 í Stykkishólmi. Hér er f.b.síða verslunarinnar.
Þann 29. maí heldur Vestfjarðastofa fund þar sem hafin verður endurskoðun Sóknaráætlunar Vestfjarða og er þér boðið að taka þátt í þeirri vinnu.
Fundurinn verður haldinn í Félagsheimilinu í Bolungarvík, 29. maí milli kl. 11:30 og 16:00.
Sjá nánar í meðfylgjandi auglýsingu.
