Aðalfundur Sauðfjárræktarfélags Reykhólahrepps verður haldinn í matsal Reykhólaskóla þriðjudaginn 31. mars 2015 og hefst kl. 13. Auk venjulegra aðalfundarstarfa verður á dagskránni afhending verðlauna fyrir bestu lambhrútana 2014. Gestir fundarins verða Lárus Birgisson ráðunautur og Gísli Sverrir Halldórsson dýralæknir.
...
Hólabúð á Reykhólum var opnuð kl. 13 í dag og lauk þar með verslunarleysi í héraðinu sem staðið hefur frá áramótum. Ingibjörg Birna Erlingsdóttir sveitarstjóri mætti á slaginu þegar opnað var og færði verslunareigendunum Ásu Fossdal og Reyni Þór Róbertssyni blómvönd og óskaði þeim velfarnaðar. Í tilefni dagsins blakti íslenski fáninn við hún bæði hjá búðinni og við Stjórnsýsluhúsið á Reykhólum.
...
Þæfingarnámskeið verður haldið á Sauðfjársetrinu á Ströndum núna á laugardag, 28. mars. Leiðbeinandi verður Margrét Steingrímsdóttir. Námskeiðið er 4 klukkustundir (kl. 11-15) og bæði fyrir byrjendur og lengra komna. Kostnaður er kr. 14.000 og allt efni innifalið. Skráning er hjá Ester í síma 693 3474. Margrét var líka með námskeið á setrinu í fyrravetur við góðar undirtektir.
...
Síðasti vinnudagur Sóleyjar Vilhjálmsdóttur í Króksfjarðarnesi hjá Landsbankanum var í dag, en hún er komin á aldur, eins og kallað er. Hún hafði þá unnið við bankastörf í héraðinu samanlagt á fjórða áratug, eða allt frá 1981. Þá byrjaði hún í útibúi Samvinnubankans í Króksfjarðarnesi, sem stofnað hafði verið tæpum áratug fyrr.
...
Tónlistarhátíðin Eistnaflug sem haldin er í Neskaupstað ár hvert hlaut í gær Menningarverðlaun DV í flokki tónlistar, en að hátíðinni stendur fyrirtæki með því viðeigandi heiti Millifótakonfekt ehf. Eistnaflug hefur fyrir löngu unnið sér sess sem ein áhugaverðasta tónlistarhátíðin hérlendis og á hverju sumri síðasta áratuginn hafa rokkhundar og metalhausar fjölmennt á Neskaupstað. - En hvers vegna er verið að skrifa um þetta frétt á Reykhólavefinn?
...
Afgreiðsla Landsbankans á Reykhólum fellur niður á miðvikudaginn í næstu viku, þann 1. apríl. Hún verður hins vegar eins og venjulega á morgun, miðvikudaginn 25. mars.
...
Félagi eldri borgara í Dalabyggð og Reykhólahreppi er boðið í heimsókn á Byggðasafn Dalamanna að Laugum í Sælingsdal kl. 13.30-16 núna á fimmtudag, þann 26. mars. Þar verður stutt leiðsögn um safnið og sögustund. Á eftir er kaffi og með því á vegum félagsins og kostar það 500 krónur. Þetta má telja gott tækifæri að heimsækja safnið í góðum félagsskap.
...
Smíðavinnustofan á vegum félagsþjónustunnar, sem vera átti á hefðbundnum tíma í smíðastofu Reykhólaskóla kl. 14.30-17.30 á morgun, þriðjudag, færist yfir á sama tíma á fimmtudaginn. Ástæða þessa er fjarvera Rebekku Eiríksdóttur umsjónarmanns vegna Stóru upplestrarkeppninnar á Drangsnesi.
...
Frá því land byggðist hafa forfeður okkar goldið varhug við refnum og það ekki að ófyrirsynju, enda mikill skaðvaldur í sauðfé og nytjafuglastofnum. Fljótlega eftir að fyrsti og eini veiðistjórinn sem bar það nafn með rentu, Sveinn Einarsson frá Miðdal, hafði safnast til feðra sinna, var lögum breytt í þá veru að líffræðingur ætti að sitja í þessum stól og gengið var ítrekað fram hjá reyndum og fyrirtaks hæfum veiðimönnum. Embættið breyttist í veiðikortaútgáfu og að sjá til þess að kjör grenjaskyttna hjá sveitarfélögum yrðu sem hraklegust. Jafnframt var sá áróður rekinn, bæði varðandi ref og mink, að því fleiri dýr af þessu tagi sem drepin væru, því meir stækkuðu stofnar þeirra. Að þessu gerðu varð veiðistjóraembættið sjálfdautt, og það engum harmsefni.
...
Staðfest hefur verið að E. coli bakteríur voru í einu neysluvatnssýni sem tekið var á Reykhólum í síðustu viku. Nýtt sýni verður tekið í dag, mánudag, og þegar niðurstaða úr því liggur fyrir þarf að taka ákvörðun um leiðbeiningar um vatnssuðu sem varúðarráðstöfun, segir Anton Helgason, framkvæmdastjóri Heilbrigðiseftirlits Vestfjarða. Sama er að segja um vatnssýni sem tekið var á Drangsnesi.
...
