Gústaf Jökull flytur ávarp sitt í setustofunni í Barmahlíð.

„Síðar vann ég hér við aðhlynningu. Ólafur Vestmann, eiginmaður Maríu Bjarkar Reynisdóttur forstöðukonu, var á næturvöktum fljótlega eftir að heimilið var tekið í notkun. Eftir það var hérna enginn karlmaður í hópi starfsfólks í allmörg ár. Konurnar á Reykhólum sögðu að karlmenn gætu ekki unnið við aðhlynningu aldraðra og skoruðu á mig að koma hér til starfa! Ég tók mér frí á Karlseynni í janúar og febrúar 1994, að mig minnir. Þá var ekkert róið þannig að ég fékk mér bara launalaust frí og vann hér þann tíma.“

Báta- og hlunnindasýningin á Reykhólum auglýsir eftir starfsmanni í hlutastarf núna í sumar. Um er að ræða 50% stöðu. Mikilvægt er að umsækjendur séu jákvæðir, duglegir og samviskusamir og hafi gaman af samskiptum við fólk. Nauðsynlegt er að hafa góða þekkingu á héraðinu og því sem það hefur að bjóða. Brýnt er að umsækjendur búi yfir kunnáttu í erlendum tungumálum, sérstaklega ensku. Reynsla af þjónustustörfum er æskileg.

Reykhólakirkja í smíðum. Myndin tekin 11. júlí 1959.

Taizé-kvöldstund verður í Reykhólakirkju kl. 20 í kvöld, 1. maí, og að henni lokinni aðalsafnaðarfundur Reykhólasóknar. Auk hinna venjulegu aðalfundarstarfa verður spjallað um vígsluafmæli kirkjunnar í haust og hugmyndir um hátíðarhöld. Lýsing kirkjunnar verður á dagskrá. Einnig verða skoðaðar teikningar af kirkjugarðinum og framkvæmdum sem áformaðar eru sem fyrst.

« 1 af 2 »

Hér skal minnt á auglýsingaskiltin sem Ungmennafélagið Afturelding í Reykhólahreppi hyggst leigja út innan á skjólveggnum við Grettislaug á Reykhólum. Ætlunin er að þau verði uppi í eitt ár en síðan verður hægt að borga á ný fyrir að hafa þau áfram. Skiltin fást í tveimur stærðum: Hæðin er í báðum tilvikum 90 cm en breiddin getur verið einn metri eða tveir metrar. Verðið fyrir árið er kr. 43 þúsund fyrir minni skiltin en kr. 63 þúsund fyrir stærri skiltin.

Vaxtarsamningur Vestfjarða, Atvinnuþróunarfélag Vestfjarða og Háskólasetur Vestfjarða auglýsa til umsóknar styrki fyrir námsmenn á lokastigum síns náms. Lögð er áhersla að styðja háskólanema frá Vestfjörðum (þ.e. með lögheimili á Vestfjörðum, þar á meðal í Reykhólahreppi, eða í námi í gegnum Háskólasetur Vestfjarða). Umsóknarfrestur er til 14. maí.

Ingibjörg Birna og græjurnar / SR.

Í tilefni af 25 ára afmæli Hjúkrunar- og dvalarheimilisins Barmahlíðar á Reykhólum, sem fagnað var á Barmahlíðardaginn fyrsta sumardag, færði Reykhólahreppur heimilinu nýtt sjónvarpstæki og heimabíókerfi. Sveinn Ragnarsson á Svarfhóli tók meðfylgjandi mynd af Ingibjörgu Birnu Erlingsdóttur sveitarstjóra við tækin í setustofunni í Barmahlíð.

Kvennakórinn Norðurljós.

Kvennakórinn Norðurljós á Hólmavík heldur sína árlegu vortónleika í Hólmavíkurkirkju á morgun, miðvikudaginn 1. maí, og hefjast þeir kl. 14. Undirleikarar eru Viðar Guðmundsson og Gunnlaugur Bjarnason. Stjórnandi er Sigríður Óladóttir. Innifalið í miðaverði er kaffihlaðborð í Félagsheimilinu á Hólmavík.

Starf ritara á skrifstofu Reykhólahrepps er laust til umsóknar. Ritari hefur umsjón með almennri þjónustu við íbúa á skrifstofu sveitarfélagsins. Um er að ræða hlutastarf frá kl. 10 til 14. Umsækjandi þarf að geta hafið störf sem fyrst.

Einar Kristinn, Haraldur og Eyrún Ingibjörg, sem skipuðu efstu sætin á lista Sjálfstæðisflokksins.

Nú við lok kosninga er okkur efst í huga þakklæti til þeirra sem treystu okkur til þess að starfa í sína þágu - að heill samfélagsins og ekki síst að hagsmunamálum Norðvesturkjördæmis. Við heitum því að vinna að þeim málum sem mest við megum á komandi árum. Í því sambandi viljum við starfa með öllum þeim sem að þessu verkefni vilja vinna.

Þar eð fyrsta maí, hátíðisdag verkalýðsins, sem er almennur frídagur, ber að þessu sinni upp á miðvikudag, flyst afgreiðsla Landsbankans á Reykhólum yfir á fimmtudag, 2. maí. Þá verður afgreiðsla bankans þar á venjubundum stöðum og á venjubundnum tíma dagsins.