Aðalfundur ungmennafélagsins Aftureldingar verður haldinn miðvikudaginn 17. mars nk. kl. 20:00 í matsal Reykhólaskóla.
Venjuleg aðalfundarstörf.
Hvetjum sem flesta til þess að mæta!
Stjórn Aftureldingar.
Reykhólahreppur óskar eftir að ráða tvo sumarstarfmenn í 75-100% starf á Reykhólum við að sinna stuðningsþjónustu hjá 14 ára stúlku, í júní, júlí og ágúst. Vinnutími væri mánudaga til föstudaga frá 9:00-15:00.
Mjög skemmtilegt og krefjandi starf sem gæti hentað vel fyrir vinkonur eða par.
Möguleiki er á 100% starfi innan hreppsins og hjálp við að finna hentugt húsnæði ef starfsmenn óska þess.
Umsóknarfrestur er til og með 31. mars.
Laun eru samkvæmt taxta Verk-Vest.
Umsóknir sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.
Upplýsingar eru veittar í síma 451-3510 og fyrirspurnir má einnig senda á
felagsmalastjori@strandabyggd.is.
Frestur til að sækja um sérstakan styrk fyrir börn frá tekjulægri heimilum sem eiga rétt á sérstökum íþrótta- og tómstundarstyrk á skólaárinu 2020-2021 hefur verið framlengdur til 15. apríl 2021.
Greint er frá framlengingunni á vef Félagsmálaráðuneytis.
Styrkurinn er veittur grunnskólabörnum sem fædd eru á árunum 2005-2014 og búa á heimilum þar sem heildartekjur framfærenda, einstaklings, hjóna eða sambúðarfólks, voru að meðaltali lægri en 740.000 kr. á mánuði á tímabilinu mars – júlí árið 2020.
Styrkurinn er að hámarki 45.000 krónur fyrir hvert barn sem stundar skipulagt tómstunda- og/eða íþróttastarf undir leiðsögn þjálfara eða leiðbeinanda. Athugið að hægt er að koma með kvittanir fyrir íþrótta- og tómstundastarfi sem greitt var fyrir í upphafi skólaárs, eða frá hausti 2020.
Frekari upplýsingar er að finna á Ísland.is en þar er líka hægt að sækja um styrk.
Starfsemi smíðavinnustofu í tré á vegum Félagsþjónustunnar hefst næsta fimmtudag, 4. mars.
Rebekka Eiríksdóttir á Stað sér um vinnustofuna sem verður í smíðastofu Reykhólaskóla á fimmtudögum, milli kl. 15:15 og 18:15. Vinnustofan verður opin á þessum tíma til mánaðamóta, apríl - maí.
Eldri borgarar ganga fyrir en annars eru allir velkomnir.
Ekki er nauðsynlegt að skrá þátttöku, bara að mæta.
Textílmiðstöð Íslands og Nýsköpunarmiðstöð Íslands halda Ullarþon daganna 25. - 29. mars nk. Verkefnið er styrkt af Framleiðnisjóði Landbúnaðarins.
Ullarþon er nýsköpunarkeppni haldin á netinu til að ýta undir nýsköpun og vöruþróun, auka verðmæti ullarinnar og þá sérstaklega verðminnstu ullarflokkanna.
Keppt verður í eftirfarandi flokkum;
1. Þróun á vinnslu textíls úr óunninni ull,
2. Blöndun annarra hráefna við ull,
3. Ný afurð
4. Stafrænar lausnir og rekjanleiki.
Hvetjum alla áhugasama til að taka þátt! Skráning hefst 1. mars. Hægt er að taka þátt hvort heldur sem einstaklingur eða í teymi, eða mynda teymi á Facebookar síðu Ullarþonsins. Þátttakendur hafa aðgang að breiðum hóp leiðbeinenda á meðan Ullarþoninu stendur. Hægt er að skrá sig hér:
Lokaskil á hugmyndum er þann 29. mars. Dómnefnd mun þá meta hugmyndir og tilkynna um miðjan apríl hver mun vera í topp 5 í hverjum flokki. Úrslit verða kynnt 20. maí á Hönnunarmars 2021. (þetta er ekki prentvilla, það er 20. maí)
Heildarverðmæti vinninga eru um 1.600.000 kr.
Nú er tækifæri til að láta ljós sitt skína og taka þátt í að koma með nýjar nýskapandi lausnir sem hægt verður að nýta sem best og þar með skapa verðmæti úr ullinni!
Nánari upplýsingar er hægt að nálgast á Facebookar síðu “Ullarþon” eða á heimasíðu Textílmiðstöðvarinnar; www.textilmidstod.is
Saga vita við strendur landsins spannar aðeins tæp 143 ár, kveikt var á Reykjanesvita, fyrsta vitanum, 1. des. 1878.
Hér við Breiðafjörð voru áramótabrennur og bál sem kynt voru í þeim tilgangi að vekja athygli á einhverju, kölluð vitar.
Pappakassar eru nefndir í fyrirsögninni, en það eru líklega algengustu umbúðir á vesturlöndum og sennilega víðar.
...
Aðalfundur Skógræktarfélagsins Bjarkar í Reyhólahreppi verður haldinn miðvikudag 3. mars, kl. 17-18:30 í anddyri íþróttahússins.
Venjuleg aðalfundarstörf, önnur mál.
Nýtt áhugasamt fólk um gróður, skjól og skógrækt er velkomið.
Einhver brögð eru að því að eigendur hunda þrífi ekki upp eftir þá þegar hundarnir gera stykki sín úti við á Reykhólum.
Það eru vinsamleg tilmæli að hundaeigendur kippi þessu í lag, það er frekar leiðinlegt að ganga fram á hundaskít á alfaraleið.
Reykhólahreppur óskar eftir tilboðum í rekstur
tjaldsvæðis hreppsins neðan Grettislaugar. Um er að
ræða rekstur og umsjón með tjaldsvæðinu og þjónustuhúsum
því tengdu.
Tilboð skulu berast á skrifstofu Reykhólahrepps,
Maríutröð 5a eða á netfangið sveitarstjori@reykholar.is
eigi síðar en 15. mars nk.
Frekari upplýsingar veitir sveitarstjóri.
Netfang sveitarstjori@reykholar.is eða í síma 430-3200
Áhugaverð störf eru auglýst hjá Reykhólahreppi. Um er að ræða 3 störf, skrifstofustjóra til eins árs, matráð í mötuneyti Reykhólahrepps og umsjónarmann íþróttamannvirkja.
Auglýsingar og nánari starfslýsingar eru í Laus störf hér til vinstri.
Umsóknarfrestur er til og með 3. mars 2021. Umsókn skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.
Umsókn skal send á skrifstofu Reykhólahrepps, Maríutröð 5a, 380 Reykhólahrepp eða á netfangið skrifstofa@reykholahreppur.is.
Nánari upplýsingar um starfið veitir Ingibjörg Birna Erlingsdóttir í síma 430-3200 eða á netfangið sveitarstjori@reykholar.is
Launakjör eru samkvæmt kjarasamningum Sambands Íslenskra Sveitarfélaga við viðkomandi stéttarfélag.
