Annað í röðinni af þremur jóla- og villibráðarkvöldum í Bjarkalundi að þessu sinni verður núna á laugardag. Að sögn Kollu hótelstýru er aðsóknin góð en einhverjir hafa þó hætt við vegna ótta við slæmt veður. Núna um hádegi á fimmtudegi er veðurspáin vel þokkaleg fyrir laugardagskvöldið. Auka-jólahlaðborð var í Bjarkalundi í fyrradag fyrir eldri borgara í Barmahlíð á Reykhólum, Silfurtúni í Búðardal og á Fellsenda í Dölum.

Maí: Kríuungi.

September: Eyjafé að koma í land.

Nóvember.

« 1 af 3 »

Kvenfélagið Katla í Reykhólahreppi er að gefa út dagatal með litmyndum úr héraðinu. Jafnframt er félagið að gefa út á ný matreiðslubókina geysivinsælu sem kom út fyrir tveimur árum og seldist þá upp.

Notuð 500 lítra frystikista í eigu Reykhólahrepps er til sölu, 155 x 70 cm á kant. Tilboð óskast. Líka er ýmislegt leirtau í boði. Upplýsingar gefur Steinar Pálmason matráður Reykhólahrepps í síma 843 9443.

Fræðsluerindi um einelti, forvarnir og úrvinnslu eineltismála verður flutt í Félagsheimili Hólmavíkur síðdegis á morgun, fimmtudag, kl. 16.30-18. Fyrir erindinu stendur Æskulýðsvettvangurinn, samstarfsvettvangur Ungmennafélags Íslands, Bandalags íslenskra skáta, KFUM og KFUK á Íslandi og Slysavarnafélagsins Landsbjargar. Kolbrún Baldursdóttir sálfræðingur flytur fyrirlestur byggðan á nýútkominni bók sinni, EKKI MEIR, sem er leiðarvísir í aðgerðum gegn einelti fyrir starfsfólk skóla, íþrótta- og æskulýðsfélög, foreldra og börn.

Jón Þórisson og Sigurbjörn Svavarsson.

„Svarið við þeirri kreppu sem nú er í stjórnmálum um allan heim er ný hugsun um stjórn samfélagsins. Opið stjórnkerfi, valddreifing og raunverulegt lýðræði í ákvarðanatöku um sameiginlega hagsmuni. Besta leiðin til þess að koma í veg fyrir spillingu og sérhagsmunagæslu í þágu afmarkaðra valdahópa er raunveruleg dreifing valdsins, bæði í stjórnsýslu og viðskiptum.“

Einar Kristinn Guðfinnsson.

„Þannig birtist veruleikinn okkur. Baráttan fyrir því að opinber störf séu staðsett utan höfuðborgarsvæðisins er sífelld og ströng. Kerfið malar hins vegar allt í hina áttina. Opinber störf eru sett niður með býsna sjálfvirkum hætti á höfuðborgarsvæðinu, án þess að menn fái þar rönd við reist. Og jafnvel þau störf sem þegar hafa verið staðsett á landsbyggðinni eru í sífelldri hættu gagnvart kröfum um að leggja þau niður eða flytja þau burt af landsbyggðinni.“

Kristinn H. Gunnarsson.

„Vestfirðingar eru engir þurfalingar á þjóðarbúinu, þeir eiga ekki að þurfa að betla fé til lífsnauðsynlegra vegaframkvæmda. Það er öðru nær, þeir hafa í mörg ár verið hlunnfarnir um sinn hlut af arðinum af fiskimiðunum. Miðað við verðlagningu LÍÚ á kvótanum sem útgerðarmenn hafa samþykkt með kaupum og leigu, þá skuldar þjóðarbúið Vestfirðingum og Breiðfirðingum ekki undir 50 milljörðum króna fyrir afnotaréttinn síðan framsalið var heimilað. Það er komið að því að sækja það sem okkur ber.“

Félagsvist verður spiluð í Sævangi á Ströndum núna á fimmtudagskvöldið, en hún er hluti af þriggja kvölda keppni sem fer fram næstu vikur á vegum Sauðfjárseturs á Ströndum. Fyrsta kvöldið er fimmtudaginn 22. nóvember, annað kvöldið fimmtudaginn 6. desember og þriðja kvöldið fimmtudaginn 13. desember. Spilamennskan hefst kl. 20 öll kvöldin.

Jólamarkaður verður haldinn í Kaupfélaginu í Króksfjarðarnesi kl. 13-17 laugardagana 24. nóvember og 1. desember. Á boðstólum verða handunnir munir, kerti, greni og margt fleira. Auk þess verður þar kaffi- og vöfflusala.

Vestfirska forlagið verður með dagskrár bæði á laugardag og sunnudag á „bókamessunni“ í Ráðhúsi Reykjavíkur um helgina. Á laugardag kl. 14-15 verður í Kaffihúsinu í Ráðhúsinu dagskrá sem ber yfirskriftina Mishlýjar örsögur að vestan og á sunnudag kl. 13 hefst í matsalnum á 1. hæð dagskrá þar sem lesið verður úr nokkrum af nýju bókunum frá forlaginu. Ýmsar þeirra tengjast Reykhólahreppi, ýmist að öllu leyti eða meira og minna.