Sigurbjörg Sæmundsdóttir (Bogga), Merkigerði 21, Akranesi, áður Hamarlandi í Reykhólasveit, lést á Hjúkrunar- og dvalarheimilinu Barmahlíð á Reykhólum föstudaginn 9. janúar. Útförin fer fram frá Akraneskirkju núna á föstudag 16. janúar kl. 14.
...
Opnum fundi um Sóknaráætlun Vestfjarða 2015-2019, sem halda átti á Hólmavík kl. 15 í dag, hefur verið frestað vegna illviðris og ófærðar. Hér er um að ræða stefnumótunarvinnu í samræmi við fyrirhugaðan samning ríkisins og sveitarfélaganna um þetta efni.
...
Þorrablótið árvissa á Reykhólum verður haldið í íþróttahúsinu annan laugardag, 24. janúar. Lionsfélagar sjá um matinn en KK-bandið leikur fyrir dansi. Aldurstakmark 18 ár. Húsið opnað kl. 20. Borðhaldið hefst kl. 20.30 stundvíslega. Miðapantanir hjá Guðrúnu í síma 426 8625 eða 865 5237 og Lóu í síma 434 7715 eða 869 8713 fyrir kl. 22 þriðjudaginn 20. janúar. Miðaverð:
...
Göngu- og skokkhópurinn á Reykhólum sem Jóhanna Ösp Einarsdóttir tómstundafulltrúi í Kaplaskjóli í Fremri-Gufudal leiðir „hóf göngu sína“ (ef svo má segja) núna undir kvöld. Veður var nokkuð hvasst og hiti við frostmark og hált undir fæti en mannskapurinn var vel búinn og naut sín hið besta. Framvegis verður gengið og skokkað á mánudögum og fimmtudögum kl. 17.30 og allir velkomnir þó að þeir hafi ekki verið með núna í fyrsta skiptið.
...
Reykhólahreppur auglýsir laust til leigu um 70 fermetra húsnæði undir rekstur verslunar á Reykhólum. Reksturinn þarf að vera í samráði við N1 sem á kassakerfi verslunarinnar og eldsneytissjálfsala við húsið.
...
Skipulagsstofnun kynnir auglýsta tillögu að Landsskipulagsstefnu 2015-2026 á opnum fundi í Háskólasetri Vestfjarða á Ísafirði kl. 12.30-14.30 á miðvikudag, 14. janúar. Auk þess sem tillagan verður kynnt verður fjallað sérstaklega um framfylgd landsskipulagsstefnu í skipulagsgerð sveitarfélaga, svo sem við endurskoðun aðalskipulags. Jafnframt verður bein útsending frá kynningu í Reykjavík 29. janúar kl. 15-17 og má sjá hana á heimasíðu Skipulagsstofnunar.
...
Kominn er út bæklingur með upplýsingum um hið margháttaða tómstunda- og félagsstarf sem er á döfinni á Reykhólum á næstunni og fram á vor. Nefna má íþróttir fyrir unga jafnt sem eldri, viðfangsefnin í Félagsmiðstöðinni Skrefinu, vinnustofu í útskurði, föndur fyrir eldra fólk, viðburði og fundi á vegum félaga og samtaka af ýmsu tagi og barnastarfið í Reykhólakirkju.
...
Sveitarstjórn Reykhólahrepps samþykkti á fundi sínum í gær að auglýsa eftir rekstraraðila til að taka að sér rekstur matvöruverslunar að Hellisbraut 72 á Reykhólum. Jafnframt fól sveitarstjórn oddvita og sveitarstjóra að ganga til samninga við eigendur Hólakaupa um kaup á tækjum og búnaði sem nauðsynlegur er til áframhaldandi reksturs verslunar á Reykhólum. Verslunarhúsið sjálft er í eigu Reykhólahrepps.
...
Erindi frá Aldísi Elínu Alfreðsdóttur á Reykhólum varðandi tónlistarkennslu á Reykhólum var lagt fram á fundi sveitarstjórnar Reykhólahrepps í gær. Þar var bókað og samþykkt samhljóða: Sveitarstjórn tekur vel í erindið og vísar því til mennta- og menningarmálanefndar til frekari meðferðar. Erindi Aldísar er svohljóðandi:
...
„Rekstur verslunar á Reykhólum“ er fyrsti liður á dagskránni á fundi sveitarstjórnar Reykhólahrepps sem hefst kl. 15.30 í dag. Það hefur a.m.k. ekki farið framhjá heimafólki, að núna er engin verslun í héraðinu lengur. Næstu búðir eru á Hólmavík (58 km frá Reykhólum) og í Búðardal (75 km frá Reykhólum).
...
