„Við höfum haft það alveg ótrúlega gott - samt vorum við nú ósköp fegin þegar rafmagnið kom. En þetta er bara partur af prógramminu að búa úti í sveit!“ sagði Erna Ósk Guðnadóttir í Gufudal hin hressasta í spjalli við vefinn núna í kvöld. „Jú, það var orðið svolítið kalt en við klæddum okkur bara vel, og svo erum við með lítinn gashitara.“
...
„Við erum með rafstöð hérna og létum hana ganga alveg þangað til rafmagnið kom aftur eftir hádegið í dag,“ sagði Guðrún Samúelsdóttir í Djúpadal í samtali við vefinn í kvöld. Veiturafmagn hafði þá verið úti í Gufudalssveit frá því um klukkan sex í gærmorgun. Það kom að vísu í stutta stund skömmu síðar en fór svo alveg. Að sögn Guðrúnar hefur Leifur maður hennar haft í nógu að snúast í dag með snjóblásarann. Hann var kallaður út fyrir hádegið og verður sennilega að langt fram eftir kvöldi.
...
Verslunin Hólakaup á Reykhólum verður opin til kl. 16 á morgun, gamlársdag. Síðan verður lokað á nýársdag og 2. janúar. Að öðru leyti er búðin opin sex daga vikunnar kl. 10-18 og á sunnudögum kl. 13-17.
...
Heilsufatnaður með breiðfirskum þörungatrefjum, Göngur og réttir í Reykhólahreppi - urmull mynda, Ljúf haustferð inn í Króksfjarðarnes o.fl. Klóraðar hafa verið saman til upprifjunar allmargar myndir og fréttir, sem birst hafa hér á vefnum á árinu sem senn er að kveðja. Þannig eru tveir mánuðir rifjaðir upp á dag, hvor í sínu lagi, síðustu sex daga ársins.
...
Björgunarsveitin Heimamenn í Reykhólahreppi hefur sinnt um fjörutíu útköllum á árinu sem er að kveðja. Í langflestum tilvikum var ekki um neitt alvarlegt að ræða, sem betur fer, heldur vegaaðstoð, að sögn Erlu Reynisdóttur í Mýrartungu, eins félagsmanna í björgunarsveitinni. Þar nefnir hún einkum bensínleysi, sprungin dekk og festur í snjó og krapi. Erla segir vandræðin geta verið af ýmsu tagi:
...
Sakir veðursins varð ekki hjá því komist að fresta hinni árlegu vetrarfuglatalningu Náttúrufræðistofnunar Íslands, sem fara átti fram núna um helgina. Í staðinn er hún áformuð um næstu helgi. Reykhólamenn eru jafnan ötulir við þessa talningu sem farið hefur fram nálægt áramótum í sextíu ár.
...
Fjallskilanefnd: Afsagnirnar dregnar til baka, Fljúgandi smalar á Stað tóku bensín í Bjarkalundi, Tímamót í skólahaldi á Reykhólum o.fl. Reyttar hafa verið saman til upprifjunar allmargar myndir og fréttir, sem birst hafa hér á vefnum á árinu sem senn er að kveðja. Þannig eru tveir mánuðir rifjaðir hér upp á dag, hvor í sínu lagi, síðustu sex daga ársins.
...
Rafmagnslaust hefur verið á Gróustöðum og í Garpsdal við Gilsfjörð frá því um klukkan sex í morgun. Á þeirri línu eru sex bæir en einungis er búið á þessum tveimur. „Ég skreið hérna út á tún í dag og fann eitt slit á línu og það er örugglega annað slit hérna fyrir innan okkur líka,“ sagði Bergsveinn Reynisson á Gróustöðum núna á ellefta tímanum í kvöld.
...
Systkinin frá Gilsfjarðarmúla eru samtals 882 ára, Matur úr hráefnum Breiðafjarðar á borðum, Hittumst í kaupfélaginu! o.s.frv. Tíndar hafa verið saman til upprifjunar allmargar myndir og fréttir, sem birst hafa hér á vefnum á árinu sem senn er að kveðja. Þannig eru tveir mánuðir rifjaðir upp á dag, hvor í sínu lagi, allt fram á gamlársdag.
...
Vera má að tjón á mannvirkjum hafi orðið mun víðar í Reykhólahreppi en nú er vitað. Samkvæmt heimildum fréttavefjar Reykhólahrepps er núna á tíunda tímanum að kvöldi þetta vitað um tjón á mannvirkjum öðrum en raflínum: Á Gillastöðum fór þak af hálfri fjárhúskró, hluti af þakklæðingu á íbúðarhúsinu í Borg, hlaða í Hólum var farin að gefa sig, þak rofnaði á hlöðu á Reykhólum sem notuð hefur verið fyrir fé, og eitthvert tjón mun hafa orðið á Skerðingsstöðum.
...
