Jóhanna Ösp Einarsdóttir í Kaplaskjóli er að byrja að púsla saman dagskrá fyrir Reykhóladagana í sumar og óskar eftir hugmyndum og tillögum um viðburði. Jafnframt biður hún alla sem myndu vilja sjá um eitthvað á hátíðinni að gefa sig fram.
...
Minnt skal á saltkjöts- og bókmenntafagnað Lions, sem verður í borðsal Reykhólaskóla á föstudagskvöld, 4. mars. Að þessu sinni er samkoman helguð kveðskap feðganna Þórðar Ólafssonar og Lárusar Þórðarsonar í Börmum. Samkomur þessar eru ekki einskorðaðar við Lionsfólk heldur eru þær öllum opnar. Gott er að láta vita af þátttöku sem allra fyrst.
...
Bríet Arnardóttir hefur verið ráðin yfirverkstjóri hjá Vegagerðinni á Patreksfirði, fyrsta konan sem gegnir slíku starfi hér á landi. Vegaverkstjórastaðan, sem svo var kölluð, var virðingarembætti í héruðum landsins. Þetta karlavígi er nú fallið.
...
Þegar við fluttum á Reykhóla vakti það fljótt athygli mína og furðu, að finna hvergi ruslaílát í kringum húsið okkar bláa (sem núna reyndar lyktar af tjöru). Og það gladdi mig mikið að heyra að ætlast er til þess að hver íbúi taki ábyrgð á eigin ruslaúrgangi og komi honum flokkuðum niður á gámastöð. Þar sem ég er löt við ruslaskil reyni ég alltaf að pressa allt saman í sem minnsta fyrirferð og forðast aukaumbúðir. Ég kaupi helst það sem er óinnpakkað.
...
Netsamband í Reykhólahreppi, sjóvarnir, smábátahöfn og fleiri verkefni í Flatey, nátthagi í Kollafirði, sauðfjárveikivarnir, tvöfalt sorpgjald á lögbýli, fjallskilamál, gamla bryggjan í Nesi og borhola Orkubús Vestfjarða á Kletti í Geiradal voru helstu viðfangsefnin á öðrum fundi dreifbýlisnefndar Reykhólahrepps, sem stofnuð var í vetur. Varðandi hinar nýju reglur um snjómokstur var þetta bókað:
...
Fulltrúar Krabbameinsfélagsins og Samtaka fyrirtækja í sjávarútvegi, auk fulltrúa nokkurra félagasamtaka, Kiwanis, Lions, Rotary, Oddfellow og fleiri, fengu heimboð í varðskipið Þór á Faxaflóa í dag. Tilefnið var opnun Mottumars 2016 með afhendingu á björgunarboxi Krabbameinsfélagsins og Samtaka fyrirtækja í sjávarútvegi til áhafna skipa SFS og félaga í klúbbum sem eru að stærstum hluta karlmenn.
...
Alþjóðlegi hrósdagurinn er í dag, 1. mars. Honum tengjast engin markaðsöfl – hrós kostar ekki neitt. Allir geta verið með. Höfðað er til einnar af grunnþörfum mannsins (og dýranna trúlega líka), eðlisþarfar fyrir viðurkenningu. Sjá frétt sem birtist hér á vefnum fyrir þremur árum:
...
Hin árlega Vetrarhátíð Framfarafélags Flateyjar verður laugardaginn 12. mars í félagsheimili Hestamannafélagsins Fáks í Víðidal. Veislustjórn er í höndum Byggðarendafólks og allar líkur á að þau fari með gamanmál og önnur mál eins og þeim er lagið. Hljómsveitin Royal mun leika fyrir dansi.
...
Eins og hér hefur verið fjallað um átti dreifingardögum pósts í Reykhólahreppi að fækka um helming núna um þessi mánaðamót, þannig að honum yrði aðeins dreift annan hvern virkan dag. Í samtali við Reykhólavefinn í gærkvöldi sagði Guðbjörn Guðmundsson landpóstur, að honum hefði verið tjáð að þetta myndi ekki taka gildi fyrr en um næstu mánaðamót þegar uppsagnarfrestur hans rennur út.
...
Reykhólabúar eru beðnir að fara eins sparlega með kalda vatnið og kostur er vegna þurrðar í miðlunartönkum þorpsins. Tíðin hefur verið óhagstæð í þessu efni og ekki hægt að segja til um það hvenær úr rætist. Frá því verður greint hér á vefnum þegar ástandið lagast.
...
