Fjölfætlan sem sagt er frá.

Á Landbúnaðarsafninu á Hvanneyri er lokið við að pússa upp fjölfætlu af gerðinni Fahr KH 4, eina af þeim fyrstu sem komu til landsins. Mikil breyting varð á meðferð heys á þurrkvelli þegar fjölfætlurnar (heyþyrlurnar) komu. Þær þóttu hræra mun betur í heyinu en eldri vélar, svo að það þornaði jafnar og betur en áður þekktist. Það var sumarið 1963 sem fyrstu vélarnar af þessu tagi komu til landsins.

Byggðarendi (húsið byggt 1950).

Það er alveg með einsdæmum hve Flateyingar eru duglegir að dytta að húsum sínum og gera vel við eignir sínar í Flatey. Tekið er eftir og umtalað hve húsin í Flatey eru velviðhaldin, fallega uppgerð og bera fagurt vitni um heilstæða fallega húsamynd fyrri tíðar.

Snjóruðnings- og hálkuvarnabíll Erlings Jónssonar á Reykhólum.

Viðmiðunarreglur um snjómokstur í Reykhólahreppi voru samþykktar á fundi sveitarstjórnar í gær og hafa verið settar hér inn á vefinn. Reglurnar taka til reglubundins moksturs á einstökum leiðum, moksturs í þéttbýlinu á Reykhólum og moksturs heimreiða að bæjum, auk undantekningartilvika.

Ertu strand í Excel? Við bjóðum námskeið sem ætti að henta öllum þar sem það er fjarkennt, skoðaðu málið, segir í pósti frá Símennt á Vesturlandi. Markmiðið er að nemendur bæti við grunnþekkingu sína á Excel-töflureikni. Nemendur öðlast færni og þekkingu sem nýtist þeim í einkalífi og starfi.

Strýta (Jaðar). Ljósm. flatey.com.

Stjórn Framfarafélags Flateyjar (FFF) óskar eftir tilnefningum til umhverfisverðlauna félagsins. Með þeim vill félagið efla vitund félagsmanna fyrir bættri umgengni í Flatey og verða verðlaunin afhent á vetrarhátíð félagsins 12. mars. Tilnefningar með rökstuðningi skulu berast fyrir 25. febrúar. Þau hús sem fengið hafa verðlaunin frá stofnun þeirra eru:

Á liðnu ári var innvigtun mjólkur 146 milljónir lítra, eða 6 milljónir lítra umfram greiðslumarkið 2015, sem ákveðið var 140 milljónir lítra fyrir nýliðið verðlagsár. Árið 2013 var innvigtunin 123 milljónir lítra og hefur framleiðslan því aukist um 23 milljónir lítra á tveimur árum. Ýmsar tilgátur hafa verið settar fram um tilurð þessarar aukningar. Sú frumlegasta sem fram hefur komið er á þá leið, að mjólkurkýr í landinu hafi verið mun fleiri en gögn hafi legið fyrir um; hér hafi leynst allt að 3.500 kýr sem ekki hafi verið vitað af.

Indriði á Skjaldfönn.

Fram er komið á Alþingi þingskjal 303, tillaga til þingsályktunar um eflingu rannsókna á vistfræði melrakkans. Flutningsmaður Róbert Marshall. Þó að „efling rannsókna“ sé yfirskin segir greinargerðin allt annað, sem er í stuttu máli þetta: Refir valda svo litlu tjóni að það réttlæti ekki fjárframlag hins opinbera til að halda stofninum niðri. Orðið hefur „tilfinnanleg“ fækkun í stofninum á undanförnum árum. Því ber að hætta öllum opinberum stuðningi við (refa)veiðar, forðast að trúa á „getgátur og sögusagnir“ um tjón af völdum refa, en veita rausnarlegt fé til verndaráætlunar fyrir tegundina og vistfræði-rannsókna í hennar þágu.

Í dag er 112-dagurinn, samstarfsverkefni stofnana og félagasamtaka sem annast margvíslega neyðarþjónustu, almannavarnir og barnavernd í landinu. Almannavarnir eru þema þessa dags og áherslan lögð á áfallaþolið samfélag með viðbúnað og viðbrögð við náttúruhamförum, sérstaklega jarðskjálftum og óveðri. Að þessu sinni er haldið upp á að 20 ár eru liðin frá því að Neyðarlínan tók evrópska neyðarnúmerið 112 í notkun hér á landi. Það leysti af hólmi 146 mismunandi símanúmer viðbragðsaðila.

« 1 af 3 »

Orkubú Vestfjarða minnir ferðalanga á, að núna er lágt undir háspennulínur víða til fjalla. Teitur Magnússon, starfsmaður Orkubúsins, tók í dag myndirnar sem hér fylgja á Rauðkolli upp af Engidal við Skutulsfjörð.

Séð yfir hluta Flateyjar / Árni Geirsson.

Stjórn Framfarafélags Flateyjar (FFF) ætlar að bjóða fulltrúa úr sveitarstjórn Reykhólahrepps á aðalfund félagsins þann 12. mars og vera með málþing að honum loknum um málefni Flateyjar. Þetta var samþykkt á fundi stjórnarinnar 28. janúar. Þar var líka tekið fyrir svar sveitarstjórnar Reykhólahrepps við ályktun (erindi) stjórnar FFF frá 18. nóvember. Farið var yfir drög að svari og ákveðið að afla upplýsinga til að klára það.