Skjáskot úr Kastljósi.

Í ljósi umfjöllunar um kynferðisbrotamál í Kastljósi undanfarna daga vilja félagsþjónustur á Vestfjörðum (Félagsþjónustan við Djúp, Félagsþjónusta Ísafjarðarbæjar, Félagsþjónusta Stranda og Reykhólahrepps og Félagsþjónustan í Vestur-Barðastrandarsýslu) leggja áherslu á mikilvægi þess að þeir sem hafa orðið fyrir slíkri reynslu fái viðeigandi aðstoð og stuðning. Félagsmálastjórar á Vestfjörðum veita aðstoð í slíkum málum og þeir sem vilja eru hjartanlega velkomnir til viðtals. Jafnframt er bent á samtökin Stígamót eða Sólstafi Vestfjarða.

Félagsþjónusta Stranda og Reykhólahrepps auglýsir eftir starfsmanni eða starfsmönnum í 30 prósent starf við félagslega heimaþjónustu í Reykhólahreppi. Markmið félagslegrar heimaþjónustu er að fólkið sem hennar nýtur sé eflt til sjálfshjálpar og sé gert kleift að búa sem lengst í heimahúsum við sem eðlilegastar aðstæður. Þjónustan felur í sér innlit ásamt þrifum.

Guðmundur Ólafsson uppi í rafmagnsstaur að leggja síðustu hönd á verkið.

« 1 af 2 »

Viðgerð á raflínunni yfir Gufudalsháls milli Gufufjarðar og Kollafjarðar lauk síðdegis í gær. Þá kom inn á Klettshálsi á nýjan leik gsm-samband og sendingar tóku að berast frá sjálfvirku veðurstöðinni þar. Hins vegar berast ekki myndir frá vefmyndavél Vegagerðarinnar, að minnsta kosti ekki þessa stundina*), og Tetra-öryggissambandið kom ekki inn vegna tækjabilunar. Samkvæmt upplýsingum frá Neyðarlínunni núna laust fyrir hádegið voru viðgerðarmenn að sunnan komnir í Djúpafjörð á leiðinni á Klettsháls og reiknað með því að sambandið yrði komið innan klukkutíma.

Teikning Bjarna Jónssonar af vegþverun í mynni Þorskafjarðar milli Árbæjar og Skálaness ásamt sjávarfallavirkjun.

Nokkrar mismunandi leiðir fyrir Vestfjarðaveg 60 sem til álita hafa komið - og gera e.t.v. enn.

« 1 af 2 »

Fyrirtækið Sjávarorka ehf. í Stykkishólmi stefnir að því að koma upp tilraunavirkjun sjávarfallastrauma í Hvammsfirði innan tveggja til þriggja ára. Þetta leiðir hugann að hugmyndum um slíkar virkjanir í mynni Þorskafjarðar og í Gilsfirði, sem ítarlega hefur verið fjallað um hér á vefnum á undanförnum árum. Frá áformum Sjávarorku greinir í umfjöllun Helga Bjarnasonar blaðamanns í Morgunblaðinu í dag.

Fyrir framan Pál Gíslason sitja Hákon Sveinsson, Lilja Þórarinsdóttir og Ingólfur Pálsson. Nánar í meginmáli.

« 1 af 3 »

Unnsteinn Hjálmar Ólafsson (Hjalli á Grund) lumar á mörgum gömlum og merkilegum ljósmyndum. Núna sendi hann vefnum mynd sem tekin var þegar Reykhólabærinn gamli var rifinn árið 1951 (mynd nr. 1). Á myndinni er Páll Gíslason á Litlu-Grund ásamt Hákoni Sveinssyni, syni sínum Ingólfi og milli þeirra Lilju Þórarinsdóttur, móður áðurnefnds Unnsteins á Grund og Guðmundar Ólafssonar, sem núna á heima á Litlu-Grund. Á ungum aldri átti Lilja um skeið heima í torfbænum gamla á Reykhólum. Síðar var hún langa ævi húsfreyja á Grund en býr nú í Barmahlíð á Reykhólum, níræð að aldri.

Núna um áramótin tók Hrefna Jónsdóttir við starfi bókavarðar á Héraðsbókasafni Reykhólahrepps í skólanum á Reykhólum. Síðustu misserin hefur Harpa Eiríksdóttir gegnt því starfi en Sigmundur Már Atlason hljóp í skarðið frá því í haust og til áramóta. Harpa kom heim um hátíðarnar og setti Hrefnu inn í starfið en er nú aftur á förum til að ljúka námi sínu í ferðamálafræðum í Öxnafurðu (Oxford) á Englandi.

Frá því í stórviðrinu um daginn hafa ekki borist upplýsingar frá veðurstöðinni á Klettshálsi né heldur frá vefmyndavél Vegagerðarinnar á Klettshálsi. Samkvæmt svari frá Orkubúi Vestfjarða síðdegis í dag varðandi raflínuskemmdir á Gufudalshálsi er enn unnið að viðgerð - „sem líklegast lýkur á morgun, vonandi um miðjan dag“.

Svefneyjar, séð til austurs. Reykjanesfjall þvert fyrir miðri mynd og þar eru Reykhólar hægra megin. Þorskafjörður opnast vinstra megin en hægra megin opnast inn til Berufjarðar, Króksfjarðar og Gilsfjarðar. Ljósm. © Mats Wibe Lund.

Úr tímaritinu Hlín árið 1950, sem vitnað er til í textanum.

« 1 af 3 »

Hér á vefnum birtist í gær samantekt um það fólk upprunnið á Vestfjörðum sem hæstum aldri hefur náð, að best er vitað. Þar á meðal eru fjórar konur upprunnar í Austur-Barðastrandarsýslu (núverandi Reykhólahreppi). Samantekt þessi hefur verið geysimikið lesin og þess vegna skal hér aukið við kafla um Sesselju Jónsdóttur, sem búsett var í Flatey og Skáleyjum. Sjálf varð hún ekki langlíf en ýmsir afkomendur hennar hafa orðið þeim mun langlífari.

Átak til atvinnusköpunar er sjóður sem stýrt er af Nýsköpunarmiðstöð Íslands en er í raun á framfæri iðnaðarráðuneytis sem veitir fé til styrkveitinga. Eins og nafnið gefur til kynna eru áherslur sjóðsins að ýta undir atvinnuskapandi nýsköpun. Jafnan er horft til verkefna sem eru stutt á veg komin og ekki þarf endilega að vera með fyrirtæki eða rekstur á bak við umsækjanda. Krafist er 50% mótframlags.

Nýi ökuskólinn fyrirhugar að halda réttindanámskeið fyrir stjórnendur vinnuvéla í Búðardal, með fyrirvara um næga þátttöku. Kennt verður dagana 18.-21. janúar og aftur dagana 25.-28. janúar kl. 10-18 hvern dag. Námskeið þetta gefur rétt til próftöku á allar gerðir og stærðir vinnuvéla.