Glatt á hjalla í matstofunni á Reykhólum. T.v. eru frumkvöðlarnir Garðar Stefánsson og Søren Rosenkilde. Ljósm. Norður & Co.

„Þetta er aldagömul aðferð sem er notuð við að búa til sósuna. Í hana er notaður feitur og olíukenndur fiskur, oft sardínur eða makríll eins og við notum. Þetta var mikið gert við Miðjarðarhaf og mjög vinsælt hjá Forn-Grikkjum og Rómverjum. Garumið var gert þannig að fiskurinn var lagður í pækil í kerjum, eða sérstökum Garum-stöðvum, og hann síðan látinn rotna. Fiskurinn rotnar öðruvísi í saltpæklinum heldur en við venjulega rotnun, því salt var og er auðvitað notað til að varðveita mat. Við rotnun í saltpækli brotna niður ákveðin ensím og þá kemur þetta sérstaka bragð sem var mjög vinsælt á tímum Forn-Grikkja og Rómverja.“

Símenntunarmiðstöðin á Vesturlandi gengst fyrir vinnusmiðju (námskeiði) í gerð styrkumsókna í Leifsbúð í Búðardal föstudaginn 23. janúar kl. 13-16. Þar verður farið yfir undirstöðuatriði í gerð umsókna um styrki í innlenda sjóði. Farið verður yfir undirbúning fyrir umsóknir og hvernig styrkumsóknir eru ritaðar. Að vinnusmiðjunni lokinni gefst þátttakendum kostur á skrifa umsókn og skila til leiðbeinanda innan 14 daga. Leiðbeinandi fer yfir umsóknina, rýnir hana og sendir til baka með upplýsingum um hvað var gott og hvað má bæta.

Lilja Rafney Magnúsdóttir.

Einn góðan veðurdag er staðan sú, að sjávarþorpin, sem iðuðu af mannlífi og nægri atvinnu, standa frammi fyrir því að þaðan megi ekki stunda sjósókn lengur, fiskvinnsla leggst af og þjónustuaðilar hverfa og opinber starfsemi fjarar út smátt og smátt. Búið er að mergsjúga allt fjármagn í burtu svo að þeir sem eftir sitja hafa ekkert fjármagn né lánstraust til þess að skapa sér atvinnu eða gera eitthvað annað. Þannig birtist hinn kaldi veruleiki einu þorpi í dag og öðru á morgun og enginn veit hver verður næstur.

Ljósm. Ferðamálastofa.

Ferðamálastofa, Ferðafélag Íslands og Útivist standa fyrir ráðstefnu um ferðagönguleiðir fimmtudaginn 5. mars. Ráðstefnan verður haldin í sal Ferðafélags Íslands, Mörkinni 6, og stendur kl. 13-17. Þar verður fjallað um framtíðarskipulag og þróun lengri gönguleiða og er endanleg dagskrá í vinnslu. Meðal framsögumanna verður Lukas Stadtherr frá Swiss Mobility, en sú stofnun hefur það hlutverk að þróa landsnet ferðaleiða í Sviss. Verkefnið hófst 1993 og nú er í Sviss vel þróað net göngu-, hjóla-, línuskauta- og kanóleiða. Gísli Rafn Guðmundsson mun kynna verkefnið „Þjóðstígar á Íslandi“.

Ísland er með‘etta var þriggja ára markaðsátak til að hvetja Íslendinga til frekari ferðalaga um landið árin 2012-2014. Verkefnið var í eigu markaðsstofa landshlutanna og unnið í samstarfi við Ferðamálastofu. Þar eð verkefninu er nú lokið verður vefsíðan www.islandermedetta.is tekin niður um næstu mánaðamót (jan/feb 2015) og hafa þátttakendur svigrúm fram til 30. janúar til að afrita efnið sitt á vefnum.

Skrifstofa Reykhólahrepps verður lokuð á morgun, föstudaginn 16. janúar. Ef nauðsyn þykir verður þó hægt að hafa samband við sveitarstjóra í síma 896 3629.

Markaðsstofur landshlutanna gangast fyrir vinnufundinum Mannamóti fyrir samstarfsfyrirtæki sín 22. janúar kl. 11-17 í flugskýli Flugfélagsins Ernis á Reykjavíkurflugvelli. Fundurinn er hugsaður sem vettvangur til kynningar á ferðaþjónustu á landsbyggðinni og tækifæri til að koma á fundum fagaðila í greininni. Tilgangurinn er að kynna fyrirtæki á landsbyggðinni fyrir ferðaþjónum á höfuðborgarsvæðinu og koma á tengslum. Gestum gefst kostur á kynna sér það sem landshlutarnir hafa að bjóða með áherslu á vetrarferðamennsku. Skráningu lýkur núna á föstudag.

Vegna veikinda er héraðsbókasafnið á Reykhólum lokað í dag, miðvikudag.

Fyrsti miðvikudagshittingur Handverksfélagsins Össu á nýju ári verður í Vogalandi í Króksfjarðarnesi kl. 20 annað kvöld, miðvikudag 14. janúar. Síðan er ætlunin að hittast hálfsmánaðarlega á sama stað og tíma.

Af heimasíðu Dale Carnegie.

Símenntunarmiðstöðin á Vesturlandi vekur athygli á fríu Dale Carnegie námskeiði í Búðardal, sem ber yfirskriftina Örugg framkoma. Það verður haldið í Auðarskóla miðvikudagskvöldið 21. janúar og hefst kl. 18. Leiðbeinandi verður Unnur Magnúsdóttir, eigandi Dale Carnegie á Íslandi.