Afmælistónleikarnir verða haldnir sunnudaginn 5. maí nk. kl. 14:00 í Hólmavíkurkirkju og eftir tónleikana verður veglegt kaffihlaðborð og afmælisveisla í félagsheimilinu á Hólmavík. Kórkonur vonast eftir að sem flestir mæti til að fagna þessum tímamótum með þeim.
Laugardaginn 11. maí verður farið í hreinsunarátak í sveitarfélaginu okkar. Á Reykhólum er mæting kl. 11 við Reykhólaskóla.
Kl. 13 verður síðan grill í Hvanngarðabrekku (Kvennó). Vonast er eftir góðri og almennri þátttöku við að gera þéttbýlið og dreifbýlið hreinna og fegurra.
...
Thelma Ásdísardóttir verður með opið námskeið um sjálfsmynd. Námskeiðið fer fram í Flugstöðinni á Hólmavík, mánudaginn 29. apríl kl. 16:30-18:30.
...
Jensína Andrésdóttir frá Þórisstöðum lést 18. apríl, 109 ára og 159 daga. Í janúar náði hún þeim áfanga að verða elst allra sem hafa átt heima hér á landi. Hún var í fimmta eða sjötta sæti yfir elstu íbúa á Norðurlöndum.
...
Lokahátíðin Þjóðleikur NorðVestur verður haldin hátíðleg í Félagsheimilinu á Hólmavík 30. apríl og 1. maí næstkomandi að frumkvæði Leikfélags Hólmavíkur.
Þjóðleikur er leiklistarhátíð ungs fólks sem haldin er annað hvert ár á landsbyggðinni að frumkvæði Þjóðleikhússins og í góðu samstarfi við menningarráð og marga aðra aðila á landsbyggðinni.
...
Óbyggðanefnd tók svæði 10C, sem eru Barðastrandasýslur, til meðferðar í nóvember 2018, sbr. 8. gr. þjóðlendulaga, nr. 58/1998, og veitti fjármála- og efnahagsráðherra frest til 15. febrúar 2019 til að lýsa kröfum ríkisins um þjóðlendur á svæðinu, sbr. 1. mgr. 10. gr. sömu laga.
Fresturinn var framlengdur til 15. apríl 2019 og kröfur ríkisins bárust þann dag.
Krafa ríkisins er að 2 tilgreind svæði í Reykhólahreppi verði úrskurðuð þjóðlendur og þar með ekki eignarlönd. Þau eru:
Í sóknalýsingum Barðastrandarsýslu segir m.a. um Reykhólakirkju og Hvannahlíð:
„Inn með firðinum heitir Múlahlíð, sem endar við Grjótá, en skilur Múlaland frá Hvannahlíð.
Hvannahlíð þessi heyrir til Reykhólakirkju. Áður var hún skógivaxin og bezta beitarland.
Nú er hún næstum úr sér gengin að öllu.“
Frestur til athugasemda er til 8. maí 2019.
EM-Orka ehf hefur lagt fram tillögu að matsáætlun vegna mats á umhverfisáhrifum allt að 130 MW vindorkugarðs í Garpsdal, Reykhólahreppi.
Tillagan er aðgengileg hér og hjá Skipulagsstofnun.
Allir geta kynnt sér tillöguna og lagt fram athugasemdir.
Athugasemdir skulu vera skriflegar og berast eigi síðar en 8. maí 2019 til Skipulagsstofnunar bréfleiðis eða með tölvupósti á skipulag@skipulag.is.
„Háttvirta sveitarstjórn.
Við lestur fundargerðar sveitarstjórnar frá 9. þ.m. vakna ýmsar áleitnar spurningar, sem mér finnst að þið skuldið íbúum hreppsins svör við, varðandi húsbyggingu við Hólatröð:“
Svo hefst opið bréf Guðjóns Dalkvist til sveitarstjórnar Reykhólahrepps.
...
Hér til vinstri undir flipanum laus störf eru auglýsingar um sumarstörf hjá vinnuskólanum, leiðbeinanda í sumarskólanum, störf í Grettislaug og hjá Félagsþjónustunni.
Vinnuskóli verður starfandi sumarið 2019 frá 3. júní til og með 16. ágúst, með þeim fyrirvara að næg þátttaka náist. Unnið verður í tveimur lotum. Fyrri lotan verður 3. júní - 28. júní og seinni lotan 7. ágúst.-16. ágúst.
Rétt til starfa í vinnuskólanum hafa börn fædd 2003–2006, nemendur í Reykhólaskóla skólaárið 2018-2019 og/eða með lögheimili í Reykhólahreppi.
Helstu verkefni verða sem fyrr; garðsláttur og hreinsun opinna svæða svo og lítilsháttar viðhaldsverkefni, ásamt námskeiði sem snýr að vinnumarkaðnum, samskiptaverkefnum og fegrun á umhverfi. Mikið er lagt upp úr fjölbreyttum verkefnum á hinum ýmsu sviðum til að kynna fyrir börnunum fjölbreytni vinnumarkaðirns.
Umsóknareyðublað er að finna á www.reykholar.is og á skrifstofu Reykhólahrepps. Hægt er að skila umsóknum á skrifstofuna eða senda á johanna@reykholaskoli.is. Umsóknarfrestur er til 15. maí. Athugið að foreldri eða forráðamaður þarf að undirrita umsóknina. Nánari upplýsingar í síma 698-2559/430-3200.
Vinsemd og virðing eru höfð að leiðarljósi í vinnuskólanum.
Launataxtar:
13 ára – fædd 2006 600.- kr.klst.
14 ára – fædd 2005 695.- kr.klst.
15 ára – fædd 2004 795.- kr.klst.
16 ára – fædd 2003 985.- kr.klst.
Vinnutími: 5 stundir á dag, kl. 9:00 – 14:00.
