Mynd: Wikipedia.

Sumartími er genginn í garð á Héraðsbókasafni Reykhólahrepps, sem er til húsa í skólanum á Reykhólum. Safnið verður opið kl. 19-21 á þriðjudagskvöldum í sumar og þar með í fyrsta sinn núna í kvöld. Þó verður lokað vegna sumarleyfa dagana 17. júní, 5. ágúst og 12. ágúst. Safnið vinnur nú að því að koma öllum bókakosti sínum í Gegni, þar sem fólk mun geta leitað á netinu að bókum á safninu. Þegar þeirri vinnu er lokið munu koma strangari útlánsreglur þar sem safnið mun hafa sömu reglur eins og önnur söfn í Gegni.

Þrösturinn á hreiðrinu.

« 1 af 3 »

Þrjóskur og einbeittur þröstur á sér hreiður á nokkuð tæpri syllu utan á kirkjuturninum á Stað í Reykhólasveit. Fuglinn „hófst handa“ við hreiðurgerðina í byrjun mánaðarins og tók verkið hátt í fimm daga því að vindurinn var ekki auðveldur viðureignar. Einn morguninn lá mikið af byggingarefninu við kirkjudyrnar fyrir neðan og taldi þá heimafólk að hætt yrði við verkið á þessum stað, enda eru þrestir vanir að skella upp hreiðri á innan við einum degi. En fuglinn þessi var þrjóskur og að lokum tókst honum ætlunarverkið.

Hótel Bjarkalundur.

Fyrir helgina var opnað í Hótel Bjarkalundi við Berufjarðarvatn í Reykhólasveit. Árni Sigurpálsson, sem rekið hefur staðinn í félagi við aðra í tæpan áratug, hefur keypt hlut meðeigenda sinna. Hann segir að reksturinn verði með sama sniði og verið hefur undanfarin ár.

Samhliða kosningu til sveitarstjórnar Reykhólahrepps í mánaðarlok fer fram skoðanakönnun meðal íbúa, þar sem spurt verður um afstöðu þeirra til sameiningar við önnur sveitarfélög. Spurt verður hvort viðkomandi vilji að Reykhólahreppur sameinist öðru sveitarfélagi, og sé svarið játandi verða gefnir nokkrir kostir um sameiningu sem hægt verður að velja um.

Anna Greta Ólafsdóttir.

„Önnu Gretu er þakkað það framlag sem hún hefur veitt í þágu Reykhólaskóla síðastliðin tvö ár við sameiningu grunn- og leikskóla. Sveitarstjórn óskar henni jafnframt velfarnaðar á nýjum vettvangi,“ segir í bókun á síðasta fundi sveitarstjórnar Reykhólahrepps, en þar var lagt fram uppsagnarbréf Önnu Gretu Ólafsdóttur skólastjóra. Hún óskar eftir því að starfslok taki gildi 30. júlí. Sveitarstjórn fer þess jafnframt á leit við Önnu Gretu, að hún fylgi eftir málefnum skólans gagnvart nýjum skólastjóra.

Grettislaug / Árni Geirsson.

Grettislaug á Reykhólum verður lokuð um skeið vegna hefðbundins vorviðhalds frá og með mánudeginum 19. maí. Tilkynnt verður þegar laugin verður opnuð á ný.

Aldís Elín Alfreðsdóttir.

Aldís Elín Alfreðsdóttir hefur tekið við starfi forstöðumanns Grettislaugar á Reykhólum. Hún er sambýliskona Játvarðar Jökuls Atlasonar og býr á Reykhólum ásamt börnunum sínum Tinnu og Krumma, sem eru að verða níu ára og voru að ljúka þriðja bekk. Aldís er fædd og uppalin í Reykjavík en bjó í Dölunum frá 2007, áður en hún flutti á Reykhóla til Játa sumarið 2012. Hún er í fjarnámi við Háskóla Íslands til að verða dönskukennari, en hún hefur tvisvar búið í Danmörku.

Samband íslenskra sveitarfélaga hefur látið gera kynningarmyndband vegna sveitarstjórnarkosninganna 31. maí. Það er rúmlega þriggja mínútna langt og ber heitið Hvað gera sveitarfélögin? Þar er hlutverk sveitarfélaga útskýrt og jafnframt höfðað til ungs fólks að taka þátt í kosningunum og taka afstöðu til manna og málefna.

Keppnisferð nokkurra félaga úr Bridgefélagi Hólmavíkur til Færeyja, þar á meðal spilara frá Reykhólum, er að renna upp. Félagið hefur leitað eftir stuðningi vegna ferðarinnar og biður vefinn að birta þakkir til þeirra aðila sem hér eru taldir í stafrófsröð:

Orkubúsmaður að störfum. Ljósm. OV.

Árið 2013 varð hagnaður af venjubundnum rekstri Orkubús Vestfjarða níunda árið í röð. Framleiðsla vatnsaflsvirkjana Orkubúsins var með minna móti sökum tíðarfarsins eða rúmar 84 GWh. Í aftakastormi síðustu daga janúar brotnuðu flutningslínur og urðu verulegar truflanir í flutnings- og dreifikerfi raforku. Þetta kemur fram í fréttatilkynningu frá Kristjáni Haraldssyni orkubússtjóra, en aðalfundur fyrirtækisins var haldinn á Ísafirði á föstudag. Einnig segir í tilkynningunni: