Frá Reykhóladögum í fyrra.

Byggðarhátíðin árvissa Reykhóladagar verður að þessu sinni 24.-27. júlí. Þorkell Heiðarsson umsjónarmaður hátíðarinnar hefur lokið við að ganga frá dagskránni, sem hefst síðdegis á fimmtudegi og stendur fram á miðjan dag á sunnudag. Hér er of langt mál að gera dagskránni skil í einstökum atriðum heldur skal vísað í hana í heild (sjá tengil hér fyrir neðan). Þó má geta þess sem einna helst má kalla fréttnæmt: Hljómsveitin ástsæla Spaðar verður með miðnæturtónleika á Báta- og hlunnindasýningunni á Reykhólum á fimmtudagskvöldinu. Þetta er í fyrsta skipti sem Spaðar leika á meginlandi Reykhólahrepps, en þeir hafa alloft spilað í Flatey.

Við komuna til Reykhóla: F.v. Ingibjörg Snorradóttir, Kristrún Björnsdóttir, Snorri Már Snorrason, Ingibjörg Birna Erlingsdóttir sveitarstjóri, Bergþór Jóhannsson og Svanhildur Sigurðardóttir í Sjávarsmiðjunni ásamt tveimur ungum dömum.

Snorri og Kristrún rétt fyrir brottförina frá Djúpadal í gærmorgun, þegar lagt var á Hjallaháls.

Snorri og Bergþór að koma á Barmahlíðina á leiðinni út á Reykhóla.

Verslunin Hólakaup og Hjalti Hafþórsson kokkur buðu til grillveislu í Reykhólaskóla í gærkvöldi. F.v. Ólafía Sigurvinsdóttir og Sigurvin Helgi Eyvindsson frá Hólakaupum, hjónin Hjalti matreiðslumaður og Ingibjörg Birna sveitarstjóri, Snorri Már, Kristrún og Ingibjörg Snorradóttir.

Landnámsjörðin Miðjanes er á miðju Reykjanesi, um 5 km utan við Reykhóla.

« 1 af 5 »

Snorri Már Snorrason frá Ísafirði er um það bil hálfnaður að hjóla Vestfjarðahringinn, nærri 800 kílómetra vegalengd. Hann er núna í Reykhólasveitinni ásamt Kristrúnu konu sinni og Ingibjörgu systur sinni. Ekkert er hjólað í dag heldur var ákveðið í gær án fyrirvara að nota daginn í dag til að skoða sig um í Reykhólasveit. Upphaflega var ekki ætlunin að víkja af þjóðvegi 60 og fara út á Reykhóla en það breyttist og segjast ferðalangarnir ekki sjá eftir því. Fyrir áratug greindist Snorri Már með Parkinsonsveiki en þrátt fyrir að vera metinn 75% öryrki hefur hann viðhaldið starfsþreki sínu með hreyfingu og er í fullu starfi sem þróunar- og gæðastjóri hjá Prentsmiðjunni Odda. Langt er síðan Snorri fluttist suður, en foreldrar hans og systkini eru búsett á Ísafirði. Fyrir tveimur árum hjólaði hann stóra hringinn í kringum landið, en þá varð Vestfjarðakjálkinn eftir.

Myndirnar tók Sólveig Ólafsdóttir.

« 1 af 5 »

Opið er í Ólafsdal við Gilsfjörð kl. 12-17 alla daga í sumar fram til 10. ágúst, en þá verður hin árlega Ólafsdalshátíð haldin í sjöunda sinn. Ekki hefur áður verið opið í hádeginu í Ólafsdal. Í sumar hefur Sólveig Ólafsdóttir umsjón með starfseminni og tekur á móti gestum. Í gamla glæsilega skólahúsinu í Ólafsdal eru sýningar um sögu fyrsta landbúnaðarskólans á Íslandi 1880-1907 (fastasýning frá 2010), en auk þess sýning um störf og nám kvenna í Ólafsdal, sem sett var upp í fyrra. Þá er hluti af myndlistarsýningunni DALIR og HÓLAR - LITUR til sýnis í Ólafsdal fram til 10. ágúst.

Hópurinn gaf sér góðan tíma í versluninni Hólakaupum á Reykhólum.

Tuttugu manna hópur karla og kvenna á hinum frægu Harley-Davidson mótorhjólum kom í heimsókn í Reykhólasveitina í morgun. Þau eru í eigendafélagi Harley-Davidson á Íslandi eða H.O.G. (Harley Owners Group), en alls eru 95 manns í klúbbnum. Formaður hans er Kristján Finnsson frá Skerðingsstöðum í Reykhólasveit og að sjálfsögðu er hann í þessari sumarferð.

