Lukka úr Sviðnum, smíðuð 1880.

Faðir minn var skemmtilegur frásagnarmaður. Oft fékk ég að vera nærstaddur þegar karlarnir komu saman og ræddu landsins gagn og nauðsynjar. Skemmtilegast þótti mér þegar sögumenn eins og Sveinn Gunnlaugsson, Sveinbjörn Guðmundsson og jafnvel Pétur sterki Einarsson sátu að skrafi við föður minn. Slík samtöl svo og lifandi frásagnir pabba og ömmu urðu þess valdandi, að mér finnst ég hafa þekkt nafngreindar persónur fyrri aldar eins vel og nágranna okkar úr hinum eyjunum. Þess vegna er þessi kafli úr sögu Lukku, sem fjallar um áhlaupsveður á Bjarneyjamiðum, lifandi í minni mínu vegna frásagnar hans. Mér fannst lengi líkt og ég hefði sjálfur verið viðstaddur.

Ferðamálastofa býður til funda vegna Þróunarverkefnis um endurskoðun upplýsingaveitu til ferðamanna (sjá dagskrá hér neðst). Einn þessara funda verður á Hólmavík á laugardag. Verkefnið er á forræði Ferðamálastofu og verkefnisstjóri þess Hrafnhildur Ýr Víglundsdóttir, verkefnastjóri svæðisbundinnar þróunar. Verkefni þetta er unnið samkvæmt nýjum vegvísi og eru markmið þess:

« 1 af 4 »

Jæja, hver „missti“ rollu í sjóinn? Þessa rak á land fyrir utan Gilsfjarðarbrú. Við þekkjum nú ekki „markið“ á henni, en þetta er ekki í fyrsta sinn sem þarna rekur rollu einmitt með þessu „marki“, segir Signý Magnfríður Jónsdóttir (Magga) á Gróustöðum við Gilsfjörð.

Einar Kristinn Guðfinnsson.

Full ástæða er til bjartsýni eftir upplýsandi og fróðlegan fund um framtíðarsýn raforkumála á Vestfjörðum, sem haldinn var í Edinborgarhúsinu á Ísafirði í gær. Fram kom almenn samstaða um að vinna að framgangi virkjanakosta. Og athyglisvert er, að svo virðist sem þeir möguleikar til virkjana sem næstir eru okkur í tíma séu býsna óumdeildir. Það er auðvitað ekki sjálfsagt að svo sé þegar um virkjanamál er að ræða, eins og við þekkjum, og er því mikið fagnaðarefni.

Aðalfundur Kvenfélagsins Kötlu verður haldinn í matsal Reykhólaskóla á mánudag, 14. mars, og hefst kl. 20.30. Kaffi á könnunni og veitingar að hætti stjórnar. Fráfarandi stjórn vill nota tækifærið og þakka félagskonum fyrir gleðistundir og ánægjulegt samstarf í stjórnartíð sinni.

Nýju búvörusamningarnir eru kynntir á fundum um allt land þessa dagana og gefst þar bændum kostur á að ræða niðurstöður samninganna við forystumenn bænda. Fundir verða í Sævangi á Ströndum kl. 12 á morgun, miðvikudag, og í Dalabúð í Búðardal kl. 20.30 annað kvöld.

Þörungaverksmiðjan / ÁG 2013.

Það er ófrávíkjanleg krafa okkar, ófrávíkjanleg sanngirniskrafa, að tekið verði tillit til sérstöðunnar og samfélagsins hér, sem hefur byggst kringum öflun og nýtingu þangs og þara í 40 ár. Það væri algjörlega óábyrgt að gera það ekki og grafa þar með undan því sem hér hefur verið unnið og þeirri uppbyggingu sem átt hefur sér stað á Reykhólum.

Naut af stofninum Aberdeen Angus. Mynd: Shadwell Estates Aberdeen.

Stefnt er að því að fósturvísar úr norskum holdanautum verði settir í kýr á nýrri einangrunarstöð á Stóra-Ármóti í Flóa í sumar. Ef það tekst má búast við að kjötið af fyrstu sláturgripunum af hinum nýja stofni komist á markað eftir 5-6 ár. Landssamband kúabænda (LK) hefur pantað frá Noregi fósturvísa af hreinræktuðu Aberdeen Angus-kyni.

Á síðasta ári var framleiðsla mjólkur umfram markaðsþarfir innanlands og verulegt tap á rekstri Mjólkursamsölunnar. Fyrstu vikur þessa árs hefur mjólkurframleiðslan verið enn meiri en í fyrra og getur því stefnt í enn meiri vanda á þessu ári. „Skilaboðin sem við fáum er að gera verði eitthvað til að koma á meira jafnvægi milli framboðs og eftirspurnar á mjólkurvörum. Menn eru hins vegar ekki sammála um eina leið,“ segir Egill Sigurðsson, bóndi á Berustöðum og formaður stjórnar Mjólkursamsölunnar.

Ýmis borðspil verða í boði á spilakvöldi í matsal Reykhólaskóla sem hefst kl. 19 annað kvöld, mánudag. Þar verður líka farið yfir undirstöðuatriðin í spilunum forseta og skítakalli. Enginn aðgangseyrir og allir velkomnir.