Félagsvist á vegum Umf. Stjörnunnar verður í Félagsheimilinu Tjarnarlundi í Saurbæ í kvöld, sumardaginn fyrsta. Árlegt páskabingó nemenda í 8.-10. bekk Auðarskóla verður á sama stað á laugardagskvöld. Sjá nánar hér.
...
Meira

Maður nokkur hafði samband út af alvarlegu atviki á sorpsvæðinu neðan við Reykhólaþorp. Hann fór þangað með rusl og þá var lítill drengur kominn ofan í járnagáminn og var þar að dunda sér. Naumast hefði verið að sökum að spyrja hefði einhver komið með járnarusl í gáminn og ekki séð barnið. Þess vegna skulu foreldrar og forráðamenn hvattir til að gæta þess að börnin séu ekki að leik á sorpsvæðinu.
...
Meira

Barmahlíðardagurinn hefur lengi verið haldinn hátíðlegur á Reykhólum á sumardaginn fyrsta. Enda þótt hann hafi í byrjun (og sé enn í dag) kenndur við Dvalarheimilið Barmahlíð hefur dagskráin a.m.k. á síðari árum alls ekki verið einskorðuð við heimilið þótt hluti hennar sé þar. Að þessu sinni verður dagskrá á tveimur stöðum, í Barmahlíð og í íþróttahúsinu á Reykhólum. Dagskrána er að finna hér (pdf).
...
Meira

Brúðuleikurinn Gilitrutt verður fluttur í íþróttahúsinu á Reykhólum á morgun sem einn liðurinn í Barmahlíðardeginum á sumardaginn fyrsta. Leikbrúðumeistarinn landskunni Bernd Ogrodnik stjórnar brúðunum en leikstjóri er Benedikt Erlingsson. Sýningin hefur fengið frábærar viðtökur gagnrýnenda og leikhúsgesta. Gilitrutt er nýtt íslenskt leikverk eftir þjóðsögunni um skessuna ógurlegu og bóndakonuna sem vildi sleppa auðveldlega frá skyldum sínum og ábyrgð. Sagan um Gilitrutt á einstaklega vel við núna í samtímanum þegar þjóðfélagið berst við að endurmeta öll sín gildi.
...
Meira

Ungmennafélagið Afturelding í Reykhólahreppi opnar lyftingasal á neðri hæð sundlaugarhússins við Grettislaug á Reykhólum á morgun, sumardaginn fyrsta. Hann verður opinn á sömu tímum og laugin sjálf. Í salnum eru fimm æfingatæki auk magatækis og æfingadýnu. Fólk sem kann að eiga lóð, dýnur, tæki eða eitthvað annað sem hentar í slíkan sal og vilja gefa Aftureldingu eru beðnir að hafa samband við stjórnina, Guðrúnu Guðmundsdóttur, Herdísi Ernu Matthíasdóttur eða Kolfinnu Ýri Ingólfsdóttur.
...
Meira

Prestar, organistar og söngfólk hafa í mörg horn að líta á stórhátíðum kirkjunnar, ekki síður í dymbilviku og á páskum en á jólum. Verkefnaskráin að þessu sinni hjá sr. Elínu Hrund Kristjánsdóttur, sóknarpresti í Reykhólaprestakalli, er þannig:
...
Meira

Afgreiðslutímar hjá Eyva og Ólafíu í versluninni Hólakaupum á Reykhólum yfir hátíðisdagana eru þessir:
...
Meira

Yfir hundrað manns hafa þegar skráð sig í Félag vestfirskra listamanna sem stofnað var á Listamannaþingi Vestfjarða á Ísafirði fyrir rúmri viku. Stjórnin sem kjörin var á stofnfundinum hefur skipt með sér verkum. Elfar Logi Hannesson leikari er formaður, Matthildur Helga- og Jónudóttir er ritari og Jón Þórðarson varaformaður.
...
Meira

Eins og jafnan er Grettislaug á Reykhólum opin lengur um hátíðisdaga dymbilviku og páska en annars á þessum árstíma. Fimm daga í röð, frá skírdegi til annars í páskum, er opið sex tíma dag hvern eða kl. 14-20.
...
Meira

Samningar til þriggja ára um menningarmál og menningartengda ferðaþjónustu milli ríkisins og sambanda sveitarfélaga um allt land voru undirritaðir á föstudag. Þeir fela í sér að árlega verður 250 milljónum króna varið til menningarmála og menningartengdrar ferðaþjónustu um allt land, þar af 35 milljónum til Vestfjarða. Þar með er stuðningi ríkisins beint í einn farveg í því skyni að efla slíkt starf um landið allt og gera það sýnilegt.
...
Meira