Sumarvegurinn yfir Kollafjarðarheiði. Kort: Vegagerðin.

Kristinn Bergsveinsson frá Gufudal, sem búsettur er á Reykhólum, gamall áhugamaður um samgöngur á Vestfjörðum, vill að nýr vegur verði lagður yfir Kollafjarðarheiði. Leiðin liggur milli Laugabólsdals í Ísafirði í Inndjúpi og Fjarðarhorns í Kollafirði í Reykhólahreppi. Gamli vegurinn yfir heiðina hefur lengi verið notaður sem sumarvegur líkt og vegurinn yfir Þorskafjarðarheiði. Vegalengdin er um 21 km, þar af um tveir þriðju á láglendi.

Grettislaug á Reykhólum / Árni Geirsson.

Viðkomandi hefur umsjón með Grettislaug á Reykhólum. Starfið felst í öryggisgæslu, ráðningu starfsfólks, vaktaskipulagi, umsjón með lauginni sjálfri og fleiru. Mikilvægt er að umsækjandi hafi til að bera hæfni í mannlegum samskiptum, ríka þjónustulund, frumkvæði og sjálfstæð vinnubrögð. Umsækjandi þarf að hafa próf í skyndihjálp og hafa staðist sundpróf sundlaugavarða.

Bogi Kristinsson Magnusen byggingafulltrúi er fjarverandi vegna veikinda og verður ekki með viðverutíma á Reykhólum í dag og ekki heldur í Búðardal næstu daga. Að jafnaði er hann með viðtalstíma á Reykhólum kl. 10-15 á mánudögum.

Fermingarbörnin ásamt sr. Hildi Björk og foreldrum og einum bróður.

Ólafur Stefán Eggertsson ásamt foreldrum sínum.

Brynjar Pálmi Björnsson ásamt foreldrum sínum og systkinum.

Sr. Hildur Björk, Sandra Rún, Ólafur Stefán og Brynjar Pálmi.

Brynjar Pálmi ásamt ömmu sinni og afa á Reykhólum.

Frændsystkinin Sandra og Brynjar.

Alma á Hafrafelli, langamma þeirra Brynjars og Söndru.

Sandra Rún með systkinum sínum og foreldrum og ömmu og afa á Hamarlandi.

« 1 af 8 »

Ungmennin Brynjar Pálmi Björnsson, Ólafur Stefán Eggertsson og Sandra Rún Gústafsdóttir gengu innar, eins og það var kallað á fyrri tíð, í Reykhólakirkju í gær. Myndirnar sem hér fylgja voru teknar við það tækifæri og í fermingarveislu frændsystkinanna Brynjars og Söndru. Þetta var fyrsta fermingarathöfn sr. Hildar Bjarkar Hörpudóttur, sem tók við embætti sóknarprests í Reykhólaprestakalli fyrir skömmu.

Vegurinn yfir Bjarnarfjarðarháls. Ljósm. Jón Jónsson/strandir.is.

Nú hefur samgönguáætlun til fjögurra ára verið lögð fram á Alþingi og er hugmyndin að hún gildi fyrir árin 2015-2018. Nú er árið 2016 eins og flestir vita, en síðustu ár hafa samgönguáætlanir ekki verið afgreiddar á Alþingi þrátt fyrir að lög segi til um að slíkar áætlanir skulu samþykktar á þinginu og ávallt skuli unnið eftir áætlun í gildi.

Eitt af markmiðum búvörusamningsins um sauðfjárrækt er að efla nýliðun í greinni. Ebba Gunnarsdóttir á Barkarstöðum í Miðfirði og Kjartan Daníelsson maður hennar, sem áður bjuggu á Bakka í Geiradal, keyptu þar 800 kinda bú árið 2013. Hún óttast að samningurinn gangi gegn því markmiði.

„Þessar aðferðir hafa algerlega yfirtekið alla nautgriparækt í heiminum á innan við tíu árum. Ekki er annað að sjá en að það skili þeim kynbótum sem menn reiknuðu sig til. Til er að þjóðir þar sem frjáls flutningur er heimilaður á milli landa séu hættar með sjálfstætt kynbótamat og kaupi í staðinn naut út frá þessari erfðagreiningu,“ segir Jón Viðar Jónmundsson, búfjár- og kynbótafræðingur hjá Ráðgjafarmiðstöð landbúnaðarins, um nýja aðferð við kynbætur nautgripa.

Leikfélag Hólmavíkur frumsýndi í gærkvöldi leikverkið Ballið á Bessastöðum, sem unnið er upp úr samnefndri bók Gerðar Kristnýjar. Tónlistina samdi Bragi Valdimar Skúlason, Baggalútur og margt fleira. Þetta er lífleg fjölskyldusýning og ávísun á góða skemmtun fyrir fólk á öllum aldri.

Minnt skal á það sem hér var greint frá, að María Játvarðardóttir, félagsmálastjóri Stranda og Reykhólahrepps, er í orlofi fram til 30. mars. Venjulega er hún með viðveru á Reykhólum á mánudögum en aðra virka daga á Hólmavík.

Þessa mynd tók vegfarandi sem hefur að líkindum verið á torfærubíl.

Séð niður í Djúpafjörð / bb.is.

Lífæð fólks og fyrirtækja á sunnanverðum Vestfjörðum. Ljósm. ruv.is.

« 1 af 3 »

Flutningabíll sat fastur í drullu hátt í sólarhring á leiðinni yfir Hjallaháls og varð loksins losaður í gær. Hann var á leið upp á hálsinn Djúpafjarðarmegin með tengivagn fullan af laxi frá eldisstöðvum á sunnanverðum Vestfjörðum. Skipafélagið sem tók við laxinum frestaði brottför, sem framkvæmdastjóri Arnarlax á Bíldudal segir að ekki eigi að þurfa að gerast. Hann segir að nú sé mál að linni, stjórnvöld verði að bregðast tafarlaust við þeirri ógn sem þjóðvegir á Vestfjörðum eru við atvinnuuppbyggingu á svæðinu.