Opinn súpufundur um gerð sameiginlegs svæðisskipulag Reykhólahrepps, Dalabyggðar og Strandabyggðar verður haldinn í Tjarnarlundi í Saurbæ í kvöld, þriðjudagskvöld, kl. 17.30 til 21.30. Þar verður verkefnið kynnt og spurningum svarað, en síðan unnið í hópum um ferðaþjónustu, matvælaframleiðslu og aðra framleiðslu úr auðlindum svæðisins.
...
VÍS tryggir Þörungaverksmiðjuna á Reykhólum til þriggja ára og heldur þannig áfram gott samstarf fyrirtækjanna sem staðið hefur í rúma þrjá áratugi. „Við höfum átt ákaflega farsæla samleið um langt skeið og það er okkur sönn ánægja að þjónusta Þörungaverksmiðjuna áfram,“ segir Þorbjörg Magnúsdóttir, þjónustustjóri VÍS á Vesturlandi. „Til marks um það hve framúrskarandi viðskiptavinurinn er má benda á, að þegar Forvarnaverðlaun VÍS voru afhent í fyrsta skipti, árið 2010, þá féllu þau Þörungaverksmiðjunni í skaut.“
...
Unnið hefur verið af hálfu fjáröflunarnefndar Flateyjarkirkju að undirbúningi kynningarrits um kirkjuna. Baltasar og Kristjana komu út í Flatey haustið 2014 til að taka mikið af myndum af listaverkum sínum í kirkjunni, en ætlunin er að nota myndir þessar í ritið. Vinnan er á lokastigi, búið er að skrifa texta og gera tillögu að útliti og hönnun. Stefnt er að útgáfu núna í byrjun sumars.
...
Í því ágæta blaði Vestfirðir, sem ritstýrt er af Kristni H. Gunnarssyni fyrrverandi alþingismanni, birtist nýverið frétt undir yfirskriftinni „Óvissa um Dýrafjarðargöng“. Í umræddri frétt er látið liggja að því að óvissa sé uppi um það hvort framkvæmdir við Dýrafjarðargöng hefjist á næsta ári líkt og áætlanir gera ráð fyrir. Ástæðan sé sú, að búið sé að boða kosningar næsta haust og það setji verkið í uppnám. Ólína Þorvarðardóttir var fljót að grípa boltann frá Kristni H. Gunnarssyni á lofti og hélt því fram á vefsíðu sinni, að sannleikurinn væri sá að aldrei hafi staðið til að hefja framkvæmdir við Dýrafjarðargöng á næsta ári.
...
Ítrekaðar eru auglýsingar um starf umsjónarmanns Grettislaugar á Reykhólum, sumarfólks við laugina og liðsmanns í mötuneyti Reykhólahrepps, í öllum tilvikum frá 1. júní. Nánari upplýsingar er að finna undir tenglunum hér fyrir neðan.
...
Öll áform eru óbreytt. Dýrafjarðargöngin verða boðin út í haust, vinna við þau hefst næsta ár og fullbúin verða þau árið 2020. Gert er ráð fyrir fjármögnun vegna verksins í nýrri ríkisfjármálaáætlun sem lögð verður fram á næstu dögum. Umræða helgarinnar er því eins og allir geta nú séð, ys og þys út af engu.
...
Sextugur er í dag, 25. apríl, Jón Þór Kjartansson á Reykhólum. Hann verður að heiman á sjálfan afmælisdaginn, en verður með opið hús í matsal Reykhólaskóla á laugardaginn kl. 20-24. Þar verða á borðum léttar veitingar að hætti Ingu.
...
Fjáröflunarnefnd Flateyjarkirkju stóð síðasta sumar fyrir nýrri fjáröflun fyrir kirkjuna. Tekið var á móti þremur skemmtiferðaskipum sem komu til Flateyjar og var farið með farþega þeirra og áhafnir í stuttar ferðir um eyjuna með leiðsögn. Þetta gafst mjög vel og skilaði liðlega 400 þúsund krónum til kirkjunnar.
...
Meðal þess sem rætt var á aðalfundi Framfarafélags Flateyjar (FFF) voru hugmyndir um uppsetningu vefmyndavéla í Flatey, ástand og öryggismál bryggjunnar, sjóvarnir, samstarf vegna friðlandsins í Flatey, kynningarrit um Flateyjarkirkju og störf hinnar nýstofnuðu dreifbýlisnefndar Reykhólahrepps. Miklar umræður urðu um stjórnsýslu í Flatey, sem heyrir undir Reykhólahrepp, fyrst í umræðum um skýrslu stjórnar, síðan þegar fjárhagsáætlun var rædd og loks undir liðnum önnur mál. Eins og rækilega hefur verið greint frá hér á vefnum hafa komið fram eindregnar óskir um að Flatey færist undir Stykkishólm og jafnframt verið greint frá viðbrögðum vegna þeirra óska.
...
Fermingarmessa verður í Staðarkirkju á Reykjanesi í Reykhólasveit klukkan 13 á morgun, sunnudag. Þar fermist Védís Fríða Kristjánsdóttir á Stað, en athöfnina annast sr. Hildur Björk Hörpudóttir, sóknarprestur í Reykhólaprestakalli. Helgistund verður síðan kl. 15.30 í Barmahlíð á Reykhólum.
...
