Auglýst er laust starf við Grettislaug á Reykhólum frá 1. júní til 31. ágúst. Starfshlutfall um 100%. Nánari upplýsingar gefur Jón Ingi Þorsteinsson, umsjónarmaður Grettislaugar, í síma 434 7738 þegar laugin er opin. Umsóknareyðublöð er hægt að sækja hér á vef Reykhólahrepps.
...
Umsóknarfresturinn er rétt í þann veginn að renna út: Báta- og hlunnindasýningin á Reykhólum auglýsir eftir fólki í fjölbreytt hlutastörf í sumar. Vaktavinna. Skemmtileg störf fyrir ungmenni þrettán ára og eldri og líka fyrir fullorðna.
...
Fyrir nokkru er komið út fyrsta bindið af riti Sverris Jakobssonar prófessors um breiðfirska sögu og ber það heitið Saga Breiðfirðinga I. Fólk og rými frá landnámi til plágunnar miklu. Á kápu segir, að í bókinni ráði sú sýn að byggðir við fjörðinn myndi heild og eins að Breiðafjörður hafi sérstöðu meðal héraða á Íslandi hvað varðar stjórnmál, menningu og atvinnuhætti. „Þar hefur sjórinn verið þjóðbraut fremur en farartálmi, samnefnari og tenging fremur en sundrandi afl.“
...
Starfsfólk óskast í afleysingar við aðhlynningu á Hjúkrunar- og dvalarheimilinu Barmahlíð á Reykhólum í sumar. Helga Garðarsdóttir hjúkrunarforstjóri veitir frekari upplýsingar í síma 434 7817 eða 694 2386.
...
Þarinn fær ljós og næringarefni hjálparlaust og mannshöndin kemur ekki nærri, - náttúran sér um þessa endurnýjun. Þetta er oft kallað þjónusta náttúrunnar. Annað dæmi er vöxtur skóga, - þeir taka upp koltvísýring og rigningu og skóglendið stækkar hjálparlaust. Fiskistofnar hrygna og bæta við nýjum árgangi á hverju ári. Sjálfbær uppskera er fengin með því að taka ekki meira en stofninn gefur af sér hverju sinni. Að nota jarðvarmann hér á sjálfbæran hátt er því að nota ekki meira en það magn af heitu vatni sem hitnar og streymir fram hverju sinni.
...
Forsvarsmenn sveitarfélaga á Austurlandi segja að meginkostnaði af átakinu „Ísland ljóstengt“ verði velt yfir á sveitarfélögin. Fjármunir sem fylgi hugmyndum um netvæðingu landbyggðarinnar séu aðeins lítill hluti áætlaðs kostnaðar og víða muni sveitarfélög ekki ráða við þátttöku í því. Í kynningarskýrslu um átakið segir að útbreiðsla góðra nettenginga sé úrslitaatriði um þróun byggðar. Efndir þessa átaks eru eitt af helstu byggðamálum ríkisstjórnarinnar.
...
Á síðasta fundi sveitarstjórnar Reykhólahrepps var fjallað um þann niðurskurð á póstdreifingu sem boðaður hefur verið, og var samþykkt að senda ráðherra póstmála bréf þar sem gerð væri grein fyrir sérstöðu Reykhólahrepps hvað varðar fjarlægð frá pósthúsi. Í bréfinu segir meðal annars:
...
Þjóðin mun eiga þarann en landeigendur þangið, skv. drögum að frumvarpi til laga um öflun sjávargróðurs í atvinnuskyni, sem kynnt voru á vef atvinnuvegaráðuneytisins í gær. Í samtali við Morgunblaðið í dag segir Jóhann Guðmundsson, skrifstofustjóri í ráðuneytinu, að viðmiðunin sem notuð er eigi við um svokölluð netlög, þar sem tilgreint er hve langt út í sjó landeigandi getur gert tilkall til þess sem náttúran gefur. Miðað er við tæpa 113 metra frá stórstraumsfjörumáli. Þangið vex í fjörunni en þarinn utar.
...
Núna í vor eru liðin fimmtán ár síðan Guðjón Dalkvist Gunnarsson á Reykhólum (Dalli) setti á markað lífrænan gróðuráburð undir nafninu Glæðir. Árin þar á undan hafði hann unnið að þróun, tilraunum og rannsóknum í samvinnu við fagmenn í garðyrkju þangað til rétta blandan taldist vera fundin. Glæðir samanstendur af klóþangi úr Breiðafirði, íslensku vatni og kalísóda, sem Dalli sýður saman. „Mestur tíminn fór í að finna réttu hlutföllin,“ segir hann. Þangið hefur löngum verið þekkt fyrir heilnæma eiginleika sína. Í því er fjöldi snefilefna sem nýtist gróðri.
...
Spilakvöld fyrir unga jafnt sem eldri verður í Barmahlíð á Reykhólum annað kvöld, mánudag 15. febrúar, og hefst kl. 19.30. Fyrirvarinn er sá, að veðrið verði skaplegt.
...
