Landeigendur telja íþyngjandi ákvæði um almannarétt innan eignarlanda í frumvarpi að stjórnskipunarlögum grafa undan þeirri vernd sem eignarrétturinn hafi notið í stjórnarskrá Íslands allt frá upphafi. Þetta kemur fram í fréttatilkynningu frá Landssamtökum landeigenda á Íslandi, þar sem fjallað er um tillögur um breytingar á stjórnarskránni.
...
Opnaður hefur verið vefur þar sem birtar eru margvíslegar upplýsingar um sameiginlegt svæðisskipulag Dalabyggðar, Reykhólahrepps og Strandabyggðar og fréttir sagðar eftir því sem verkinu vindur fram. Með gerð svæðisskipulags fyrir sveitarfélögin þrjú vilja þau festa í sessi sameiginlega framtíðarsýn á þróun svæðisins. Með því að greina tækifæri sem búa í auðlindum og sérkennum svæðisins og móta á þeim grunni markmið í atvinnumálum, samfélagsmálum og umhverfismálum og síðan skipulagsstefnu sem styður við þau, eru væntingar um að ná meiri árangri en ella þegar tekist er á við sameiginlegar áskoranir sem við blasa í byggðamálum.
...
Leikfélag Hólmavíkur frumsýnir Ballið á Bessastöðum núna á föstudag, 18. mars. Þetta er fjölskyldusýning og hluti af Barnamenningarhátíð Vestfjarða, sem stendur yfir á Hólmavík um þessar mundir. Verkið er unnið upp úr samnefndri bók Gerðar Kristnýjar en Bragi Valdimar Skúlason samdi tónlistina. Leikstjóri er Hrafnhildur Guðbjörnsdóttir. Þetta er lífleg leiksýning og ávísun á góða skemmtun fyrir fólk á öllum aldri. Leikaravalið er ekki af verri endanum, því að auk leikfélagsfólks mun hópur grunnskólanemenda stíga á svið. Hefð er fyrir því að Grunn- og tónskólinn á Hólmavík og Leikfélag Hólmavíkur leiði saman krafta sína annað hvert ár og setji á svið stórt verk í sameiningu.
...
Atkvæðagreiðsla fer nú fram meðal bænda um samninga um starfsskilyrði nautgripa- og sauðfjárræktar. Bændur eru hvattir til að kjósa rafrænt gegnum Bændatorgið. Til að það sé hægt þarf að gerast notandi að Bændatorginu gegnum island.is með eigin kennitölu. Fljótlegt er að skrá sig. Hér má finna leiðbeiningar.
...
Íslensk túnakort 1916-1929 eru meðal þeirra gagna sem voru í liðinni viku samþykkt inn á landsskrá Íslands um Minni heimsins. Hin eru kvikfjártalið frá 1703, Passíusálmar Hallgríms Péturssonar í handriti hans sjálfs og Konungsbók Eddukvæða. Kortin úr hreppunum fimm sem þá mynduðu Austur-Barðastrandarsýslu (núverandi Reykhólahreppi) eru öll frá 1920. Hér fylgir eitt sýnishorn: Túnið á Reykhólum. Fram kemur stærð túns í hekturum, stærð kálgarðs í fermetrum og hversu stór hluti túnsins hefur verið sléttaður.
...
Það vakti athygli einhverra að bíllinn þeirra Ásu og Reynis í Hólabúð á Reykhólum stóð lengi við búðina í dag, þó að yfir veturinn sé hún lokuð á sunnudögum. „Fundum tíma sem við höfðum ekkert að gera þannig við breyttum litla matarhorninu okkar smá.“
...
Þessi mynd hefði mátt fylgja fréttinni af Sæmundarhúsinu, sagði Unnsteinn Hjálmar Ólafsson (Hjalli á Grund) þegar hann sendi vefnum myndina af blaðinu sem hér fylgir (mynd nr. 2). Fyrri myndin hér er tekin upp af þessu blaði ein og sér. Báðum hefur nú verið bætt við myndahópinn með fréttinni í gær.
...
Aðalfundur Sauðfjárræktarfélags Reykhólahrepps verður haldinn í Reykhólaskóla á þriðjudag, 15. mars. Auk venjulegra aðalfundarstarfa verða veitt verðlaun fyrir bestu lambhrútana 2014. Gestur fundarins verður Lárus Birgisson ráðunautur.
...
Barðstrendingafélagið verður með hagyrðingakvöld í Konnakoti núna á mánudaginn, 14. mars. Allir eru velkomnir, hagorðir jafnt sem þeir sem eru það ekki. Fyrir þá sem vilja leggja eitthvað í púkkið má hér finna nokkra fyrri parta í tilefni dagsins (kvöldsins).
...
Elías Jónatansson bæjarstjóri í Bolungarvík hefur verið ráðinn framkvæmdastjóri Orkubús Vestfjarða, eða orkubússtjóri eins og jafnan er sagt, og tekur við starfinu í sumar. Hann tekur við af Kristjáni Haraldssyni, sem verður sjötugur á næsta ári. Orkubú Vestfjarða var stofnað árið 1978 og var Kristján ráðinn til að stjórna fyrirtækinu og hefur gert það síðan eða í hartnær 38 ár.
...
