Hálka í Reykhólasveit.

Á sama stað eftir asahláku.

Hvað segja menn um þetta?

Ólafur Einir Smárason á ljósum prýddri gröfunni rétt ofan við Geiradalsána.

Oft er grafa, nú var nauðsyn.

« 1 af 5 »

Myndirnar sem hér fylgja tók Sveinn Ragnarsson á Svarfhóli í Geiradal í Reykhólahreppi hinum nýja. Myndir nr. 1 og 2 tók hann á sama stað af þjóðveginum með réttu sólarhringsmillibili í gær og í dag. Þar má sjá hversu fljót hálkan er blessunarlega fljót að hverfa með asahlákunni. Mynd nr. 3 tók hann af „dálitlum“ vatnavöxtum í Geiradalnum. Þarna eru skurðir undir. Og Sveinn spyr: Hvaða eðlisfræðilögmál ræður því að vatnið stendur hærra en landið í kring?

Hugrún og Sigurvin og dæturnar.

Frásögnin á baksíðu DV.

« 1 af 2 »

Í gær voru þrjátíu ár liðin frá slysinu hörmulega þegar Sigurvin Helgi Baldvinsson á Gilsfjarðarbrekku fórst í bílslysi í Gilsfirði. Hann var rétt liðlega þrítugur. Með honum í bílnum voru Hugrún Einarsdóttir eiginkona hans, 23 ára, og dætur þeirra tvær, Sigríður Magnea, fimm ára, og Ólafía, þriggja ára. Þær mæðgurnar köstuðust út úr bílnum á leiðinni niður snarbratta brekkuna en Sigurvin fór með honum alla leið niður í fjöru og mun hafa látist samstundis. Þessi atburður er enn í fersku minni fólksins í héraðinu þó að liðnir séu þrír áratugir.

Ferðalangar sem komu við og tóku bensín. Mynd frá sumrinu 2011.

„Fulltrúar Kaupfélags Steingrímsfjarðar skoðuðu nú í desember þann möguleika að reka hér útibú eftir áramót, en gáfu afsvar núna á laugardaginn. Þar með er lokið tilraunum okkar til að selja reksturinn og lokun blasir við,“ segir Eyvindur Svanur Magnússon, kaupmaður í Hólakaupum á Reykhólum. „Við Ólafía viljum þakka viðskiptavinum okkar í gegnum tíðina, einnig því starfsfólki sem starfað hefur með okkur. Við vonum að búð verði opnuð hér á ný.“

Flugeldasala Björgunarsveitarinnar Heimamanna í Reykhólahreppi, sem er eins og venjulega í húsi sveitarinnar að Suðurbraut 5 á Reykhólum (beint á móti gámasvæðinu), verður opin fyrir þessi áramót sem hér segir:

Stebbi á Seljanesi á leið á Reykhóladaga - á forntraktor að hefðbundnum hætti.

Stefán Hafþór Magnússon á Seljanesi í Reykhólasveit er fimmtugur núna á þriðjudag, 30. desember. Af því tilefni verður opið hús fyrir gesti og gangandi á Seljanesi annað kvöld, mánudagskvöld, eftir klukkan 20. Búið að baka og hvaðeina.

Minnt skal á nokkur atriði sem hér hafa áður komið fram. Heilsugæslan á Reykhólum verður lokuð á morgun, mánudaginn 29. desember. Afgreiðsla Landsbankans á Reykhólum verður opin á morgun. Skrifstofa Reykhólahrepps er lokuð milli jóla og nýárs og fram til 5. janúar. Verslunin Hólakaup verður opin til kl. 17 á gamlársdag, en þá verður rekstri hennar hætt. Sjá nánar hér og líka varðandi afgreiðslutíma í Grettislaug á Reykhólum og á Héraðsbókasafni Reykhólahrepps.

Um jólin 1951 var haldin barnaskemmtun á Reykhólum og Sigfús Halldórsson tónskáld fenginn til að leika jólasvein. „Þá varð ég heldur betur var við að Litla flugan var auðlærð,“ sagði hann seinna í viðtali. „Ég var ekki búinn að syngja hana nema einu sinni þegar allir krakkarnir sungu hana með mér.“ Sigfús hefur sagt að lagið hafi verið sungið „fram og aftur og út á hlið, liggur mér við að segja, og ég vænti þess, að hún hafi svipt einhverjum skammdegisdrunga á brott.“

« 1 af 11 »

Nemendur í fimmta til tíunda bekk í Reykhólaskóla æfðu sig núna rétt fyrir jólin í því að leggja á borð með hátíðarbrag. Myndirnar hér eru nokkrar af mun fleiri sem er að finna á Facebooksíðu skólans. Nema mynd nr. 11, sem er fengin af bloggsíðu skrautskriftarkennarans góðkunna Jens Kr. Guðmundssonar. Hann segir og flækir ekki málin frekar venju: Til að leggja snyrtilega á borð þarf aðeins tommustokk og snærispotta. Með tommustokknum er passað upp á að nákvæmlega sama bil sé á milli allra diska, glasa og hnífapara. Það má ekki skeika hálfum sentimetra. Með spottanum er þess gætt að borðbúnaðurinn sé í beinni röð. Þaðan er komið orðið þráðbeint.

„Þetta er stór hugmynd og dásamlegt ef hún getur orðið að veruleika,“ segir Svanhildur Sigurðardóttir, eigandi SjávarSmiðjunnar á Reykhólum við Breiðafjörð. Sveitarstjórn Reykhólahrepps hefur samþykkt deiliskipulag fyrir heilsuspa við sjóinn sem mun bera nafnið Sjávarböðin. SjávarSmiðjan var opnuð sumarið 2011, en þar er boðið upp á þaraböð þar sem blandast saman gæðavottað þaramjöl frá Þörungaverksmiðjunni og heita hveravatnið á Reykhólum. Svanhildur segir að frá upphafi hafi verið draumurinn að bjóða upp á frekari líkamsmeðferðir. Í því skyni keypti hún 324 hektara land sem nær allt frá syðstu þéttbýlismörkum Reykhóla niður að sjó við Karlsey, þar sem hún stefnir á að reisa heilsuspa. „Þetta er allt á byrjunarstigi en það eru ákveðin tímamót að deiliskipulagið hafi verið samþykkt,“ segir hún.

Veðurstofan gerir ráð fyrir suðaustan kalda eða stinningskalda (8-13 m/sek) og snjókomu við Breiðafjörð fyrri hluta dags á morgun, jóladag, en hægari suðvestanátt og éljum um kvöldið. Annan í jólum má búast við hægri vestlægri eða breytilegri átt og éljagangi. Á laugardag (þriðja í jólum) er spáð vaxandi norðaustanátt og léttskýjuðu. Gert er ráð fyrir nokkru frosti fram á helgi en hlýnandi veðri og rigningu á mánudag og þriðjudag. Fyrir fáeinum dögum var langtímaspáin fyrir annan og þriðja í jólum talsvert leiðinleg en síðan hefur hún lagast mjög.