Daníel Heiðar og Svanhildur Sjöfn.

Daníel Heiðar Jónsson á Ingunnarstöðum í Geiradal í Reykhólahreppi er sextugur í dag, 9. júlí. Í tilefni þess efnir hann til afmælisveislu í Nesi núna á laugardaginn, 12. júlí, og hefst hún kl 19.30. Allir eru að sjálfsögðu velkomnir. Í boði verða veitingar og guðaveigar í glæstum húsakynnum Vogalands í Króksfjarðarnesi. Danshljómsveit Friðjóns Jóhannssonar leikur fyrir dansi. Orðheppnir og orðhvatir fá nægilegt svigrúm fyrir ræðuhöld og uppistönd í dagskrá kvöldsins.

Skjáskot úr frétt Stöðvar 2.

Skjáskot úr frétt Stöðvar 2.

« 1 af 2 »

Vegagerðin hyggst reyna til þrautar að koma vegi um Teigsskóg við Þorskafjörð í gegnum skipulagsferli, en sem kunnugt er hafnaði Skipulagsstofnun veglínu þar vegna umhverfisáhrifa. Frá því var greint í fréttum Stöðvar 2 í gærkvöldi að Vegagerðin hafi óskað eftir nýju umhverfismati miðað við breytta veglínu. Skipulagsstofnun gaf hins vegar Vegagerðinni það óformlega svar í síðasta mánuði að það gengi ekki þar sem búið væri að hafna framkvæmdinni, jafnvel þótt ný tillaga væri um breytta veglínu.

Héraðsbókasafn Reykhólahrepps á Reykhólum verður lokað í kvöld, þriðjudag. Verður opið næst að viku liðinni, 15. júlí kl. 19-21, eins og venjulega á þriðjudögum.

Þörungaverksmiðjan í Karlsey. Myndina tók Árni Geirsson í maí 2013.

Aðalfundur Þörungaverksmiðjunnar hf. verður haldinn miðvikudaginn 23. júlí 2014 á skrifstofu félagsins, Karlsey, 380 Reykhólum, og hefst kl. 13. Dagskrá: Aðalfundarstörf skv. samþykktum félagsins.

Reykhólahreppur auglýsir laust til umsóknar starf umsjónarmanns félagsstarfs barna og unglinga utan skólatíma. Um er að ræða 12 tíma á mánuði eða þar um bil. Reykhólahreppur starfrækir Opið hús barna og unglinga tvo fimmtudaga í mánuði þegar skóli stendur.

Guðjón D. Gunnarsson.

Sjötugur er í dag Guðjón Dalkvist Gunnarsson frá Gilsfjarðarmúla (kannski betur þekktur sem Dalli), fyrrum bóndi í Mýrartungu í Reykhólasveit, sem hefur mörg síðari ár verið búsettur á Reykhólum. Núna á afmælisdaginn er hann á heimili sonar og tengdadóttur og barna þeirra í Bæ í Trékyllisvík í Árneshreppi á Ströndum.

Reykhólaskóli / Árni Geirsson.

Reykhólaskóli á Reykhólum við Breiðafjörð er sameinaður grunnskóli og leikskóli með 57 nemendur. Einkunnarorð hans eru Vilji er vegur. Skólinn er þátttakandi í Grænfánaverkefninu. Hér með er auglýst eftir kennurum í 100% starf í almennri kennslu og 50% starf í verkgreinum. Krafist er réttinda til kennslu í grunnskóla. Aðrar kröfur sem gerðar eru til umsækjenda:

Staðarkirkja og Staðarfoss.

Hjónin á Stað, Snæbjörn Jónsson og Unnur Guðmundsdóttir, ásamt gesti sínum Bjarna Benediktssyni forsætisráðherra. Morgunblaðið 2. ágúst 1964.

Reykjavíkurbréf Mbl. 2. ágúst 1964.

Frétt í Morgunblaðinu 10. júlí 1964.

« 1 af 4 »

Kirkjan á Stað á Reykjanesi í Reykhólasveit er 150 ára um þessar mundir, vígð sumarið 1864. Á morgun, laugardag, messar sr. Elína Hrund Kristjánsdóttir sóknarprestur í kirkjunni gömlu og fallegu og hefst athöfnin kl. 15. Undirleikari er Viðar Guðmundsson sem spilar á harmoniku og jafnframt verður almennur safnaðarsöngur. Kaffi að lokinni guðsþjónustu.

Báturinn Vinfastur (nýsmíði) á siglingu út af Staðarhöfn fyrir sex árum.

Vegna slæmrar veðurspár næstu daga hefur verið ákveðið að fresta Bátadögum á Breiðafirði um eina viku. Þeir áttu að vera núna á föstudag, laugardag og sunnudag en í staðinn verða þeir dagana 11.-13. júlí. Dagskráin verður hins vegar hin sama að öðru leyti (sjá tengilinn hér fyrir neðan). Þetta er ákveðið með venjulegum fyrirvara um veður - kóngur vill sigla en byr hlýtur að ráða, eins og sagt hefur verið.

Á kortinu má sjá staðina þar sem verkin verða sýnd.

Verk eftir Eygló Harðardóttur.

Boðskort á opnunina í Ólafsdal.

« 1 af 3 »

Myndlistarsýningin Dalir og hólar 2014 – LITUR verður opnuð í Ólafsdal við Gilsfjörð kl. 15-18 á laugardag, en hún verður síðan á átta stöðum í Dalabyggð og Reykhólahreppi, þar af tveimur á Reykhólum, fram til 10. ágúst. Á sýningunni eru verk eftir myndlistamennina Bjarka Bragason, Eygló Harðardóttur, Gerd Tinglum, Loga Bjarnason og Tuma Magnússon. Sýningin kallast á við fyrri Dala- og hóla-sýningar að því leyti, að hún hefur að markmiði að taka þátt í mannlífi svæðisins, efna til samstarfs við heimamenn og leiða sýningargesti í ferðalag um þetta fjölbreytta og fallega svæði sem umlykur Breiðafjörðinn, segir í kynningu. Sýningin er á ýmsum stöðum á svæðinu og verkin geta verið til dæmis á atvinnusvæði, í yfirgefnum húsum eða utandyra.