Nýkjörin sveitarstjórn Reykhólahrepps hefur ákveðið að leita samninga við Ingibjörgu Birnu Erlingsdóttur um endurráðningu hennar í embætti sveitarstjóra. Ingibjörg Birna hefur gegnt starfinu síðasta kjörtímabil.
...
Assa opnar handverksmarkaðinn sinn í Króksfjarðarnesi í dag, þjóðhátíðardaginn 17. júní, og verður hann opinn alla daga í sumar kl. 12-18. Nytja- og bókamarkaðurinn er á sínum stað. Vöfflur og kaffi um helgar, allt eins og áður. Einnig verður hittingur á þriðjudögum kl. 15.30-17.
...
Grettislaug á Reykhólum, hin frábæra 25 metra sundlaug með heitu pottunum, verður opin kl. 15-22 alla daga í sumar eða til og með 23. ágúst. Fyrir nokkru var auglýst að hún yrði opin kl. 13-20 en því hefur verið breytt frá og með deginum í dag. Í haust mun tíminn svo styttast á ný og dögum í vikunni að líkindum fækka eitthvað eins og venjulega.
...
Sjö manns sóttu um starf skólastjóra Reykhólaskóla, en frestur til að sækja um rann út 10. júní. Capacent annast úrvinnslu umsóknanna og stendur hún yfir. Umsækjendurnir eru þessir (taldir í stafrófsröð):
...
Hátíðarhöld 17. júní í Reykhólahreppi verða í Bjarkalundi að venju. Dagskráin er í höndum Umf. Aftureldingar og hefst kl. 14 með skrúðgöngu og ávarpi fjallkonunnar. Til reiðu verða hoppukastalar, andlitsmálun fyrir börnin og leikir fyrir börn og fullorðna. Inni á hótelinu verður kaffihlaðborð sem kostar 1.500 krónur fyrir fullorðna og 700 krónur fyrir yngri en 12 ára.
...
Guðmundur Bergsson eldvarnaeftirlitsmaður ásamt liðsmönnum frá Slökkviliði Reykhólahrepps heimsótti Flatey á sunnudaginn fyrir viku, hvítasunnudag, og tók út þá gististaði sem honum er skylt að skoða. Jafnframt var eldvarnabúnaður eyjarinnar yfirfarinn, dælur voru gangsettar, slöngur dregnar út, vatni sprautað og allur búnaður prófaður.
...
Í tilefni af HM í fótbolta er Hótel Bjarkalundur í Reykhólasveit með tilboð á hamborgara og stórum á krana á kr. 2.000 og 12 tommu pizzu að eigin vali og stórum á krana á kr. 2.500, segir í tilkynningu frá Þorsteini Hauki Þorsteinssyni hótelstjóra. Í setustofunni í Bjarkalundi er hægt að horfa á leikina í góðra vina hópi og njóta veitinganna um leið. Þetta tilboð gildir allt til loka HM, en úrslitaleikurinn fer fram sunnudaginn 13. júlí. Verið hjartanlega velkomin, segir Þorsteinn Haukur.
...
„Ég man ekki eftir svona góðri þátttöku seinustu ár,“ segir Kolfinna Ýr Ingólfsdóttir, formaður Umf. Aftureldingar í Reykhólahreppi, um Kvennahlaupið í morgun. Um fimmtíu manns tóku þátt í hlaupinu, en þar var Grettislaug bæði upphafsstaður og endamark. „Konur, börn í vögnum og nokkrir strákar. Veðrið var mjög gott og gaman að sjá hve margar konur tóku þátt, “ segir Kolfinna. „Frábært framtak,“ segir hún. Þetta var í 25. sinn sem Kvennahlaupið er haldið hérlendis.
...
Sjóvá Kvennahlaup ÍSÍ verður á Reykhólum á morgun, laugardag. Hlaupið verður frá Grettislaug kl. 11. Í boði verða 2 km, 3 km, 5 km og 7 km. Frítt í sund fyrir þátttakendur að loknu hlaupi. Þátttökugjald er 1500 kr. fyrir fullorðna og 1000 kr. fyrir 12 ára og yngri. Hægt er að greiða þátttökugjaldið við Grettislaug fyrir hlaup eða hjá Kolfinnu á Hellisbraut 8.
...
Við hjá Norður & Co leitum að fólki til þess að vinna í framleiðslunni okkar á Reykhólum. Um er að ræða spennandi starf hjá ört vaxandi nýsköpunarfyrirtæki. Við tökum vel í allar umsóknir og hvetjum konur sem karla til þess að sækja um starfið.
...
