Reyttar hafa verið saman til upprifjunar allmargar myndir og fréttir, sem birst hafa hér á vefnum á árinu sem senn er að kveðja. Þannig verða tveir mánuðir rifjaðir upp daglega hvor í sínu lagi allt fram á gamlársdag.
...
Reykhólahreppur stendur eins og endranær fyrir áramótabrennu á sorpsvæðinu fyrir neðan Reykhóla og verður kveikt í kestinum kl. 20.30 á gamlárskvöld - með þeim fyrirvara að veður leyfi. Á vegum Björgunarsveitarinnar Heimamanna í Reykhólahreppi verður flugeldasýning við brennuna, sem Bragi Jónsson annast eins og áður. Að venju selur björgunarsveitin skotelda til styrktar starfi sínu. Salan fer fram í húsi sveitarinnar við Suðurbraut á Reykhólum kl. 14-22 á sunnudag, 30. desember, og kl. 13-16 á gamlársdag.
...
Minnt skal á vefmyndavélar Vegagerðarinnar, sem eru á tólf stöðum á Vestfjarðakjálkanum, þar á meðal á Hjallahálsi og Klettshálsi og við veginn um Þröskulda. Frá myndavél á hverjum stað birtast myndir frá þremur sjónarhornum, ein á fimm mínútna fresti, ásamt því sem fram koma upplýsingar um vindátt, vindhraða og hitastig.
...
Tíndar hafa verið saman til upprifjunar allmargar myndir og fréttir, sem birst hafa hér á vefnum á árinu sem senn er að kveðja. Þannig munu tveir mánuðir verða rifjaðir upp daglega hvor í sínu lagi fram á gamlársdag. (Þessi inngangstexti verður orðinn leiðigjarn í tíunda eða ellefta skiptið og jafnvel fyrr).
...
Miðaldahandritið mikla Flateyjarbók er væntanlega kunnasti gripur sem ber nafn úr núverandi Reykhólahreppi. Fyrir skömmu var ákveðið að verja síðustu fjármunum Þjóðhátíðarsjóðs, sem nú hefur verið lagður niður, til viðgerða á bandi bókarinnar. Flateyjarbók hefur verið varðveitt í Árnastofnun í Reykjavík allt frá því að Helge Larsen, kennslumálaráðherra Dana, afhenti Gylfa Þ. Gíslasyni starfsbróður sínum hana með hinum frægu orðum: Vær så god, Flatøbogen!
...
Tíndar hafa verið saman til upprifjunar allmargar myndir og fréttir, sem birst hafa hér á vefnum á árinu sem senn er að kveðja. Þannig munu tveir mánuðir verða rifjaðir upp daglega hvor í sínu lagi fram á gamlársdag.
...
Embættað var í Gufudalskirkju í dag, annan dag jóla. Hún er annað tveggja friðaðra húsa uppi á meginlandinu í Reykhólahreppi, en hitt er kirkjan á Stað á Reykjanesi. Í Flatey eru nokkur hús að auki friðuð, svo og Ranakofi í Svefneyjum.
...
Tíndar hafa verið saman til upprifjunar allmargar myndir og fréttir, sem birst hafa hér á vefnum á árinu sem senn er að kveðja. Þannig munu tveir mánuðir verða rifjaðir upp daglega hvor í sínu lagi fram á gamlársdag.
...
Um jólin 1951 var haldin barnaskemmtun á Reykhólum og Sigfús Halldórsson var fenginn til að leika jólasvein. „Þá varð ég heldur betur var við að Litla flugan var auðlærð,“ sagði Sigfús í viðtali í Vikunni. „Ég var ekki búinn að syngja hana nema einu sinni þegar allir krakkarnir sungu hana með mér.“ Sigfús hefur sagt að lagið hafi verið sungið „fram og aftur og út á hlið, liggur mér við að segja, og ég vænti þess, að hún hafi svipt einhverjum skammdegisdrunga á brott.“
...
Friðuð hús í Reykhólahreppi eru sjö talsins, að því er fram kemur á vef Húsafriðunarnefndar. Þar af eru fjögur í Flatey og eitt í Svefneyjum og síðan kirkjurnar á Stað á Reykjanesi og í Gufudal. Hér skal þó nefna til sögunnar eitt friðað hús enn, Reykhólakirkjuna gömlu, sem nú þjónar í Saurbæ (Bæ) á Rauðasandi á norðurströnd Breiðafjarðar. Tiltækum heimildum ber ekki fyllilega saman um byggingartíma hennar.
...