Við innkeyrsluna í Hnausaskóg.

Búið er að gera þrjá göngustíga í Hnausaskógi í landi Skóga í Þorskafirði og leiðarlýsing hangir á kofanum þar. „Eins og alltaf er öllum velkomið að koma í skóginn og njóta þess sem hann hefur að bjóða,“ segir Björg Karlsdóttir, sem ásamt Þórarni Ólafssyni manni sínum hefur umsjón með jörðinni Skógum. Það skal þó tekið fram að öll meðferð elds er bönnuð. Jafnframt vill Björg benda fólki á, að núna hefur verið komið upp býflugnabúi í Hnausaskógi, til vinstri við innkeyrsluna þegar ekið er inn í skóginn.

Séð úr hlíðinni niður í fjöru. Skjáskot frá Stöð 2 / Kristján Már Unnarsson.

Leið um Teigsskóg var hafnað með Hæstaréttardómi fyrir fimm árum, en núverandi ráðherra vegamála, Hanna Birna Kristjánsdóttir, fól Vegagerðinni engu að síður á síðasta ári að fara með nýja veglínu í umhverfismat. Fyrri tillagan gerði ráð fyrir að allt að 12 prósent af skóglendinu myndi raskast, en ný tillaga, sem flytur veglínuna upp fyrir skóginn að austanverðu, og niður fyrir hann að vestanverðu, gerir ráð fyrir að eitt prósent [1%] af skóginum raskist. Segir Hreinn Haraldsson vegamálastjóri að slíkt [eitt prósent] teljist óveruleg röskun.

Í dreifibréfi frá Félagi opinberra starfsmanna á Vestfjörðum kemur fram, að kynningarfundur og atkvæðagreiðsla verði á skrifstofu Reykhólahrepps kl. 13 í dag, föstudag. Í bréfinu segir að skrifað hafi verið undir nýjan kjarasamning milli „Samflots“ og samninganefndar sveitarfélaganna.

Frjáls eins og fuglinn. Mynd fengin af bloggsíðunni hjá Ágústu Ýri.

Ég er búin að vera alveg orðlaus yfir allri athyglinni sem hefur verið í kringum ævintýrið mitt í Ohrid fyrir viku síðan. Sérstaklega þegar það var hringt í mig frá Vísi. Einnig vil ég þakka öll falleg orð sem hafa fallið útaf 59 km fluginu mínu, þar sem ég reyndi að fljúga til Skopje. Þetta eru búnir að vera alveg hreint ótrúlegir dagar. Dagarnir eftir ævintýrið í Ohrid eru búnir að vera æðislegir. Flugin virðast bara verða betri. Ég er að drukkna úr upplýsingum og nýjum lífsreynslum. En þetta er æðisleg tilfinning. Þegar maður sér framfarir hjá sjálfum sér er ótrúlega gaman. Og það er skemmtileg viðbót að fá hrós frá hinum og þessum og það hvetur mann áfram.

Hildibrandur í Bjarnarhöfn með lasinn örn (sem komst til fullrar heilsu). Ljósm. NSV.

Staða arnarstofnsins og varpárangur er með besta móti í ár og minna er um að varpi sé spillt, að sögn Kristins Hauks Skarphéðinssonar, fuglafræðings hjá Náttúrufræðistofnun Íslands. Þetta kemur fram í Morgunblaðinu í dag. „Arnaróðul í ábúð eru nú talin 73, þar af urpu 48 pör og 31 þeirra er nú með alls 38 unga. Fleiri pör hafa nú komið ungum á legg en nokkru sinni frá því farið var að fylgjast reglulega með stofninum árið 1959. Þá hafa aðeins einu sinni áður orpið jafnmörg pör og það sama er að segja um fjölda stálpaðra unga í hreiðrum,“ segir Kristinn Haukur í samtali við blaðið. Hann segir arnarstofninn ekki hafa mælst stærri í 100 ár. Núna er einmitt öld liðin frá því að örninn var friðaður og hálf öld frá því að bannað var að eitra fyrir refi.

Hafþór Júlíus Björnsson á Reykhólum fyrir tveimur árum.

Vestfjarðavíkingurinn, árleg keppni sterkustu manna landsins, hefst í dag og stendur fram á laugardag. Keppnin byrjar reyndar ekki á Vestfjarðakjálkanum heldur á Hellissandi núna í morgunsárið en síðdegis og í kvöld verða tvær greinar í Reykhólasveit. Fyrst við Bjarkalund kl. 17 þar sem keppt verður í bóndagöngu og síðan kl. 19 við Reykhólaskóla þar sem keppnin felst í því að jafnhatta steina. Líka var keppt í þeirri grein á Reykhólum fyrir tveimur árum.