Slökkvilið Reykhólahrepps óskar eftir nýliðum. Hraustir karlar og konur á besta aldri eru hvött til að skrá sig í liðið hjá Guðmundi Ólafssyni slökkviliðsstjóra (892 3328) eða Bjarna Þór Bjarnasyni slökkviliðsmanni (865 1841), sem einnig veita allar upplýsingar varðandi starfið. Ráðgert er að halda slökkviliðsæfingu fljótlega.
...
Af óviðráðanlegum ástæðum verður Grettislaug á Reykhólum opnuð eitthvað með seinna fallinu i í dag, þ.e. ekki strax klukkan 16 eins og venjulega á mánudögum.
...
Alma Dóróthea Friðriksdóttir (Alma á Hafrafelli) var jarðsungin á Reykhólum í gær, 8. október. Hún andaðist 3. október, daginn þegar hún varð 86 ára, og hafði þá verið á sjúkrahúsinu á Akranesi í mánuð eftir fótbrot. Eiginmaður hennar var Sigvaldi Guðmundsson, sem lést 12. maí á síðasta ári. Þá hafði farsæl sambúð þeirra staðið í 66 ár og afkomendurnir eru komnir á fimmta tuginn. Þau Alma og Sigvaldi bjuggu á Hafrafelli í Reykhólasveit alla sína tíð þangað til þau komu til dvalar í Barmahlíð á Reykhólum snemma árs 2006.
...
Sunnudagaskólinn í Reykhólakirkju verður í fyrsta sinn á þessu hausti kl. 11 á morgun, sunnudag, og verður síðan annan hvern sunnudag í vetur. Þar verður sitt af hverju í boði, svo sem bíósunnudagaskóli, bangsasunnudagaskóli og náttfatasunnudagaskóli. „Lofa miklu fjöri og skemmtilegheitum, hlakka til að sjá sem flesta,“ segir sr. Hildur Björk Hörpudóttir sóknarprestur. Æskulýðsfélagið byrjar síðan starfsemi sína í Reykhólakirkju á þriðjudagskvöldið. Sitthvað fleira af ýmsu tagi verður á dagskránni hjá sr. Hildi Björk í vetur og má sérstaklega nefna kirkjubrallið, þar sem óskað er eftir sjálfboðaliðum. Kóræfingar verða á þriggja vikna fresti og leitað er eftir fleira söngfólki í hópinn.
...
Afgreiðsla Landsbankans á Reykhólum verður lokuð núna á mánudag, 10. október. Stefnt er að því að hún verði opin á mánudaginn eftir rúma viku, 17. október.
...
Vegna aðstæðna verður móttaka læknis á Heilsugæslustöðinni á Reykhólum þriðjudaginn 11. október í stað mánudagsins.
...
Jónatan Jónsson hefur tekið við sem umsjónarmaður Grettislaugar á Reykhólum af Sönju Bek, en aðstæður hennar breyttust með skömmum fyrirvara. Laugin verður opin á sama tíma og áður hefur verið auglýst.
...
Anna Björg Ingadóttir grunnskólakennari hefur búið til magnaðan vef um Reykhólahrepp og fólkið í héraðinu. Heiti hans er Reykhólahreppur - vefur um staðarkennd og staðaranda í Reykhólahreppi. Anna Björg á hingað ættir að rekja og kenndi við Reykhólaskóla tvö síðustu skólaár. Núna er hún á lokasprettinum í mastersnámi í hagnýtri þjóðfræði og vefurinn hennar er hluti af lokaverkefninu þar. Þarna er meðal annars að finna fjölda mynda og myndasafna af fólki og viðburðum sem Anna Björg hefur tekið víða í héraðinu, einnig myndskeið með viðtölum við fólk hér og þar á svæðinu.
...
Sú viðbót verður við afgreiðslutíma á Héraðsbókasafni Reykhólahrepps frá því sem var síðasta vetur, að núna í vetur verður það opið fyrsta miðvikudagskvöld í hverjum mánuði kl. 20-21, í fyrsta skipti næsta miðvikudag, 5. október. Að öðru leyti eru afgreiðslutímar núna í vetur þessir:
...
Kjósendur geta kannað hér hvar þeir eru á kjörskrá í kosningunum til Alþingis 29. október. Þegar slegin er inn kennitala kemur upp nafn, lögheimili og sveitarfélag. Yfirleitt birtast einnig upplýsingar um kjörstað og kjördeild. Kjósendur eru á kjörskrá í því sveitarfélagi þar sem þeir eiga skráð lögheimili fimm vikum fyrir kjördag, eða þann 24. september. Flutningur lögheimilis eftir þann tíma breytir ekki skráningu á kjörskrá.
...
