Ebenezer Jensson.

Ebenezer Jensson, sem andaðist á heimili sínu á Reykhólum aðfaranótt hins 14. janúar, 65 ára að aldri, var í dag jarðsunginn og borinn til grafar á Reykhólum. Hann fæddist 26. ágúst 1947 á fæðingarstað og æskuheimili móður sinnar, Tungu í Valþjófsdal í Önundarfirði. Foreldrar hans voru Jóhanna Ebenesersdóttir og Jens Guðmundsson, sem upprunninn var hér í Reykhólasveit. Þau gengu í hjónaband sumarið eftir að Ebenezer fæddist og áttu heima á Reykhólum alla sína búskapartíð eða um hálfrar aldar skeið. Jóhanna lést árið 1997 og Jens árið eftir.

Frá Reykhólum, í forgrunni eru skólinn og íþróttahúsið. Ljósm. Árni Geirsson.

Neðangreindar upplýsingar eru birtar hér til að minna fólk á það, að ýmislegt er við að vera bæði til gagns og gamans á Reykhólum yfir vetrartímann, hvort heldur er fyrir börn eða fullorðna. Allir sem geta eru hvattir til að nýta sér eitthvað af þessu.

Árleg garðfuglahelgi Fuglaverndar hefst í dag og stendur í fjóra daga (25.-28. janúar). Þátttaka í henni er einföld: Það eina sem þarf að gera er að fylgjast með garðinum við húsið í einn klukkutíma einhvern þessara daga, skrá hjá sér hvaða fuglar koma í garðinn og mesta fjölda af hverri tegund, þ.e. fugla sem eru í garðinum en ekki þá sem fljúga yfir. Að athugun lokinni eru niðurstöður skráðar í þar til gert form á Garðfuglavefnum og sendar beint úr tölvunni. Þar er líka að finna eyðublað fyrir skráningu sem hægt er að senda í pósti.

„Okkur vantar fjóra þátttakendur til að fara af stað með þetta námskeið“, segir í tilkynningu frá Símenntunarmiðstöðinni á Vesturlandi. Um er að ræða stutt námskeið þar nemendur læra að gera góðar ljósmyndir enn betri og jafnvel bjarga ónýtum myndum. Líka verður farið í skipulag mynda á tölvu, miðlun þeirra á netinu og gerð ljósmyndabóka, ásamt fleiru.

Ebenezer Jensson, sem andaðist á heimili sínu á Reykhólum aðfaranótt hins 14. janúar, verður jarðsunginn frá Reykhólakirkju kl. 14 á morgun, föstudaginn 25. janúar. Blóm og kransar eru afþakkaðir, en þeim sem vilja minnast hans er bent á Hjúkrunar- og dvalarheimilið Barmahlíð.

Vegna jarðarfarar verður skrifstofa Reykhólahrepps lokuð frá kl. 13 á morgun, föstudaginn 25. janúar.

Grettislaug. Ljósm. Árni Geirsson.

Vegna þorrablótsins á Reykhólum á laugardag breytist tíminn í Grettislaug. Þann dag verður opið kl. 14-18 en ekki kl. 16-20 eins og annars hefði verið. Að öllu venjulegu er laugin opin (fram til 1. maí) fimm daga í viku kl. 16-20 en lokuð á miðvikudögum og sunnudögum.

Svokölluð „kviss“ (e. quiz - spurningakeppni) virðast njóta vinsælda um þessar mundir. Fyrir skömmu var Þaulsetur sf. með „maltkviss“ í félagsheimilinu á Staðarhóli í Saurbæ og um síðustu helgi var efnt til spurningaleiks „í anda pub-quiz“ í Sævangi við Steingrímsfjörð. Núna á sunnudag, 27. janúar, verður áðurnefnt Þaulsetur sf. í Dalasýslu með „þorrakviss“ í félagsheimilinu á Staðarfelli á Fellsströnd (ath. - ekki á Staðarhóli að þessu sinni).

Hafliði, Eiríkur og Kári við rísandi hús Íslenska saltfélagsins ehf.

« 1 af 3 »

„Við höfum verið heppnir með veður og þetta hefur gengið ágætlega“, segir Eiríkur Kristjánsson húsasmíðameistari á Reykhólum, en þessa dagana er verið að reisa límtrésgrindina að húsi Íslenska saltfélagsins ehf. við Reykhólahöfn. „Við stefnum á að klára núna í vikunni að reisa grindina og setja þakið á, þó að það velti auðvitað eitthvað á veðri. Síðan er stefnt að því að húsið verði orðið fokhelt núna í febrúar.“

Af óviðráðanlegum ástæðum kemur plastbíllinn frá Gámaþjónustunni ekki til bænda í Reykhólahreppi í dag, miðvikudag, eins og til stóð. Í stað þess er hann væntanlegur á morgun, fimmtudag.