Lilja Rafney Magnúsdóttir alþm.

Fyrirtæki á Vestfjörðum eru að kaupa skerðanlega orku eða ótryggt rafmagn af OV, sem kaupir það af Landsvirkjun. Nú boðar Landsvirkjun hækkun á verði á þeirri orku umfram vísitölu og vill helst hrista af sér kaupendur slíkrar orku. Við þær aðstæður er það álitlegur kostur að virkja þá orku sem er í nýtingarflokki á Vestfjörðum. Einkarafstöðvar eru líka góð búbót fyrir fjórðunginn.

Sæmundarhúsið 9. mars 2016.

Jói í kaffi þar sem eldhúsið verður.

Svipmynd af neðri hæðinni.

Svipmynd úr risinu.

Ytra byrðið fínt og flott.

Hér má sjá tréð sem tekur að sér snjósöfnunina. Ljósm. María Maack, jan. 2016.

Sæmundarhúsið og garðurinn. Ljósm. Árni Geirsson 2010.

Sæmundarhúsið í forgrunni. Prestshúsið og Læknishúsið handan vegarins. Ljósm. Árni Geirsson 2010.

Sæmundarhúsið er ólíkt öðrum húsum á Reykhólum. Ljósm. Árni Geirsson 2010.

Sæmundur Björnsson við tilraunastörf. Mynd frá Unnsteini á Grund.

Mynd frá Unnsteini Hjálmari Ólafssyni á Grund.

« 1 af 11 »

Vinnu smiða og annarra iðnaðarmanna í Sæmundarhúsinu á Reykhólum (Hellisbraut 14) miðar vel. Halldóra Játvarðardóttir (Lóa á Miðjanesi) keypti þetta gamalkunna hús af Norðursalti í byrjun júní á síðasta ári og hyggst flytjast þangað þegar verkinu lýkur einhvern tímann með vorinu. „Barnabörnin spyrja nú hvað ég ætli að gera á Reykhólum, þeim finnst það einhvern veginn ekki passa,“ segir hún. Norðursalt keypti Sæmundarhúsið undir árslok 2013 og hugðist nota það fyrir starfsfólk. Ekki varð af því, og var húsið sett á sölu rúmu ári seinna. Þá var ytra byrðið frágengið og búið að rífa allt innan úr húsinu. „Það var eiginlega ekkert nema útveggirnir,“ segir Lóa.

Íbúum Reykhólahrepps fækkaði um einn á síðasta ári, samkvæmt endanlegum mannfjöldatölum 1. janúar 2016 sem Hagstofan birti í morgun. Á Reykhólum fjölgaði um þrjá en í dreifbýlinu fækkaði um fjóra. Í Reykhólahreppi voru íbúarnir 267 um síðustu áramót en voru 268 þann 1. janúar 2015. Karlar voru 139 (fjölgaði um tvo) en konur voru 128 (fækkaði um þrjár). Á Reykhólum voru íbúarnir 135 um síðustu áramót en voru 132 þann 1. janúar 2015. Karlar voru 71 (fjölgaði um fjóra) en konur voru 64 (fækkaði um eina).

Veðurstofan spáir suðaustan 13-18 með slyddu eða snjókomu í nótt við Breiðafjörð en suðvestan 23-30 og éljum seint á morgun. Á sunnudag er gert ráð fyrir suðaustan 18-23 og talsverðri eða mikilli rigningu og 5 til 10 stiga hita. Á mánudag er spáð sunnan og suðvestan 13-20 og víða rigningu og hita víða vel yfir frostmarki. Á þriðjudag er gert ráð fyrir suðaustan hvassviðri með rigningu. Það er vissara að fylgjast með niðurföllum og gera viðeigandi ráðstafanir þar sem vatnsveðrið er viðvarandi, segir á vef Veðurstofunnar.

Vegna slæms veðurútlits hefur opnum fundum dr. Karls Gunnarssonar líffræðings og veitingum í boði Þörungaverksmiðjunnar, sem vera áttu á Reykhólum á morgun, verið frestað um fjórar vikur eða til 9. apríl.

„Í tilefni Mottumars og umræðu um blöðruhálskirtilskrabbamein vil ég benda á myndskeið sem eru á vef Krabbameinsfélags Íslands, þar sem farið er vel í einkenni þessa sjúkdóms. Þarna er að finna mjög góða fræðslu og góðar leiðbeiningar um þennan illvíga sjúkdóm. Ég hvet alla karlmenn yfir 50 ára til að skoða þetta,“ segir Jóna Valgerður Kristjánsdóttir í Mýrartungu, formaður Krabbameinsfélags Breiðfirðinga.

Klóþang (ascophyllum nodosum).

Minnt skal á fyrirlestrana sem dr. Karl Gunnarsson, sérfræðingur í þangi og þara hjá Hafró, flytur á Reykhólum á laugardag. Annars vegar fjallar hann um líffræði sjávargróðurs og nytjar hans á Íslandi um aldir. Hins vegar mun hann fjalla um þær rannsóknir á þangi og þara sem eru í undirbúningi í Breiðafirði á næstu árum og tengjast auknum áhuga á nýtingu sjávargróðursins. Þær rannsóknir eiga að hefjast núna í vor. Fyrirlestrarnir verða í borðsal Reykhólaskóla og öllum opnir. Þörungaverksmiðjan býður gestum í kjötsúpu um klukkan 12 og fyrri fyrirlesturinn hefst síðan um klukkan 13.

Breiðfirðingabúð við Faxafen.

Allir eru velkomnir á páskabingó Breiðfirðingafélagsins sem verður kl. 14.30 núna á laugardag, 12. mars, í Breiðfirðingabúð, Faxafeni 14 í Reykjavík. Spjaldið kostar 400 krónur, fjögur spjöld 1.200 krónur.

Blótsnefndin 2016 á fundi: Inga Birna, Gústi, Ólafía, Bekka, Jóhanna, Bjössi, Einar og Jens.

Þorrablótsannálar eru jafnan endurlit, revíur, yfir liðið ár í héraði; einkum er þar litið til hinna skoplegri viðburða og skopast að hinu og þessu sem átti hreint ekki að vera skoplegt. Þorrablót Reykhólahrepps 2016 var haldið í íþróttahúsinu á Reykhólum 23. janúar, annan dag þorra. Höfundur og flytjandi magannálsins að þessu sinni var Sveinn á Skálanesi en leikin atriði og myndskeið voru ívaf.

Ef veðurspár Einars Sveinbjörnssonar hjá Veðurvaktinni ganga eftir má vænta töluverðs vatnselgs næstu daga. Mikilvægt er að búa sig vel undir hann. Í nótt spáir hann að það hláni. Talsvert muni rigna í byggð fram eftir morgundeginum, einkum sunnan til á Vestfjörðum. Leysingin komi til með að ná upp fyrir miðjar fjallshlíðar og hiti á láglendi verði um fimm stig. Hlákan verði snörp og síðan kólni aftur á föstudag með nýjum snjó í SV-átt. Um helgina hlýni síðan aftur með ákveðinni S-átt og rigningu á köflum. Reiknað er með umtalsverðri leysingu vel fram yfir helgina, þar sem snjó og klaka mun taka nokkuð hratt upp í byggð.