Leikskóladeild Reykhólaskóla óskar eftir að ráða leikskólakennara (deildarstjóra í tímabundið starf) í 100% starf til eins árs frá og með 12. ágúst. Vinnutími er frá kl. 8 til 16. Hæfniskröfur og annað sem máli skiptir:
...
Annað heftið af ársritinu Nýjum Breiðfirðingi kemur út á sunnudag, 8. maí. Kynning á ritinu og því sem þetta hefti hefur að geyma verður meginefnið á samkomu í Breiðfirðingabúð við Faxafen, sem hefst kl. 14.30 á sunnudaginn. Hún byrjar með kaffi og hnallþórum og kórsöng og síðan verður fjallað um ársritið. Eftir það verður kynnt endurútgáfa á tónlist Leikbræðra (1945-1955) og diskur verður til sölu á staðnum. Þar verður líka hægt að fá tímaritið Breiðfirðing, bæði nýja heftið og síðan eldri hefti á vægu verði.
...
Átak Síldarvinnslunnar í Neskaupstað þar sem starfsmönnum er boðin ristilspeglun þeim að kostnaðarlausu hefur þegar skilað markverðum árangri. Yfirlæknir á sjúkrahúsinu á staðnum segir allar líkur á því að þegar hafi verið komið í veg fyrir krabbamein. „Ég tel mig geta sagt með töluverðri vissu að frumkvæði fyrirtækisins hafi að öllum líkindum beinlínis komið í veg fyrir krabbamein,“ segir Jón H. H. Sen, yfirlæknir á Fjórðungssjúkrahúsinu í Neskaupstað, sem hefur umsjón með ristilspeglunum starfsfólksins.
...
Þetta árið verður opnað formlega í Hótel Bjarkalundi á morgun, sunnudag 1. maí, og sveitungum boðið að líta inn í tilefni þess. „Þó að við opnum formlega á morgun, þá hefur verið gestkvæmt hjá okkur síðan á sumardaginn fyrsta,“ segir Logi Arnar Guðjónsson hótelstjóri. „Sumarið lítur vel út og bókanir eru um 70-80% fleiri en á sama tíma í fyrra.“
...
Lokahátíð sunnudagaskólanna í Dala-, Hólmavíkur- og Reykhóla-prestakalli verður í Tjarnarlundi í Saurbæ á sunnudaginn eftir viku, 8. maí, og hefst kl. 13. Á dagskránni verður spennandi leiksýning með Hafdísi og Klemma, sem krakkarnir ættu að þekkja. Sýningin hentar öllum aldurshópum. Grillaðar pylsur og Svali verða í boði.
...
Umhverfisdagurinn árvissi í Reykhólahreppi verður að þessu sinni laugardaginn 7. maí. Að venju er hvatt til hreinsunar bæði í þorpinu og sveitunum. Hvað Reykhólaþorp varðar, þá hittist fólk yfirleitt á einhverjum tilteknum stað og tíma og skiptir með sér verkum. Greint verður frá því hér á vefnum þegar nær dregur.
...
Vísindamenn við háskólann í Árósum hafa birt bráðabirgðauppgjör rannsóknar sinnar á hagkvæmni þess að lengja mjaltaskeið kúnna úr hinum algengu 12-13 mánuðum í 15 eða 17 mánuði. Í ljós kom að það getur haft jákvæð áhrif á búreksturinn að halda kúnum heldur sjaldnar en gert er í dag, séu allar forsendur réttar fyrir slíkri ákvörðun. Vissulega gerist það að afurðasemi kúnna fellur eftir því sem á líður. Á móti kemur sparnaður í fóðri og dýralæknakostnaði og vegna minni frjósemisvandamála.
...
Bændasamtökin héldu nýlega kynningarfund um fjárfestingaþörf í landbúnaði og nýja búvörusamninga fyrir fulltrúa fjármálafyrirtækja, Byggðastofnunar og lífeyrissjóða. Sindri Sigurgeirsson, formaður samtakanna, fór yfir þær breytingar sem nýir búvörusamningar fela í sér og einnig þau tækifæri sem í þeim liggja fyrir bændur. Jóhanna Lind Elíasdóttir og Runólfur Sigursveinsson, ráðgjafar hjá Ráðgjafamiðstöð landbúnaðarins, fjölluðu síðan um rekstrarumhverfi landbúnaðarins almennt og undirliggjandi fjárfestingarþörf.
...
Jón Þór Kjartansson á Reykhólum varð sextugur á mánudag, 25. apríl. Í tilefni afmælisins verður hann með opið hús í borðsal Reykhólaskóla milli kl. 20 og 24 annað kvöld, laugardag. Þar verða á borðum léttar veitingar að hætti Ingu og vonast hann til að sjá sem flesta vini og kunningja við þetta tækifæri.
...
Rapparinn Emmsjé Gauti og Úlfur Úlfur ásamt skífuþeysi (DJ) héldu uppi kraftinum á unglingaballi á vegum Reykhólaskóla sem haldið var í íþróttahúsinu á Reykhólum í gærkvöldi. Hartnær 200 krakkar sóttu ballið, en auk nemenda í Reykhólaskóla voru þar ungmenni frá Hólmavík, Búðardal, Tálknafirði, Vesturbyggð, Kleppjárnsreykjum, Varmalandi í Borgarfirði og Borgarnesi og af Snæfellsnesi. Þarna var mikið fjör og mikið gaman og ungmennin sem sóttu þetta fjölmenna ball voru í alla staði til fyrirmyndar, segir Ásta Sjöfn Kristjánsdóttir skólastjóri.
...
