Næg er aðstaðan í Reykhólaskóla.

Á nýafstöðnu Haustþingi Fjórðungssambands Vestfirðinga kynnti Ágúst B. Garðarsson, formaður aðgerðaáætlunar fyrir Vestfirði (svokallaðrar Vestfjarðanefndar) og aðstoðarmaður forsætisráðherra, starf nefndarinnar. Reykhólahreppur lagði fram nokkur verkefni, sem yrðu sveitarfélaginu til framdráttar til framtíðar litið. Aðeins eitt verkefni af sjö á listanum frá Reykhólahreppi hlaut hljómgrunn nefndarinnar, þ.e. undirbúningur framhaldsskóladeildar á Reykhólum í samvinnu við framhaldsskóladeildina á Hólmavík og Fjölbrautaskóla Norðurlands vestra á Sauðárkróki.

Grettislaug / ÁG.

Líkt og endranær um helstu réttahelgina er Grettislaug á Reykhólum opin á öðrum tímum og lengur en venjulega. Hún verður opin kl. 16-22 í dag, föstudag, á morgun verður hún opin kl. 14-22  og á sunnudag kl. 14-17. Vel er tekið á móti þreyttu leitarfólki í heitu pottana.

María Maack.

« 1 af 2 »

Ferðafólk hefur áhrif á náttúruna og manngert umhverfi. Aðeins með því að koma og njóta á svipaðan hátt og við sjálf. Verst (og best) að allir ferðamenn þurfa líka að borða, hægja sér og spræna stöku sinnum. Margir haga sér eins og þeir séu aleinir í heiminum, og hneyksla okkur. Setjum okkur í þeirra spor. Margir koma frá milljónaþjóðum hingað í fámennið og fá þessa tilfinningu að vera þeir fyrstu til að sjá landið og vera aleinir í heiminum.

Stjórnstöð ferðamála og Ferðamálastofa boða til kynningarfunda víða um land um gerð stefnumarkandi stjórnunaráætlana (Destination Management Plans-DMP) og verður einn þeirra haldinn á Hólmavík þriðjudaginn 20. september kl. 9 um morguninn. Á fundunum munu fulltrúar Ferðamálastofu og Stjórnstöðvar ferðamála kynna verkþætti og tímalínu verkefnisins auk þess sem skoski ráðgjafinn Tom Buncle mun fara ítarlega yfir eðli, markmið og tilgang slíkra verkefna og hvernig þau geta nýst inn í framtíðarskipulag og þróun svæða.

Vinnur þú við umönnun? Viltu auka færni þína? Fræðslumiðstöð Vestfjarða, Símey á Akureyri og Farskólinn á Norðurlandi vestra eru að hefja fjarkennslu á félagsliðabrú. Notað verður Skype for Business þannig að ekki skiptir máli hvar þú býrð á landinu. Námið veitir starfsheitið félagsliði.

Mjóifjörður og Kjálkafjörður og Litlanes á milli. Ljósm. Morgunblaðið/sbs.

Mbl. 15. sept. 2016, skjáskot.

Kort sem fylgir frásögn Sigurðar Boga. Morgunblaðið.

Mbl. 15. sept. 2016, skjáskot.

« 1 af 4 »

Sigurður Bogi Sævarsson blaðamaður segir í Morgunblaðinu í dag frá ferð sinni um Reykhólahrepp endilangan, lýsir því sem fyrir augu ber á leiðinni og víkur að sögunni hér og þar. Auk þess ræðir hann stuttlega við Ernu Ósk Guðnadóttur bónda í Gufudal, Þráin Hjálmarsson bónda og skólabílstjóra á Hríshóli í Reykhólasveit og Gísla Á. Gíslason bónda og mjólkurbílstjóra í Efri-Rauðsdal á Barðaströnd, sem flytur mjólk frá bæjum á Barðaströnd og Rauðasandi allt suður í Búðardal tvisvar í viku.

Myndir frá fundinum: IBE.

« 1 af 16 »

Liðlega 30 manns úr Dalabyggð, Reykhólahreppi og Strandabyggð komu saman í gamla Kaupfélaginu í Króksfjarðarnesi í síðustu viku til að ræða þróun heimahaganna. Þetta var annar opni súpufundurinn sem haldinn er í tengslum við svæðisskipulagsvinnu sveitarfélaganna. Fyrir fundarmenn voru lögð tvö verkefni; annað sneri að efniviði fyrir svæðismark (vörumerki) svæðisins og hitt fólst í skipulagningu ferðaleiða og áfangastaða. Í tengslum við fyrra verkefnið kynntu ráðgjafar frá Alta fordæmi og fyrirmyndir frá svæðum á Norðurlöndum og víðar þar sem sveitarfélög hafa tekið sig saman um að kynna sitt svæði undir einu svæðismarki, í þeim tilgangi að laða að ferðamenn, fyrirtæki og nýja íbúa. Fyrir síðara verkefnið voru kynnt erlend fordæmi um vel útfærðar ökuleiðir og gönguleiðir með áhugaverða áfangastaði.

Flutningabíll á Hjallahálsi í vor.

Vegagerðin stefnir að því að umhverfisskýrsla vegna lagningar Vestfjarðavegar um Gufudalssveit verði tilbúin fyrir áramót. Takist það munu undirbúningsframkvæmdir í Djúpafirði hefjast á fyrri hluta næsta árs. Starfsmenn Vegagerðarinnar hafa fyrir nokkru lokið við að endurskoða frummatsskýrslu, meðal annars vegna ábendinga Skipulagsstofnunar, og er beðið eftir grænu ljósi þaðan svo hægt sé að kynna skýrsluna og auglýsa eftir athugasemdum.

Indriði á Skjaldfönn.

„Rjúpnastofninn fór að dala í takt við fjölgun tófunnar,“ sagði Indriði Aðalsteinsson, bóndi á Skjaldfönn við Ísafjarðardjúp. „En það er eins og að nefna snöru í hengds manns húsi að minnast á ref sem skaðræðisdýr hvort sem er í rjúpu eða öðru fuglalífi.“ Heimaslóðir Indriða voru mikið rjúpnaland en það hefur mikið breyst. „Ég hef ekki séð rjúpu með unga í allt sumar og í haust á þessum mögnuðu rjúpnaslóðum í kjarrlendinu hér í kringum mig og norðan Djúps,“ sagði Indriði.

Vegna óhjákvæmlegrar ferðar suður verður verslunin Hólabúð á Reykhólum ekki opin á venjulegum tíma á morgun, fimmtudag 15. september. Hugsanlega verður búðin lokuð allan daginn en þó er ekki útilokað að hún verði opnuð einhvern tíma seinnipartinn. Síðan verður opnað með venjulegum hætti kl. 10 á föstudagsmorgun.